完整藏文原文 · 德格版页 当前仅加载第 10 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ། སྐུ་འོད་འདོམ་གང་གིས་བརྒྱན་པ། འོད་ཉི་མ་སྟོང་བས་ལྷག་པ། རིན་པོ་ཆེའི་རི་འགྲོ་བ་ལྟ་བུར་ཀུན་ནས་བཟང་བ། སྟོབས་བཅུ་དང་། མི་འཇིགས་པ་བཞི་དང་། མ་འདྲེས་པའི་དྲན་པ་ཉེ་བར་གཞག་པ་གསུམ་དང་། ཐུགས་རྗེ་ཆེན་པོ་དང་ལྡན་པ། ཉན་
D6.010.0016b01.01ཐོས་ཆེན་པོ་ཀུན་ཤེས་ཀཽཎྜི་ནྱ་དང་། རྟ་ཐུལ་དང་། རླངས་པ་དང་། མིང་ཆེན་དང་། བཟང་པོ་དང་། ཤཱ་རིའི་བུ་དང་། མཽད་གལ་གྱི་བུ་དང་། འོད་སྲུང་དང་། གྲགས་པ་དང་། གང་པོ་ལ་སོགས་པ་དང་། དགེ་སློང་གི་དགེ་འདུན་མང་པོ་གཞན་དང་། སྲོག་ཆགས་བརྒྱ་
D6.010.0016b02.01སྟོང་ཕལ་མོ་ཆེས་བསྐོར་ནས་བསིལ་བའི་ཚལ་གྱི་དུར་ཁྲོད་དུ་གཤེགས་སོ། །སངས་རྒྱས་གཤེགས་པ་ལ་ཕན་ཡོན་{བཅྭ་,བཅོ་}བརྒྱད་ཡོད་དེ། {བཅྭོ་,བཅོ་}བརྒྱད་གང་ཞེ་ན། མེའི་འཇིགས་པ་མེད། ཆུའི་འཇིགས་པ་མེད། སེང་གེའི་འཇིགས་པ་མེད། སྟག་གི་འཇིགས་པ་
D6.010.0016b03.01མེད། གཟིག་གི་འཇིགས་པ་མེད། ཕ་རོལ་གྱི་དམག་ཚོགས་ཀྱི་འཇིགས་པ་མེད། རྐུན་པོའི་འཇིགས་པ་མེད། ལ་གཅན་པའི་འཇིགས་པ་མེད། གྲུ་བཙས་ཀྱི་འཇིགས་པ་མེད། ཤོ་གམ་གྱི་འཇིགས་པ་མེད། བསེལ་རྔན་གྱི་འཇིགས་པ་མེད། མིའི་འཇིགས་
D6.010.0016b04.01པ་མེད། མི་མ་ཡིན་པའི་འཇིགས་པ་མེད། དུས་དུས་སུ་གཟུགས་བཟང་པོ་དག་མཐོང་བར་འགྱུར། སྒྲ་སྙན་པ་དག་ཐོས་པར་འགྱུར། འོད་ཆེན་པོ་དག་མཐོང་བར་འགྱུར། ཀུན་ཤེས་པ་ལུང་སྟོན་པ་དག་ཐོས་པར་འགྱུར། ཆོས་ཀྱི་ལོངས་སྤྱོད་དང་། ཟང་ཟིང་གི་
D6.010.0016b05.01ལོངས་སྤྱོད་དང་ལྡན་པར་འགྱུར་རོ། །སངས་རྒྱས་གཤེགས་པ་ནི་གནོད་པ་ཆུང་བ་ཡིན་པས་ལྷ་དང་། མི་བརྒྱ་སྟོང་དུ་མ་བཅོམ་ལྡན་འདས་ཀྱི་ཞབས་འབྲིང་དུ་ཕྱི་བཞིན་འབྲང་ངོ་། །བསིལ་བའི་ཚལ་ལོགས་ནས་རླུང་དག་ཀྱང་ལངས་སོ། །རྒྱལ་རིགས་ཀྱི་ཁྱེའུ་ཞིག་
D6.010.0016b06.01དང་། བྲམ་ཟེའི་ཁྱེའུ་བྱིས་པ་གཉིས་ཤིག་རྒྱལ་པོའི་ཁབ་ནས་ཕྱི་རོལ་དུ་བྱུང་སྟེ་རྩེ་ཞིང་འཁོད་དོ། །དེ་གཉིས་ལས་རྒྱལ་རིགས་ཀྱི་ཁྱེའུ་ནི་དད་པ་དང་ལྡན་པ་ཡིན། བྲམ་ཟེའི་ཁྱེའུ་ནི་དེ་ལྟ་མ་ཡིན་ནོ། །བྲམ་ཟེའི་ཁྱེའུ་དེས་རྒྱལ་རིགས་ཀྱི་ཁྱེའུ་ལ་སྨྲས་པ། གྲོགས་པོ་
D6.010.0016b07.01