完整藏文原文 · 德格版页 当前仅加载第 10 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། གལ་ཏེ་དེ་ལྟ་ན་ཕྱིར་བྱུང་ཤིག །དེས་སྨྲས་པ། ལྷ་མཆིད་གཡར་ཚས་འདི་ཉིད་དུ་སྤྱོན་ཅིག །དེ་ཡང་དེ་ལ་ཆགས་པས་ལྡོག་མ་ནུས་ཏེ། དེ་གླང་པོ་ཆེ་ལས་བབས་ནས་དེའི་ཁྱིམ་དུ་ཞུགས་ཏེ་དེ་དང་ལྷན་ཅིག་དགའ་མགུར་སྤྱད་
D6.010.0290a01.01པས་སེམས་ཅན་ཞུགས་པར་གྱུར་ཏོ། །བུད་མེད་མཁས་པའི་རང་བཞིན་ཅན་ཁ་ཅིག་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པ་ཤེས་ཤིང་མ་ཆགས་པ་ཤེས་པ་དང་། དུས་ཤེས་ཤིང་ཟླ་མཚན་དང་ལྡན་པ་ཤེས་པ་དང་། མངལ་དུ་ཞུགས་
D6.010.0290a02.01པ་ཤེས་པ་དང་། གང་ལས་མངལ་དུ་ཞུགས་པ་ཤེས་པ་དང་། ཁྱེའུར་ཤེས་ཤིང་བུ་མོར་ཤེས་པ་ཡིན་ནོ། །དེས་རྒྱལ་པོ་ལ་ལྷ་བདག་ནི་སེམས་ཅན་དང་ལྡན་པར་གྱུར་ཏོ་ཞེས་ཇི་ལྟར་གྱུར་པ་སྨྲས་པ་དང་། རྒྱལ་པོས་དེ་ལ་མུ་ཏིག་གི་སེ་མོ་དོ་ཞིག་བྱིན་ཏེ་སྨྲས་པ། གལ་ཏེ་
D6.010.0290a03.01ཁྱོད་ལས་བུ་ཁྱེའུ་ཞིག་བྱུང་ན་དེ་ལ་མུ་ཏིག་གི་སེ་མོ་དོ་འདི་བྱིན་ལ་ངའི་དྲུང་དུ་ཐོང་ཤིག །འོན་ཏེ་བུ་མོ་ན་ཁྱོད་ཉིད་ཀྱི་ཡིན་ནོ་ཞེས་སྨྲས་ཏེ་སོང་ངོ་། །དེ་ལ་མངལ་གྱི་མཚན་མ་བྱུང་བར་གྱུར་པ་ན་ཚོང་དཔོན་དེས་ཡི་གེ་སྤྲིང་སྟེ། བདག་ཀྱང་བདེ་བར་འོང་གིས་མི་དགའ་བར་
D6.010.0290a04.01མ་བྱེད་པར་བག་རྟོན་ཅིག་ཅེས་བྱས་པ་དང་། དེས་ཐོས་ནས་སྐྲག་སྟེ་དེས་རྒྱལ་པོ་ལ་གསོལ་པ་དང་། ལྷ་བདག་གི་ཁྱིམ་ཐབ་དེ་ཉེ་བ་ཞིག་ཏུ་མཆིས་ན་བདག་གིས་ཇི་ལྟར་བསྒྲུབ་པར་བགྱི། རྒྱལ་པོས་དེ་ལ་སྤྲིང་བ། ཁྱོད་མི་དགའ་བར་མ་བྱེད་པར་བག་རྟོན་ཅིག་
D6.010.0290a05.01དང་། ངས་ཇི་ལྟར་དེ་ཐག་རིང་བར་འགྲོ་བ་དེ་ལྟར་བྱའོ་ཞེས་སྤྲིང་ནས་དེ་ཅང་མི་ཟེར་བར་འདུག་གོ། །རྒྱལ་པོས་དེ་ལ་ནོར་འདི་ལྟ་བུ་ཞིག་ང་ལ་དགོས་ཀྱིས་དེ་མ་རྙེད་པར་མ་འོང་ཤིག་ཅེས་སྤྲིང་བ་དང་། དེ་དག་ཚོལ་དུ་ལམ་རིང་པོ་ཤིག་ཏུ་སོང་ངོ་། །དེ་ཡང་ཟླ་བ་དགུ་
D6.010.0290a06.01འདས་ནས་ཁྱེའུ་གཟུགས་བཟང་ཞིང་མཛེས་པ་དང་བལྟ་ན་སྡུག་པ་ཞིག་བཙས་པ་དང་། དེས་མར་དང་སྦྲང་རྩིས་ཁ་བཀང་སྟེ་སྒྲོམ་གྱི་ནང་དུ་ཤིང་བལ་བཏིང་ནས་དེའི་ཐོག་ཏུ་བཞག་སྟེ། སྟེང་ནས་གོས་དཀར་པོས་གཡོགས་ནས་དེའི་ཐོག་ཏུ་མུ་ཏིག་གི་སེ་མོ་དོ་བཞག་སྟེ་ཁ་བཅད་
D6.010.0290a07.01