完整藏文原文 · 德格版页 当前仅加载第 10 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། དྲི་དང་། མེ་ཏོག་དང་། བདུག་སྤོས་ལ་སོགས་པ་ཇི་སྙེད་ཡོད་པ་དེ་དག་ཀྱང་དགེ་འདུན་ལ་བྲིམ་པར་བྱ། ནུབ་མོ་སྒོ་གཅད་པར་བྱ་ཞིང་ནང་པར་དབྱེ་བར་བྱ། བཤང་བའི་གནས་དང་། གཅི་བའི་གནས་དག་ཀྱང་སྦྱང་བར་བྱ་ཞིང་། གཞན་ཡང་གཙུག་ལག་ཁང་དང་འབྲེལ་བའི་བྱ་བ་གང་ཡིན་པ་དེ་དག་
D6.010.0120b01.01བྱའོ། །དེས་སྨྲས་པ། བཙུན་པ་ཀུན་དགའ་བོ་བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་འཚལ་ལོ། །ཇི་ཙམ་ན་དགེ་སློང་རྣམས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་སེར་སྐྱའི་གནས་སུ་བསོད་སྙོམས་ལ་ཞུགས་པ་དང་། དགའ་བོས་བསམས་པ།
D6.010.0120b02.01གཙུག་ལག་ཁང་ཕྱགས་ལ་འགྲོའོ་སྙམ་ནས་དེས་ཕྱག་དར་བྱས་པ་དང་། བཅོམ་ལྡན་འདས་ཀྱིས་གང་གི་ཚེ་ཁྱམས་ཅིག་ཕྱགས་པ་དེའི་ཚེ་གཉིས་པ་ཕྱག་དར་གྱིས་གང་བར་གྱུར་པ་དེ་ལྟར་བྱིན་གྱིས་བརླབས་སོ། །དེས་བསམས་པ། ཕྱག་དར་བོར་ལ་འགྲོའོ་སྙམ་ནས་དེས་ཕྱགས་མ་བཞག་སྟེ་
D6.010.0120b03.01ཕྱག་དར་དབོ་བར་བརྩམས་པ་དང་། ཟད་པར་མ་གྱུར་ནས་དེས་བསམས་པ། གནས་ཁང་རྣམས་ཀྱི་སྒོ་བཅད་ལ་འགྲོའོ་སྙམ་ནས་དེས་གནས་ཁང་རྣམས་ཀྱི་སྒོ་བཅད་པར་བརྩམས་པ་དང་། བཅོམ་ལྡན་འདས་ཀྱིས་དེ་གང་གི་ཚེ་གནས་ཁང་གཅིག་གི་སྒོ་བཅད་པ་དེའི་ཚེ་གཞན་བྱེ་བར་
D6.010.0120b04.01གྱུར་པ་དེ་ལྟ་བུར་བྱིན་གྱིས་བརླབས་པས་དེ་སྐྱོ་ནས་སྨྲས་པ། བདག་རྒྱལ་པོར་གྱུར་ནས་འདི་བས་ཆེས་ལྷག་པའི་གཙུག་ལག་ཁང་བྱས་འགྲོའོ། །ཡང་བསམས་པ་གསེབ་ལམ་དུ་འགྲོའོ་སྙམ་ནས་དེས་གསེབ་ལམ་དུ་སོང་བ་དང་། བཅོམ་ལྡན་འདས་ཀྱིས་དེའི་སེམས་ཀྱི་རྟོག་པ་ཐུགས་ཀྱིས་
D6.010.0120b05.01མཁྱེན་ནས་ལམ་དེ་ཉིད་དུ་གཤེགས་སོ། །དེས་བཅོམ་ལྡན་འདས་ཐག་རིང་པོ་ཁོ་ན་ནས་མཐོང་ནས་དེ་དང་ཧ་ཅང་མི་རིང་བ་ན་ཤིང་ཡལ་ག་སྟུག་པོ་ཐུར་དུ་འཕྱང་བ་ཞིག་ཡོད་པ་དེ་མྱུར་བ་མྱུར་བ་ཉིད་དུ་སོང་སྟེ། དེའི་འོག་ཏུ་གབ་ནས་འདུག་པ་དང་། བཅོམ་ལྡན་འདས་ཀྱིས་ཤིང་དེའི་ཡལ་ག་
D6.010.0120b06.01རྣམས་ཇི་ལྟར་གྱེན་དུ་འཕགས་པར་གྱུར་པ་དེ་ལྟར་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། དགའ་བོ་ཁྱོད་གར་འགྲོ། །ཚུར་ཤོག་འདོང་། དེ་སྤོབས་པ་མེད་པར་གྱུར་ཅིང་ངོ་ཚ་བའི་ཡིད་ཀྱིས་བཅོམ་ལྡན་འདས་ཀྱི་ཕྱི་བཞིན་སོང་ངོ་། །བཅོམ་ལྡན་འདས་
D6.010.0120b07.01