完整藏文原文 · 德格版页 当前仅加载第 10 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ་སྙམ་དུ་དགོངས་སོ། །དེ་ནས་བཅོམ་ལྡན་འདས་རྣམ་པ་དེ་དག་དང་། རྟགས་དེ་དག་དང་། རྒྱུ་མཚན་དེ་དག་གིས་གང་ལ་ཉན་ཐོས་དང་། རང་སངས་རྒྱས་ཐམས་ཅད་རྡུགས་པའི་བསམ་གཏན་དང་པོ་རྫོགས་པར་བྱས་ཏེ་བཞུགས་སོ། །དེ་ནས་ཆུ་བོ་སྙན་
D6.010.0165b01.01ལྡན་གྱི་འགྲམ་གྱི་དགེ་སློང་རྣམས་འདི་སྙམ་དུ་སེམས་ཏེ། ཚེ་དང་ལྡན་པ་དག་ཤེས་པར་གྱིས་ཤིག །ད་ལྟར་བཅོམ་ལྡན་འདས་ནི་ཉིད་ཀྱི་གནས་པས་གནས་ཀྱིས་མ་ལ་བདག་ཅག་ཀྱང་རང་གི་གནས་པས་གནས་པར་བྱའོ་ཞེས་དེ་དག་ཀྱང་རང་གི་གནས་པས་གནས་པར་
D6.010.0165b02.01བརྩམས་སོ། །དེ་ནས་བཅོམ་ལྡན་འདས་ནང་པར་སྔར་ཏིང་ངེ་འཛིན་དེ་ལས་བཞེངས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ཏེ། བཅོམ་
D6.010.0165b03.01ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཡང་དང་ཡང་དུ་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་བསྔགས་པ་བརྗོད་ཅིང་གཟིགས་པར་ཡང་བཞེད་ལ། འོན་
D6.010.0165b04.01ཀྱང་དེ་དག་ལ་བཅོམ་ལྡན་འདས་ཀྱིས་ཡང་དག་པར་དགའ་བར་ནི་མ་མཛད་དོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་བཞིན་གཤེགས་པས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་ལ་ཡང་འཕགས་པའི་ཡང་དག་པར་དགའ་བས་ཡང་དག་
D6.010.0165b05.01པར་དགའ་བར་བྱས་སོ། །བཙུན་པ་ཇི་ཙམ་གྱིས་ན་འཕགས་པའི་ཆོས་འདུལ་བ་ལ་འཕགས་པའི་སོ་སོ་ཡང་དག་པར་དགའ་བ་ལགས། ཇི་ལྟར་ན་བཅོམ་ལྡན་འདས་ཀྱིས་འཕགས་པའི་ཡང་དག་པའི་དགའ་བས་ཡང་དག་པར་དགའ་བར་མཛད་ལགས། ཀུན་དགའ་
D6.010.0165b06.01བོ་འདི་ནང་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གི་གཙུག་ལག་ཁང་གང་ན་བ་དེར་སོང་སྟེ་ཕྱིན་པ་དང་། གཙུག་ལག་ཁང་གི་ཕྱི་རོལ་དུ་ཞབས་བཀྲུས་ཏེ་གཙུག་ལག་ཁང་དུ་གཤེགས་ནས་སྟན་བཤམས་པ་ཉིད་ལ་སྐྱིལ་མོ་ཀྲུང་བཅས་ནས་ལུས་དྲང་པོར་བསྲང་
D6.010.0165b07.01