完整藏文原文 · 德格版页 当前仅加载第 10 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་དེ་ཕོ་ཞིག་ཏུ་གྱུར་ནས་དེ་དང་བདག་ལྷན་ཅིག་ཏུ་འདོད་པའི་ལོངས་སྤྱོད་དགའ་མགུར་སྤྱད་པ་དང་། དེ་ལས་ཁྱོད་སྐྱེས་པར་གྱུར་ཏོ། དེས་བསམས་པ། ས་འཛིན་པ་དེ་ནི་མཁས་པ་ཞིག་སྟེ། དེས་བདག་ཤེས་ན་དེ་ལ་བདག་གིས་མི་འཇིགས་པ་བྱིན་པས་དེ་གསད་དུ་ནི་མི་རུང་གི་གཞན་སུ་ལ་ཡང་མི་ཟེར་བར་བྱ་
D6.010.0275b01.01བའི་ཕྱིར་བྱ་དགའ་བྱིན་ལ་ཡུལ་དབྱུང་ངོ་སྙམ་ནས། དེས་དེ་ལ་ཀཱར་ཥཱ་པ་ཎ་ལྔ་བརྒྱ་བྱིན་ཏེ་ཡུལ་ཕྱུང་ངོ་།། །།སྡོམ་ནི། འཚོ་བྱེད་དང་ནི་གསེར་འོད་དང་། །ཨེ་ལའི་འདབ་དང་ན་ལ་དང་། །རབ་བྱུང་སྐྲ་ཅན་ཟས་དང་ནི། །འབྲུ་མར་སྣོད་ནི་ཐ་མའོ། །རྒྱལ་པོ་གཏུམ་པོ་རབ་སྣང་གིས་བསམས་པ། བདག་གི་
D6.010.0275b02.01ནད་འདི་གཞི་ཆེར་གྱུར་པས་སྨན་པ་དག་བསྡུས་ལ་དཔྱད་བྱའོ་སྙམ་དུ་བསམས་ནས། དེས་ཡུལ་ན་གནས་པའི་སྨན་པ་ཐམས་ཅད་བསྡུས་ཏེ་སྨྲས་པ། ཤེས་ལྡན་དག་ངའི་ནད་འདི་ལྟ་བུ་ལ་དཔྱད་གྱིས་ཤིག །དེ་དག་གིས་སྨྲས་པ། ལྷ་བདག་ཅག་གིས་ཁྱོད་ཀྱི་དཔྱད་པ་བགྱིད་པའི་རྔོ་མི་ཐོག་སྟེ།
D6.010.0275b03.01འོན་ཀྱང་རྒྱལ་པོའི་ཁབ་ན་རྒྱལ་པོ་གཟུགས་ཅན་སྙིང་པོའི་བུ་སྨན་པའི་རྒྱལ་པོ་འཚོ་བྱེད་ཅེས་བགྱི་བ་མཆིས་ཏེ། གལ་ཏེ་ན་དེས་ལྷའི་དཔྱད་བགྱིད་རྔོ་ཐོག་གོ། །དེས་རྒྱལ་པོ་གཟུགས་ཅན་སྙིང་པོ་ལ་ཡི་གེ་སྤྲིངས་ཏེ། སྨན་པའི་རྒྱལ་པོ་འཚོ་བྱེད་ཚུར་ཐོང་ཤིག །ཡང་ན་ངའོ་ནིར་འོང་གིས་རྩྭ་དང་།
D6.010.0275b04.01ཆས་སྟ་གོན་གྱིས་ཤིག་ཅེས་བྱས་པ་དང་། རྒྱལ་པོ་གཟུགས་ཅན་སྙིང་པོས་ཡི་གེ་བཀླགས་ནས་སྔངས་ཏེ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་སྟེ། གལ་ཏེ་འཚོ་བྱེད་མ་བཏང་ན་དེ་ལ་ཅི་དང་ཅི་དགོས་པ་དེ་འགུགས་པས་དོན་གྱིས་བདག་ཀྱང་དེའི་དཔྱས་པར་གྱུར་པས་མ་ལེགས་སོ་
D6.010.0275b05.01སྙམ་ནས་དེ་ཡིད་མི་བདེ་བ་སྨན་པའི་རྒྱལ་པོ་འཚོ་བྱེད་ཀྱིས་མཐོང་ངོ་། །དེ་ནས་རྐང་པ་ལ་ཕྱག་འཚལ་ཏེ་སྨྲས་པ། ལྷ་ཅིའི་སླད་དུ་ཕྱག་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་ཁྱོད་ཀྱིས་འདི་ལྟ་བུའི་བཟོ་བསླབས་པ་དེས་ན་གནོད་པར་གྱུར་ཏོ། །འཚོ་བྱེད་
D6.010.0275b06.01ཀྱིས་སྨྲས་པ། ཇི་ལྟར་གནོད་པར་གྱུར། དེས་ཇི་ལྟར་གྱུར་པ་བརྗོད་པ་དང་། ལྷ་བཀའ་ལུང་སྩལ་དུ་གསོལ་མཆི་བར་བགྱིའོ། །བུ་རྒྱལ་པོ་དེ་གཏུམ་པོ་ཞིག་སྟེ། ཅིའི་ཕྱིར་ཡང་སེམས་ཅན་གསོད་པར་བྱེད་པས་ཁྱོད་མི་གསད་གྲང་། ལྷ་བདག་སྲུང་མི་ནུས་པའི་སྨན་པ་དེ་ཅི་འདྲ་བ་ཞིག་སྟེ། ཐུགས་
D6.010.0275b07.01