完整藏文原文 · 德格版页 当前仅加载第 10 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྤེལ་ནས་དགེ་འདུན་ལ་བྲིམས་པ་དང་། དགེ་སློང་དེ་ཕོངས་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་སྤང་བ་དགེ་འདུན་ལ་སྤངས་པ་ལས་
D6.010.0250a01.01གྱུར་གྱིས། དེའི་ཕྱིར་དགེ་སློང་གིས་དགེ་འདུན་ལ་སྤང་བར་མི་བྱའོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་ཞིག་གིས་སྤང་བ་དགེ་འདུན་ལ་སྤངས་པ་དང་། དེ་དགེ་སྐོས་ཀྱིས་སྤེལ་ཏེ་བགོས་ཀྱིས། དེ་ལྟ་བས་ན་དགེ་སློང་གིས་སྤང་བ་དགེ་འདུན་
D6.010.0250a02.01ལ་སྤང་བར་མི་བྱའི། འོན་ཀྱང་གང་ཟག་ལ་སྤང་བར་བྱའོ། །གལ་ཏེ་མི་ཤེས་པས་སྤངས་ན་ཡང་དགེ་འདུན་གྱིས་བགོ་བར་མི་བྱའོ། །དགེ་སློང་གིས་སྤང་བ་དགེ་འདུན་ལ་སྤངས་སམ། དགེ་འདུན་གྱིས་བགོས་ན་གཉི་ག་ལ་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་
D6.010.0250a03.01དགེ་སློང་གི་སྤང་བ་དགེ་འདུན་ལ་སྤང་བར་མི་བྱའི། འོན་ཀྱང་གང་ཟག་ལ་སྤང་བར་བྱའོ་ཞེས་བཀའ་སྩལ་པ་དང་། དགེ་སློང་གཞན་ཞིག་ལ་ཆོས་གོས་ཀྱི་སྤང་བ་བྱུང་སྟེ། དེས་དགེ་སློང་མི་ཤེས་པ་ཞིག་ལ་སྤངས་པ་དང་། དེས་བླངས་ནས་ཅང་མི་ཟེར་བར་འདུག་གོ། །སྐབས་དེ་དགེ་སློང་
D6.010.0250a04.01རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གཞན་གྱིས་བརྡ་སྤྲད་པར་བྱ་སྟེ། གལ་ཏེ་བྱིན་ན་ལེགས། ཅི་སྟེ་མི་སྟེར་ན་མཐུས་ཕྲོགས་ལ་བྱིན་གྱིས་བརླབ་པར་བྱའོ། །རུང་བར་བྱ་བའི་ཕྱིར་སྤངས་པ་ཡིན་པས་སྤངས་པ་གཏན་
D6.010.0250a05.01བཀུར་བར་མི་བྱའི་འོན་ཀྱང་སྤངས་པ་སླར་སྦྱིན་པར་བྱའོ། །གླེང་གཞི་ནི་ཡངས་པ་ཅན་ནའོ། །དབྱར་གྱི་དུས་སུ་དགེ་སློང་དག་སྦྲང་བུ་མཆུ་{རིངས་ཀྱིས་,རིང་གིས་}ཟོས་ཏེ། དེ་དག་གཡའ་སྟེ་སེན་མོས་ལུས་ཀུན་ཕྲུགས་པ་དང་། བར་བར་དུ་ཁྲག་གི་ཐིགས་པ་དང་ཐོར་བུ་དག་བྱུང་བར་སྣང་
D6.010.0250a06.01ངོ་། །དེ་ལྟར་ལུས་མི་སྡུག་པ་དེ་དག་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས། དེ་དག་གིས་སྨྲས་པ། འཕགས་པ་ཁྱེད་ཅི་ཞིག་གིས་ལུས་ཀྱི་གནས་སྐབས་འདི་ལྟ་བུར་གྱུར། དེ་དག་གིས་ཇི་ལྟར་གྱུར་པ་བསྙད་པ་དང་། དེ་དག་གིས་སྨྲས་པ། འཕགས་པ་ཁྱེད་སྦྲང་
D6.010.0250a07.01