完整藏文原文 · 德格版页 当前仅加载第 10 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་འོད་སྲུང་ཞེས་བྱ་བ་རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་
D6.010.0282a01.01རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། དེ་གྲོང་ཁྱེར་བཱ་རཱ་ཎ་སཱིའི་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་གནས་ཤིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་སྡེ་སྣོད་གསུམ་དང་ལྡན་པ་སྤོང་བ་པར་གྱུར་ཏེ། དེ་དབེན་པའི་ཕྱོགས་ཤིག་ན་ཤིང་ཨེ་ལའི་དྲུང་དུ་འཆག་ས་བཅས་ཏེ།
D6.010.0282a02.01དེ་དེ་ན་འཆག་པའི་དཔྲལ་བར་ཤིང་ཨེ་ལའི་འདབ་མས་ཕོག་པ་དང་། དེས་དེ་མནགས་སོ། །ཇི་ཙམ་དུས་གཞན་ཞིག་ན་ཡིད་ལ་བྱེད་པའི་རྣལ་འབྱོར་གྱིས་ངལ་ཏེ་འཆག་པ་ན་དེའི་དཔྲལ་བ་ལ་དེའི་འདབ་མས་ཕོག་པ་དང་། དེས་དེ་ལ་ཁྲོས་ཏེ་བཅད་ནས་ལག་པ་གཉིས་ཀྱིས་དུམ་བུ་དུམ་
D6.010.0282a03.01བུར་བྱས་ཏེ་བོར་ནས་འདི་སྐད་དུ་སྲོག་ཀྱང་མེད། འཚོ་བ་ཡང་མེད་པ་འདི་ལ་བཅོམ་ལྡན་འདས་འོད་སྲུང་གིས་ཉེས་པ་ཅི་ཞིག་གཟིགས་ན། གང་གི་ཕྱིར་བསླབ་པའི་གཞིར་བཅས་ཞེས་ཀྱང་སྨྲས་སོ། །དེས་ཁྲོས་ཏེ་བསླབ་པ་དྲལ་བས་ལུས་ཞིག་ནས་ཀླུ་རྣམས་ཀྱི་ནང་དུ་སྐྱེས་ཏེ་མགོ་ལ་ཤིང་
D6.010.0282a04.01ཨེ་ལ་སྐྱེས་པས་སྲིན་བུའི་རིགས་བརྒྱ་ཕྲག་དུ་མས་ནི་གང་། སྦྲང་མའི་ཚོགས་དུ་མ་ནི་ལྡིང་ཞིང་བབ། རྣག་དང་ཁྲག་གི་དྲི་མནམ་ཞིང་རབ་ཏུ་མནམ་པ་ནི་འཛག་གོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དགེ་སློང་སྡེ་སྣོད་གསུམ་པ་སྤོང་བ་པ་གང་ཡིན་པ་དེ་ནི་ཀླུའི་
D6.010.0282a05.01རྒྱལ་པོ་ཨེ་ལའི་འདབ་འདི་ཉིད་ཡིན་ཏེ། གང་འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་ནས་རབ་ཏུ་ཁྲོས་ཏེ་བསླབ་པ་དྲལ་བའི་ལས་དེའི་རྣམ་པར་སྨིན་པས་ཀླུ་རྣམས་ཀྱི་ནང་དུ་སྐྱེས་ཏེ། མགོ་ལ་ཤིང་ཨེ་ལ་སྐྱེས་པས་ཀུན་ནས་སྲིན་བུའི་རིགས་བརྒྱ་
D6.010.0282a06.01ཕྲག་དུ་མས་ནི་གང་། སྦྲང་བུའི་ཚོགས་དུ་མ་ནི་ལྡིང་ཞིང་བབ། རྣག་དང་ཁྲག་གི་དྲི་མནམ་ཞིང་རབ་ཏུ་མནམ་པ་ནི་འཛག་གོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག །གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར།
D6.010.0282a07.01