完整藏文原文 · 德格版页 当前仅加载第 10 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་
D6.010.0045a01.01འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་གནས་ན་ཉེ་བར་རྟེན་ཅིང་བཞུགས་སོ། །བཱ་རཱ་ཎ་སཱི་དང་དྲང་སྲོང་སྨྲ་བའི་བར་ན་ཨ་མྲའི་ཤིང་ལྗོན་པ་ཞིག་ཡོད་པ་དེ་ལ་
D6.010.0045a02.01བྱ་ཀོ་ཀི་ལ་ཕོ་ཞིག་གནས་པ་དེས་གང་གི་ཚེ་སངས་རྒྱས་བཅོམ་ལྡན་འདས་འོད་སྲུང་བཱ་རཱ་ཎ་སཱིར་བསོད་སྙོམས་ལ་གཤེགས་པ་དེའི་ཚེ་དེ་ལ་ཤིན་ཏུ་རྟོག་ཅིང་སྒྲ་སྙན་པ་ཁྱད་པར་ཅན་ཕྱུང་ནས་དེ་བཞིན་དུ་ཡང་དང་ཡང་དུ་བལྟས་པས། སེམས་ཚིམ་པར་གྱུར་ནས་དད་པ་སྐྱེས་སོ། །དེས་དུས་གཞན་ཞིག་
D6.010.0045a03.01ན་སྐད་འབྱིན་ཅིང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལན་གསུམ་བསྐོར་བ་བྱས་ནས་དགའ་བ་དང་བདེ་བ་སྐྱེས་ཏེ་ཨ་མྲའི་ཤིང་ལྗོན་པ་དེ་ཉིད་ལ་འདུག་གོ། །འདུག་མ་ཐག་ཏུ་བྱ་ཁྲ་ཞིག་གིས་སྲོག་དང་ཕྲལ་ཏེ་འཆི་བའི་དུས་བྱས་ནས་ལས་དྲུག་ལ་མཁས་པའི་བྲམ་ཟེ་ཞིག་ཏུ་སྐྱེས་སོ། །
D6.010.0045a04.01དགེ་སློང་དག་དེའི་ཚེ་དེའི་དུས་ན་བྱ་ཀོ་ཀི་ལ་གང་ཡིན་པ་དེ་ནི་དགེ་སློང་སྙན་པ་བཟང་ལྡན་འདི་ཉིད་ཡིན་ཏེ། དེས་ཡང་དག་པར་རྫོགས་པའི་སངས་རྒྱས་འོད་སྲུང་ལ་སྒྲ་སྙན་པ་ཕྱུང་སྟེ་བསྐོར་བ་བྱས་པ་དེའི་ལས་ཀྱི་རྣམ་པར་སྨིན་པས་ཚངས་པའི་འཇིག་རྟེན་མན་ཆད་སྒྲས་ཁྱབ་པར་གྱུར་ཏོ། །དེ་ནས་ཡང་དགེ་
D6.010.0045a05.01སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་སྙན་པ་བཟང་ལྡན་གྱིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་
D6.010.0045a06.01པ་ཉིད་མངོན་སུམ་དུ་བགྱིས་ཏེ་བཅོམ་ལྡན་འདས་ཀྱིས་སྐད་ཀྱི་གཏང་རག་སྙན་པ་རྣམས་ཀྱི་མཆོག་ཏུ་བསྟན། བཅོམ་ལྡན་འདས་ཀྱིས་བཀའ་སྩལ་པ། དེ་ནི་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། ཡང་དག་པར་རྫོགས་པའི་སངས་རྒྱས་འོད་སྲུང་དེ་ཉིད་ཀྱི་གསུང་རབ་ལ་དགེ་སློང་
D6.010.0045a07.01