完整藏文原文 · 德格版页 当前仅加载第 10 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་རྣམས་འཕྱ་བ་ནི་ཐོག་ཏུ་བབ་པོ། །དེ་ལྟ་བས་ན་དགེ་སློང་གིས་སྐུགས་གཟུགས་པར་མི་བྱ་སྟེ། དགེ་སློང་སྐུགས་འཛུགས་ན་འགལ་
D6.010.0261a01.01ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་ནང་པར་སྔར་ལངས་ནས་ཁང་ཐོག་ཏུ་འཛེགས་ཏེ་ཕྱོགས་བཞིར་བལྟ་ཞིང་དེ་དག་གང་ན་དུ་བ་འཐུལ་བའམ། བྱ་རྒོད་ལྡིང་བ་སྣང་བ་དེར་མྱུར་དུ་གོམ་པ་བསླང་སྟེ་འགྲོ་བར་བྱེད་
D6.010.0261a02.01དོ། །ཇི་ཙམ་དུས་གཞན་ཞིག་ན་ཉེ་དགའ་ནང་པར་སྔར་ཁང་ཐོག་ཏུ་འཛེགས་ཏེ་བལྟ་བར་བརྩམས་ན། དེས་བྱ་རྒོད་ལྡིང་བ་མཐོང་ནས་དེ་རིངས་པ་རིངས་པར་སོང་བ་དང་། ཇི་ཙམ་ན་སྟག་གིས་ནགས་ཐིབས་པོའི་ས་ཕྱོགས་ཞིག་ཏུ་གོད་མ་ཞིག་སྦས་པ་མཐོང་ནས་དེ་དགའ་སྟེ། དེ་
D6.010.0261a03.01ཁྱེར་ནས་རྒྱལ་བྱེད་ཀྱི་ཚལ་དུ་སོང་བ་དང་། སྟག་དྲི་སྣོམ་ཞིང་ཕྱི་བཞིན་འབྲངས་ནས་རྒྱལ་བྱེད་ཀྱི་ཚལ་གྱི་སྒོ་ན་སྒྲ་འབྱིན་པར་བྱེད་དོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་ཡིན་པས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་
D6.010.0261a04.01ལ་རྨས་པ། སྟག་འོ་ནི་ཅི་སྟེ་སྐད་འབྱིན། དེས་གསོལ་པ། བཙུན་པ་དེས་གོད་མ་སྦས་པ་དེ་བཙུན་པ་ཉེ་{དགའས་,དགས་}འཚལ་ཏེ་མཆིས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་སྟག་གི་གོད་མ་ཟའམ། བཙུན་པ་འཚལ་ལགས་སོ། །
D6.010.0261a05.01ཀུན་དགའ་བོ་{རི་དགས་,རི་དྭགས་}ཀྱི་རྒྱལ་པོ་སེང་གེ་ནི་{རི་དགས་,རི་དྭགས་}བཟང་པོ་བཟང་པོ་དག་བསད་ནས་ཤ་བཟང་པོ་དག་ཟོས་ཤིང་ཁྲག་བཟང་པོ་དག་འཐུངས་ནས་བོར་ཏེ་འགྲོའི། སྟག་ནི་གོད་མ་སྦེད་པར་བྱེད་པས་དེ་ལྟ་བས་ན་དགེ་སློང་གིས་སྟག་གི་གོད་མ་བཟའ་བར་མི་བྱ་སྟེ། ཟ་ན་འགལ་ཚབས་
D6.010.0261a06.01ཅན་དུ་འགྱུར་རོ། །དགེ་སློང་དག་གཞན་ཡང་ངས་དགེ་འདུན་གྱི་གནས་བརྟན་གྱི་ཀུན་དུ་སྤྱད་པའི་ཆོས་བཅའ་བར་བྱ་སྟེ། དགེ་འདུན་གྱི་གནས་བརྟན་གྱི་དགེ་སློང་གིས་ཤ་འདྲིམ་པའི་ཚེ་འདི་ཅིའི་ཤ་སྟག་གི་གོད་མ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་ལེན་ན་འགལ་ཚབས་ཅན་
D6.010.0261a07.01