完整藏文原文 · 德格版页 当前仅加载第 10 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
བབ་པར་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་ཉེ་{དགའས་,དགས་}ཆོས་གོས་ངུར་སྨྲིག་བཙོ་བླག་མཁན་ལ་འཁྲུར་བཅུག་པ་འཇིག་རྟེན་པའི་གོས་ཚོན་སྣ་ཚོགས་ཅན་རྣམས་ཀྱིས་ཁྲ་བོར་བྱས་སོ། །དེ་ལྟ་བས་ན་དགེ་སློང་གིས་གོས་ངུར་སྨྲིག་དག་བཙོ་
D6.010.0187a01.01བླག་མཁན་ལ་འཁྲུར་མི་གཞུག་གོ། །དགེ་སློང་གོས་ངུར་སྨྲིག་དག་བཙོ་བླག་མཁན་ལ་འཁྲུར་འཇུག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གོས་ངུར་སྨྲིག་དག་བཙོ་བླག་མཁན་ལ་འཁྲུར་མི་གཞུག་གོ། །ཞེས་བཀའ་སྩལ་པ་དང་། དྲུག་
D6.010.0187a02.01སྡེ་རྣམས་ཀྱིས་གོས་དཀར་པོ་དག་འཁྲུར་གཞུག་པར་བརྩམས་སོ། །བཙོ་བླག་མཁན་གྱིས་དེ་དག་བག་མེད་པར་ཤིང་ལེབ་ལ་བརྡབས་ནས་བཀྲུས་པ་དང་། དེ་ན་གོས་ཁ་ཅིག་ནི་རལ། ཁ་ཅིག་ནི་མཐའ་ཟེགས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0187a03.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་ཐམས་ཅད་དུ་བཙོ་བླག་མཁན་ལ་གོས་འཁྲུར་མི་གཞུག་གོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་
D6.010.0187a04.01བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ཐམས་ཅད་ཀྱིས་ཐམས་ཅད་དུ་བཙོ་བླག་མཁན་ལ་གོས་འཁྲུར་མི་གཞུག་གོ་ཞེས་བཀའ་སྩལ་པ་དང་། དྲུག་སྡེ་རྣམས་བཙོ་བླག་མཁན་གྱི་འཁྲུ་སར་དོང་ནས། མགོ་ཆོས་གོས་ཀྱིས་དཀྲིས་ཏེ། བཙོ་བླག་མཁན་
D6.010.0187a05.01བཞིན་དུ་སྔམ་པ་སུ་སུ་ཞིང་བདག་ཉིད་གོས་དག་འཁྲུ་བར་བྱེད་པ་བྲམ་ཟེ་དང་ཁྱིམ་བདག་དག་གིས་མཐོང་ནས་མ་དད་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་བཙོ་བླག་
D6.010.0187a06.01མཁན་གྱི་འཁྲུ་སར་སོང་སྟེ། བཙོ་བླག་མཁན་བཞིན་དུ་སྔམ་པ་སུ་སུ་ཞིང་བདག་ཉིད་ཀྱིས་གོས་དག་བཀྲུ་བར་མི་བྱའོ། །དགེ་སློང་བཙོ་བླག་མཁན་གྱི་འཁྲུ་སར་སོང་སྟེ། བཙོ་བླག་མཁན་བཞིན་དུ་སྔམ་པ་སུ་སུ་ཞིང་བདག་ཉིད་ཀྱིས་གོས་དག་འཁྲུ་བར་བྱེད་ན་འགལ་ཚབས་ཅན་དུ་འགྱུར་
D6.010.0187a07.01