完整藏文原文 · 德格版页 当前仅加载第 10 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ལྡན་དག་བདག་གིས་མི་ཤེས་ཀྱིས་སྡོད་ཅིག་དང་བཅོམ་ལྡན་འདས་ལ་ཞུའོ། །དེ་དག་གིས་སྨྲས་པ། ཁྱིམ་བདག་ལེགས་ཏེ་དེ་བཞིན་དུ་མཛོད་ཅིག་དང་སྡོད་དོ། །དེ་བཅོམ་ལྡན་འདས་ཀྱི་སྤྱན་སྔར་སོང་ནས་ཞབས་ལ་མགོ་བོས་ཕྱག་འཚལ་ཏེ་གསོལ་པ། བཅོམ་ལྡན་
D6.010.0225b01.01འདས་ཚོན་རྩི་དག་ཀྱང་བསོགས། རི་མོ་མཁན་རྣམས་ཀྱང་བོས་ན་དེ་དག་གི་མཆིད་ནས་ཁྱིམ་བདག་ཕྱོགས་གང་དུ་ཅི་ཞིག་བྲི་བ་སྨྲོས་ཤིག་ཅེས་མཆི་ན། དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ་ཕྱོགས་གང་དུ་ཅི་ཞིག་བྲི་བ་བཀའ་སྩལ་དུ་གསོལ།
D6.010.0225b02.01བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གལ་ཏེ་དེ་ལྟ་ན་སོང་ལ་རེ་ཞིག་ཕྱི་སྒོར་གནོད་སྦྱིན་ལག་ན་དབྱུག་ཐོགས་འདྲིར་བཅུག་ནས། སྒོ་ཁང་དུ་ནི་ཆོ་འཕྲུལ་ཆེན་པོ་དང་འཁོར་བའི་འཁོར་ལོ་ཆ་ལྔ་པ། ཁྱམས་སུ་ནི་སྐྱེས་པའི་རབས་ཀྱི་ཕྲེང་བ། དྲི་གཙང་ཁང་གི་སྒོར་ནི་
D6.010.0225b03.01གནོད་སྦྱིན་ལག་ན་ཕྲེང་བ་ཐོགས་པ་དག །རིམ་གྲོའི་ཁང་པར་ནི་དགེ་སློང་གནས་བརྟན་གནས་བརྟན་དག་ཆོས་རྣམ་པར་གཏན་ལ་འབེབས་པར་བྱེད་པ། བཀད་སར་ནི་གནོད་སྦྱིན་ལག་ན་ཟས་ཐོགས་པ་དག །མཛོད་ཀྱི་སྒོར་ནི་གནོད་སྦྱིན་ལག་ན་ལྕགས་ཀྱུ་ཐོགས་པ་དག །ཆུའི་ཁང་
D6.010.0225b04.01པར་ནི་ཀླུ་ལག་ན་བུམ་པ་ཐོགས་པ་རྒྱན་སྣ་ཚོགས་ཀྱིས་བརྒྱན་པ་དག །ཁྲུས་ཁང་ངམ། བསྲོ་གང་དུ་ནི་ལྷའི་མདོ་ལས་འབྱུང་བའམ། གཞན་དམྱལ་བའི་རབས། ནད་པའི་སྨན་ཁང་དུ་ནི་དེ་བཞིན་གཤེགས་པ་ནད་པའི་ནད་གཡོག་མཛད་པ། ཆབ་ཁུང་སར་ནི་དུར་ཁྲོད་ཤིན་ཏུ་
D6.010.0225b05.01འཇིགས་སུ་རུང་བ། གནས་ཁང་གི་སྒོར་ནི་རུས་པའི་ཀེང་རུས་དང་། མགོའི་ཐོད་པ་བྲིའོ། །བཙུན་པ་དེ་ལྟར་འཚལ་ལོ་ཞེས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ལྟར་མཉན་ནས་ཐམས་ཅད་དེ་ཁོ་ན་བཞིན་དུ་འདྲིར་བཅུག་གོ། །གང་གི་ཚེ་ཁྱིམ་བདག་
D6.010.0225b06.01མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་རི་མོ་བྲིས་པ་དེའི་ཚེ་དགེ་སློང་ཤེས་བཞིན་མེད་པར་གནས་པ་ཁ་ཅིག་གིས་དེར་མེ་བུས་པས་དུ་བས་རི་མོ་མ་རུང་བར་གྱུར་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D6.010.0225b07.01