完整藏文原文 · 德格版页 当前仅加载第 10 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་མོ་དམ་པ་ཡིན་པས་དེས་དེའི་ངོ་ཅུང་ཟད་ཀྱང་མི་ཆོད་པས་དེས་བློན་པོ་རྣམས་ལ་བསྒོ་བ། དགོན་པ་བསྲུང་བགྱིས་ཤིག །དེ་དག་གིས་དགོན་པ་བསྲུང་བ་བྱས་པས་ད་དུང་ཡང་དེ་ན་{རི་དགས་,རི་དྭགས་}དག་མི་གསོད་དོ། །འཕགས་སྐྱེས་པོས་མ་ལ་གནོད་ལ་སྨྲས་པ། མ་ལ་གནོད་ད་
D6.010.0092a01.01ནི་ཤཱཀྱ་རྣམས་ཀྱིས་སྒོ་རྣམས་བཅད་དེ་ར་བ་རྣམས་སུ་སྦྲེངས་ནས། བག་བརྐྱང་སྟེ་འཁོད་ན་ངེས་པའི་དུས་ཀྱིས་འཆུ་བས་ཅི་ཞིག་བྱ་འདོད། དེས་སྨྲས་པ། ལྷ་ཅི་གྲོང་ཁྱེར་ཐམས་ཅད་ཕ་རོལ་གནོད་པ་གཅིག་པུས་ཆོམས་སམ། བདག་རྒྱལ་པོའི་ཕོ་བྲང་ན་སྤྱོད་པས་ཐོས་པ་ནི། །མཁས་པ་རྣམས་ནི་བཞམ་
D6.010.0092a02.01པ་དང་། །རབ་ཏུ་སྦྱིན་དང་བསླུ་བ་དང་། །ཀུན་དུ་སྤྱད་དང་ལྔ་པ་ནི། །དཔུང་གིས་དོན་རྣམས་སྒྲུབ་པར་བྱེད། ཅེས་བགྱི་སྟེ། དེ་ལྟ་བས་ན་དེ་དག་ལ་དབྱེན་བགྱི་བ་དགོངས་ཤིག །འཕགས་སྐྱེས་པོས་དེ་དག་ལ་སྤྲིང་བ། ཤེས་ལྡན་དག་ད་ནི་ཁྱེད་ལ་རྗེས་སུ་ཆགས་པ་ཡང་མེད། ཁོང་ཁྲོ་བ་ཡང་མེད་ཀྱི། འོན་ཀྱང་
D6.010.0092a03.01ངའོ་ནིར་བྱ་བ་ཅུང་ཞིག་ཡོད་དེ། དེ་ངས་བྱས་ཤིང་ཐོབ་ནས་མྱུར་བ་མྱུར་བར་འགྲོས་སྒོ་ཕྱེ་ཤིག །ཤཱཀྱ་རྣམས་ཀྱིས་སྨྲས་པ། ཤེས་ལྡན་དག་འདུས་ལ་ཅི་སྒོ་དབྱེའམ། འོན་ཏེ་མི་དབྱེ་བ་དཔྱད་པར་བྱའོ་ཞེས་དེ་དག་ཐམས་ཅད་འདུས་པ་དང་། དེ་ན་ཁ་ཅིག་གིས་སྨྲས་པ། དབྱེ་བར་བྱའོ། །གཞན་དག་གིས་
D6.010.0092a04.01སྨྲས་པ། གལ་ཏེ་ཕྱེ་ན་མ་ལེགས་སོ། །ཁ་ཅིག་གིས་སྨྲས་པ། ཤེས་ལྡན་དག་ཁ་ཅིག་ནི་དབྱེའོ་ཞེས་ཟེར། གཞན་དག་ནི་ཕྱེ་ན་མ་ལེགས་སོ་ཞེས་ཟེར་བས། དེའི་ཕྱིར་གལ་ཏེ་ཁྱེད་འདོད་ན་ཚུལ་ཤིང་རིམས་ཤིག་དང་། སྐྱེ་བོ་མང་པོའི་འདོད་པ་གང་ཡིན་པ་དེ་བྱའོ་ཞེས་དེ་རྣམས་ཀྱིས་ཚུལ་ཤིང་བྲིམ་
D6.010.0092a05.01པར་བརྩམས་སོ། །སྐབས་དེར་བདུད་སྡིག་ཅན་འདི་སྙམ་དུ་སེམས་ཏེ། བདག་གིས་ལན་དུ་མ་ཞིག་དགེ་སྦྱོང་གཽ་ཏ་མ་ལ་གླགས་བཙལ་ཞིང་ཀླན་ཀ་བཙལ་ཏེ་ཕྱི་བཞིན་ཕྱི་བཞིན་དུ་འབྲངས་ཀྱང་གླགས་མ་རྙེད་ཀྱིས། མ་ལ་ང་བདག་གིས་འདིའི་ཉེ་དུ་རྣམས་ཁ་བཏག་གོ་སྙམ་དུ་རིག་ནས་བདག་ཉིད་ཤཱཀྱ་རྒན་པོ་
D6.010.0092a06.01ཞིག་ཏུ་མངོན་པར་སྤྲུལ་ཏེ་རྒན་པའི་མཐར་འདུག་ནས་དེས་ཐོག་མར་ཚུལ་ཤིང་བླངས་པ་དང་། ཤཱཀྱ་རྒན་པོས་ཚུལ་ཤིང་བླངས་སོ་ཞེས་ཐམས་ཅད་ཀྱིས་བླངས་སོ། །དེ་ནས་བློ་གཅིག་པས་འཕགས་སྐྱེས་པོ་ལ་སྤྲིང་བ་ནང་དུ་ཞུགས་ཤིག །དེ་དཔུང་གི་ཚོགས་ཡན་ལག་བཞི་པ་དང་ནང་དུ་ཞུགས་ཏེ་ཞུགས་
D6.010.0092a07.01