完整藏文原文 · 德格版页 当前仅加载第 10 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཁོགས་པ་ཉམ་ཆུང་བ་དེ་དག་ཕྱོགས་དེར་འགྲོ་མི་ནུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་གྱོ་མོ་ཉེ་བར་གཞག་པར་བྱའོ། །དགེ་སློང་རྣམས་གྱོ་མོར་འཁྲུ་བ་ན་དེ་ཆག་ནས་ཇི་མ་རུང་བར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཤོལ་ཟངས་ཉེ་བར་གཞག་
D6.010.0060b01.01པར་བྱའོ། །བཅོམ་ལྡན་འདས་ཀྱིས་ཤོལ་ཟངས་ཉེ་བར་གཞག་པར་བྱའོ་ཞེས་བཀའ་སྩལ་པ་དང་། དྲུག་སྡེ་རྣམས་ཀྱིས་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པའི་ཤོལ་ཟངས་དག་ཉེ་བར་བཞག་གོ། །བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ་འདི་ཅི་ཞིག །
D6.010.0060b02.01དེ་རྣམས་ཀྱིས་སྨྲས་པ། བཞིན་{བཟངས་,བཟང་}དག་བཅོམ་ལྡན་འདས་ཀྱིས་ཤོལ་ཟངས་གནང་ངོ་། །འཕགས་པ་ཅི་དགེ་སྦྱོང་ཁྱེད་འདོད་པའི་ཡོན་ཏན་དག་གིས་གནོད་དམ། དེ་དག་གིས་སྨྲས་པ། ཁྱེད་ཀྱི་མགྲིན་པར་རྡོག་པས་མནན་ཏོ། །དེ་དག་འཕྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་
D6.010.0060b03.01པ་དང་། བཅོམ་ལྡན་འདས་ཀྱིས་བཀའ་སྩལ་པ། གསེར་དང་། དངུལ་དང་། ཤེལ་དང་། བཻ་ཌཱུརྱ་ལས་བྱས་པའི་ཤོལ་ཟངས་དག་ཉེ་བར་གཞག་པར་མི་བྱ་སྟེ། འོན་ཀྱང་འཇིམ་པ་ལས་བྱས་པའི་ཤོལ་ཟངས་ཉེ་བར་གཞག་པར་བྱའོ། །རྔ་མོ་ལྟ་བུ་ཉེ་བར་གཞག་པ་དང་། དེ་ལྡེག་ནས་བཅོམ་ལྡན་
D6.010.0060b04.01འདས་ཀྱིས་བཀའ་སྩལ་པ། གླང་པོ་ཆེའི་རྐང་པ་ལྟ་བུར་བྱ་ཞིང་དེའི་དབུས་སུ་འབུར་ཀ་དམ་པའི་མེ་ཏོག་ལྟ་བུར་བྱའོ། །ཤིན་ཏུ་འཇམ་པོར་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྩུབ་པོར་བྱའོ། །དགེ་སློང་རྣམས་ཤོལ་ཟངས་བབ་བབ་ཏུ་འཇོག་ནས། བཅོམ་ལྡན་འདས་
D6.010.0060b05.01ཀྱིས་བཀའ་སྩལ་པ། དགེ་འདུན་གྱི་ནི་ཁང་ཏོག་ཏུ་ཁས་ཕུབ་ལ་ཞོག་ཅིག །གང་ཟག་དག་གི་ནི་གནས་ཁང་གི་སྒོ་ལྐོག་ཏུ་ཞོག་ཅིག །སངས་རྒྱས་བཅོམ་ལྡན་འདས་ཡུལ་ཀཽ་ཤཱམྦཱི་ན་སྒྲ་ལེན་གྱི་ཀུན་དགའ་ར་བ་ན་བཞུགས་སོ། །དཔྱིད་ཀྱི་དུས་ལ་བབ་ནས་དགེ་སློང་རྣམས་ཚ་བས་རྨྱ་སྟེ། དེ་དག་
D6.010.0060b06.01ལུས་སྐྱ་བོ་བསེང་བསེང་པོར་གྱུར་ཅིང་རྐེ། ཉམ་ཆུང་། ཤིག་ཤིག་པོ། རོད་ཉམས་པར་གྱུར་པ་ཁྱིམ་བདག་དང་། བྲམ་ཟེ་རྣམས་ཀྱིས་མཐོང་ནས་སྨྲས་པ། འཕགས་པ་ཁྱེད་ཅིའི་སླད་དུ་ལུས་སྐྱ་བོ་བསེང་བསེང་པོར་གྱུར་ཅིང་རྐེ། ཉམ་ཆུང་ཤིག་ཤིག་པོ། རོད་ཉམས་པར་གྱུར། དེ་དག་གིས་
D6.010.0060b07.01