完整藏文原文 · 德格版页 当前仅加载第 10 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
བུའམ། གཟེར་བུས་སྦྲེལ་ལ་ཆུ་ཚགས་གདགས་པར་བྱའོ། །དགེ་སློང་དག་གིས་ཆུ་ཚགས་བཏགས་ནས་ཆུ་བླུགས་པ་དང་། ཕྱེད་ས་ལ་བོ་ནས། བཅོམ་ལྡན་འདས་ཀྱིས་བཀའ་སྩལ་པ། ཅི་ནས་ས་ལ་མི་འབོ་བར་དྲན་པ་ཉེ་བར་གཞག་སྟེ་བླུག་པར་བྱའོ། །དགེ་སློང་
D6.010.0251a01.01དག་གིས་བུམ་པ་ཞབས་རྟེན་མེད་པར་བཞག་པས་དེ་འདྲིལ་ནས། བཅོམ་ལྡན་འདས་ཀྱིས་བཀའ་སྩལ་པ། ཞབས་རྟེན་གཞུག་པར་བྱའོ། །དགེ་སློང་གཞན་དག་གཅིག་གིས་ཆུ་བླང་བར་བརྩམས་པ་དང་། དེ་ཆུ་ཚགས་སུ་མ་ཚགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0251a02.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཅལ་གཞུག་པར་བྱའོ། །དགེ་སློང་དག་གིས་ཅི་ཞིག་གཞུག་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། བྱེ་མའམ། བ་ལང་གི་ལྕི་བའོ། །འོན་ཀྱང་མ་ཚགས་ནས། བཅོམ་ལྡན་འདས་ཀྱིས་བཀའ་སྩལ་
D6.010.0251a03.01པ། ཚགས་རྟེན་སྣོད་བཅང་བར་བྱའོ། །བཅོམ་ལྡན་འདས་ཀྱིས་ཚགས་རྟེན་སྣོད་བཅང་བར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཇི་ལྟ་བུ་བཅང་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཚགས་རྟེན་སྣོད་ནི་གཉིས་ཏེ། ཟངས་ལས་བྱས་པ་དང་།
D6.010.0251a04.01ས་ལས་བྱས་པའོ། །དགེ་སློང་དག་གིས་ཚགས་རྟེན་སྣོད་ལག་པས་བཟུང་བ་དང་། དེ་དག་ངལ་ནས་བཅོམ་ལྡན་འདས་ཀྱིས་བཀའ་སྩལ་པ། ཟངས་ལས་བྱས་པ་གང་ཡིན་པ་དེ་ནི་ཕུག་ལ་ལྕགས་ཐག་འཇམ་པོས་དབྱུག་གུ་གསུམ་ལ་གདགས་པར་བྱའོ། །ས་ལས་བྱས་པ་གང་ཡིན་
D6.010.0251a05.01པ་དེ་ནི་ཕུག་ལ་ཐ་གུས་གདགས་པར་བྱའོ། །ཆུ་ཚགས་གཞན་དག་ཆུ་མ་ཕྱིན་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་གློར་ཡང་དང་ཡང་དུ་བརྡབ་པར་བྱའོ། །དགེ་སློང་དག་ཆུ་རྟོག་པ་ན་བུམ་པ་མ་གང་བ་ལ་བརྟགས་པས་སྲོག་ཆགས་དག་མ་རྟོགས་ནས།
D6.010.0251a06.01བཅོམ་ལྡན་འདས་ཀྱིས་བཀའ་སྩལ་པ། བུམ་པ་ལེགས་པར་བཀང་ལ་ཇི་སྲིད་དུ་ཆུ་མི་གཡོ་བ་དེ་སྲིད་དུ་གཞག་པར་བྱ་ཞིང་། དེ་ནས་བརྟག་པར་བྱའོ། །བུམ་པ་བཀང་བ་དང་། སྟེང་དུ་རྡུལ་ཞུགས་པ་དགེ་སློང་དག་གིས་དེ་མ་བསལ་བས་སྲོག་ཆགས་དག་མ་རྟོགས་ནས། བཅོམ་
D6.010.0251a07.01