完整藏文原文 · 德格版页 当前仅加载第 10 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུ་ར་བཞག་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་སྤྱན་འདྲེན་གྱིས་འཕགས་པ་གདུགས་ཚོད་བཤམས་ལགས་ཏེ། འཕགས་པ་ད་དེའི་དུས་ལ་བབ་པར་དགོངས་སུ་གསོལ་ཞེས་དུས་གདབ་པར་བྱས་སོ། །དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་སྔ་དྲོ་ཆོས་གོས་དང་
D6.010.0286a01.01ཤམ་ཐབས་བགོས་ལྷུང་བཟེད་ཐོགས་ནས་དགེ་སློང་མང་པོས་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ་བྲམ་ཟེ་མོ་དེའི་བཀད་ས་གང་ན་བ་དེར་སོང་ངོ་། །ཕྱིན་ནས་དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་གོ། །དེ་ནས་བྲམ་ཟེ་མོ་དེས་ཀ་ཏྱའི་
D6.010.0286a02.01བུ་ཆེན་པོ་ལ་སོགས་པ་དགེ་སློང་གི་དགེ་འདུན་དག་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང་། བཅའ་བ་དག་རང་གི་ལག་དར་ཏེ་ཡང་དག་པར་ཚིམ་པར་བྱེད། ཡང་དག་པར་སྟོབས་པར་བྱེད་དོ། །རྣམ་གྲངས་དུ་མར་གཙང་ཞིང་བསོད་པའི་བཟའ་
D6.010.0286a03.01བ་དང་བཅའ་བ་དག་རང་གིས་ལག་དར་ཏེ་ཡང་དག་པར་ཚིམ་པར་བྱས་ཡང་དག་པར་བསྟབས་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་བཤོས་གསོལ་ནས་ལྷུང་བཟེད་གྱུ་ཕྱག་བཅབས་པར་རིག་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་མདུན་དུ་ཆོས་མཉན་པའི་ཕྱིར་སྟན་ཆེས་དམའ་
D6.010.0286a04.01བ་ཞིག་བཏིང་ནས་འདུག་གོ། །དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་བྲམ་ཟེ་མོ་དེ་ལ་ཆོས་འཆད་པར་འདོད་ནས་བྲམ་ཟེ་མོ་དེ་ལ་འདི་སྐད་ཅེས་སྨྲས་སོ། །བྲམ་ཟེའི་བུ་མོ་སྐྲ་ཅན་ག་རེ། དེས་སྨྲས་པ། འཕགས་པ་སྤྱོད་ལམ་ཉམས་ལགས་སོ། །དགྲ་བཅོམ་པ་རྣམས་ནི་
D6.010.0286a05.01མ་བསམས་པར་ཡེ་ཤེས་མཐོང་བ་མི་འཇུག་པས་དེས་བུ་མོ་སྐྲ་ཅན་གྱི་སྤྱོད་པ་བསམས་ནས་སྨྲས་པ། བྲམ་ཟེ་མོ་དགེ་བའི་བསམ་པ་ཅན་གྱི་བུ་མོ་དེ་བོས་ཤིག །དེས་བོས་པ་དང་། ཁང་པ་ནས་ཕྱུང་སྟེ་དད་པ་དྲག་པོས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་ཕྱག་འཚལ་ཏེ་ཕྱོགས་
D6.010.0286a06.01གཅིག་ཏུ་འདུག་པ་དང་། བྲམ་ཟེ་མོ་དེས་སྨྲས་པ། འཕགས་པ་སྐྲ་ཅན་མ་འདི་སྡིག་པ་སྤངས་པས་ཁྱོད་ཀྱི་སྲས་མོ་ལགས་ཏེ། དེའི་སླད་དུ་ཇི་ལྟར་བགྱིས་ཀྱང་བདག་ཅག་གིས་ཁྱོད་ཁོ་ན་ལ་ཞུ་འཚལ་ན་འདི་བདག་ཅག་གིས་སུ་ལ་སྩལ་བར་བགྱི་གསུངས་ཤིག །དེས་སྨྲས་པ། བྲམ་ཟེ་མོས་ཆ་
D6.010.0286a07.01