完整藏文原文 · 德格版页 当前仅加载第 10 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་ཆོས་ལས་བྱུང་བའི་དད་པ་གཞན་འདི་ཡང་མཆིས་ཏེ། བཙུན་པ་འདི་ན་བདག་གིས་དགེ་སྦྱོང་དང་། བྲམ་ཟེ་ཁ་ཅིག་མཐོང་ན་ནོར་མེད་པར་བགྱིས་ཏེ། ཚངས་པར་སྤྱད་པ་སྤྱོད་པ་ལས་དེ་ཟླ་བ་དགུ་འམ་ཟླ་བ་བརྒྱད་འདས་པ་དང་། རྣམ་པ་དེ་དག་དང་། རྟགས་དེ་དག་དང་མཚན་མ་དེ་དག་བོར་ཏེ།
D6.010.0085b01.01ཕྱིར་འདོད་པའི་ཡོན་ཏན་ལྔ་པོ་དག་འབྱོར་ཅིང་ལྡན་པར་གྱུར་ཅིང་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་ཡང་བགྱིད་དོ། །བཙུན་པ་འདི་ན་བདག་གིས་མཐོང་བ་བཅོམ་ལྡན་འདས་ཀྱི་ཉན་ཐོས་དག་ཇི་སྲིད་འཚོའི་བར་དུ་ཚངས་པར་སྤྱོད་པ། མ་འདྲེས་པ། ཡོངས་སུ་རྫོགས་པ། ཡོངས་
D6.010.0085b02.01སུ་དག་པ། ཡོངས་སུ་བྱང་བ་སྤྱོད་ཅིང་ཞེས་བྱ་བ་ནས། སྲོག་གི་མཐའི་བར་ཞེས་བྱ་བ་དང་། བཙུན་པ་འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ་ཞེས་བྱ་བའི་བར་སྔ་མ་བཞིན་ནོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བརྒྱད་པ། བཙུན་པ་
D6.010.0085b03.01བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་འདི་ཡང་མཆིས་ཏེ། བཙུན་པ་འདི་ན་བདག་དྲང་སྲོང་སྦྱིན་པ་དང་། རྙིང་པ་དང་། དེ་དག་ལ་ཡིད་རྟོན་ཅིང་དེ་དག་ལ་ལོངས་སྤྱོད་རྣམས་ཀྱང་སྩོལ། གྲགས་པ་ཡང་སྩོལ་བ་ནས། དེ་དག་གི་སྲོག་གི་བར་ཡང་སྩོལ་ན། དེ་དག་བཅོམ་ལྡན་
D6.010.0085b04.01འདས་ལ་ཇི་ལྟ་བ་དེ་ལྟར་བདག་ལ་བགྱི་བ་བགྱིད་པར་མི་སེམས་ཏེ། བཙུན་པ་དུས་གཅིག་ཅིག་ན་བདག་དྲང་སྲོང་ཡིད་བརྟན་པ་སྦྱིན་པ་དང་། རྙིང་པ་དག་བརྟག་པར་འཚལ་ནས། འཁོར་གྱི་ནང་ནས་བྱུང་སྟེ་ཕྱོགས་དོག་པ་ཞིག་ཏུ་མཆིས་ནས། འདི་ལྟར་འདི་དག་བཅོམ་ལྡན་འདས་དང་བདག་གང་
D6.010.0085b05.01(ལགས་,ལོགས་)སུ་རྐང་པ་སྟོན་བལྟའོ་སྙམ་ན། དེ་དག་གིས་རྣམ་གྲངས་དུ་མར་སངས་རྒྱས་ཀྱི་བསྔགས་པ་བརྗོད། ཆོས་དང་དགེ་འདུན་གྱི་བསྔགས་པ་བརྗོད་ནས། བཅོམ་ལྡན་འདས་གང་ན་བ་དེ་ལོགས་སུ་ནི་མགོ་བསྟན། བདག་ག་ལ་བ་དེ་ལོགས་སུ་ནི་རྐང་པ་བསྟན་ཏོ། །དེ་ལ་བདག་འདི་སྙམ་བགྱིད་དེ།
D6.010.0085b06.01བཅོམ་ལྡན་འདས་ནི་དེ་ཙམ་དུ་རྫུ་འཕྲུལ་ཆེ་ཞིང་མཐུ་ཆེ་སྟེ། འདི་ན་ད་ལྟར་བདག་འདི་དག་ལ་ལོངས་སྤྱོད་རྣམས་ཀྱང་སྦྱིན། གྲགས་པ་ཡང་སྦྱིན་པ་ནས། སྲོག་གི་བར་ཡང་སྩོལ་ན། འདི་དག་བཅོམ་ལྡན་འདས་ཇི་ལྟ་བ་དེ་ལྟར་བདག་ལ་བྱ་བ་བྱེད་པར་མི་སེམས་པ་ནི་ངོ་མཚར་ཏོ་སྙམ་སྟེ་ཞེས་བྱ་བ་ནས།
D6.010.0085b07.01