完整藏文原文 · 德格版页 当前仅加载第 10 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་སུ་བསྐོར་བས་ལྷའི་རིས་དག་ནི་མངོན་པར་འཕེལ་བར་འགྱུར། ལྷ་མ་ཡིན་གྱི་རིས་དག་ནི་ཡོངས་སུ་ཉམས་པར་འགྱུར་རོ་ཞེས་བྱ་བའི་བར་སྔ་མ་བཞིན་ནོ། །བཅོམ་ལྡན་འདས་ཀྱིས་ཡུལ་བཱ་རཱ་ཎ་སཱི་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་སུ་ཆོས་ཀྱི་འཁོར་ལོ་ཆོས་དང་
D6.010.0249a01.01མཐུན་པ་ལན་གསུམ་གྱི་བར་དུ་བཟླས་ཏེ་རྣམ་པ་བཅུ་གཉིས་པ་བསྐོར་ཏེ། དེའི་ཕྱིར་ཆོས་ཀྱི་རྣམ་གྲངས་འདི་ཆོས་ཀྱི་འཁོར་ལོ་བསྐོར་བ་ཞེས་བྱའོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་ལྔ་པོ་དག་གི་རྒྱུད་ལ་ཆོས་ཀྱི་འཁོར་ལོ་བསྐོར་ཏེ། དེ་དག་བསྙེན་པར་རྫོགས་པ་དགེ་སློང་གི་དངོས་པོར་གྱུར་པ་དེའི་ཚེ་དེ་དག་
D6.010.0249a02.01དེ་བཞིན་གཤེགས་པ་ལ་ཤིན་ཏུ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་ནས་བཅོམ་ལྡན་འདས་ཀྱིས་དེ་དག་ལ་བཀའ་སྩལ་པ། དགེ་སློང་དག་ཁྱེད་དེ་བཞིན་གཤེགས་པ་ལ་ཤིན་ཏུ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་
D6.010.0249a03.01མ་སྤྱོད་ཅིག །དགེ་སློང་དག་དེ་ཅིའི་ཕྱིར་ཞེ་ན། གང་ཞིག་དེ་བཞིན་གཤེགས་པ་ལ་ཤིན་ཏུ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་པ་དེ་ནི་སྐྱེས་བུ་གཏི་མུག་དེ་ལ་ཡུན་རིང་པོར་གནོད་པ་དང་། ཕན་པ་མ་ཡིན་པ་དང་སྡུག་བསྔལ་བར་འགྱུར་རོ། །བཅོམ་ལྡན་
D6.010.0249a04.01འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་དེ་བཞིན་གཤེགས་པ་ལ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱོད་པ་ལས་གྱུར་གྱིས། དེའི་ཕྱིར་དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང་། གདུང་ནས་
D6.010.0249a05.01སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱད་པར་མི་བྱའོ་སྙམ་དུ་དགོངས་ནས་དགེ་སློང་ལྔ་པོ་དག་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་དུ་སྤྱད་པར་མི་བྱ་སྟེ། ཀུན་ཏུ་
D6.010.0249a06.01སྤྱོད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་དེ་བཞིན་གཤེགས་པ་ལ་མཚན་ནས་སྨོས་པ་དང་། གདུང་ནས་སྨོས་པ་དང་། ཚེ་དང་ལྡན་པ་ཞེས་སྨོས་པ་ཀུན་ཏུ་སྤྱད་པར་མི་བྱ་སྟེ། ཀུན་ཏུ་སྤྱོད་ན་འགལ་ཚབས་ཅན་དུ་འགྱུར་རོ་ཞེས་བཀའ་སྩལ་པ་དང་། དགེ་སློང་གཞོན་
D6.010.0249a07.01