完整藏文原文 · 德格版页 当前仅加载第 10 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་དེ་ལ་འཁོར་བ་ན་ཡང་སྲིད་པ་ལ་མངོན་པར་དགའ་བ་དེ་ལྟར་སྡུག་བསྔལ་དུ་མས་ཉེན་པ་ལ་མནོག་ཅི་ཞིག་ཡོད། དགའ་བོ་སྐྱེ་བ་དེ་ནི་དེ་ལྟར་སྡུག་བསྔལ་དུ་མས་གཙེས་པར་གྱུར་པ་ཡིན་ཡང་མི་ཉིད་ནི་བསྐལ་པ་བྱེ་བ་བརྒྱ་སྟོང་དུ་ཡང་རྙེད་པར་དཀའོ། །དགའ་བོ་ལྷ་
D6.010.0147b01.01དག་འཆི་འཕོ་བ་ན་ལྷ་གཞན་དག་ཀྱེ་བདེ་འགྲོའི་འཇིག་རྟེན་དུ་སོང་ལ་རབ་ཏུ་བརྟན་པར་སོ་སོར་གནོས་ཤིག་ཅེས་སྐུལ་བར་བྱེད་དོ། །དགའ་བོ་ལྷ་རྣམས་ཀྱི་བདེ་འགྲོའི་འཇིག་རྟེན་གང་ཞེ་ན། མིར་སྐྱེ་བ་ཡིན་ཏེ། དེ་ལྟར་ཤིན་ཏུ་རྙེད་པར་དཀའོ། །དེ་ལྟ་བས་ན་དལ་བ་ཕུན་
D6.010.0147b02.01སུམ་ཚོགས་པ་ཤིན་ཏུ་རྙེད་པར་དཀའོ། །སེམས་ཅན་དམྱལ་བ་རྣམས་ནི་གཅིག་ཏུ་སྡུག་བསྔལ་བ་དང་། གཅིག་ཏུ་དྲག་པ་དང་། གཅིག་ཏུ་རྩུབ་པ་དང་། གཅིག་ཏུ་མི་བཟད་པ་དང་། གཅིག་ཏུ་ཡིད་དུ་མི་འོང་བ་སྟེ། དགའ་བོ་དེ་ནི་སྡུག་བསྔལ་གྱི་དཔེ་ཡང་
D6.010.0147b03.01བྱ་བར་མི་ནུས་སོ། །{ཡི་དགས་,ཡི་དྭགས་}རྣམས་ནི་གནོད་སེམས་ཅན། སེམས་ཉོན་མོངས་པ་ཅན། སེམས་འཇམ་པ་མ་ཡིན་པ། གཡོ་དང་སྒྱུ་ཡོད་པ། རྩུབ་པ། འཚེ་བ། ལག་པ་ཁྲག་གིས་གཤེར་བ། ཡིད་དུ་མི་འོང་བ། སྒྲིབ་པ་ཅན། གཅེར་བུ། གཟུགས་
D6.010.0147b04.01མི་སྡུག་པ། འཇིགས་སུ་རུང་བ། བཀྲེས་པ་དང་། སྐོམ་པའི་སྡུག་བསྔལ་གྱིས་ཉེན་པ་ཡིན་ནོ། །ལྷ་རྣམས་ནི་འཆི་འཕོ་བ་དང་། ལྟུང་བ་དང་། རྣམ་པར་འགྱུར་བ་དང་། སྡུག་པ་དང་འབྲལ་བའི་སྡུག་བསྔལ་དང་། མྱ་ངན་གྱི་ཆོས་ཅན་རྟག་ཏུ་འཇིགས་
D6.010.0147b05.01པ་ཡིན་ནོ། །དུད་འགྲོའི་སྐྱེ་གནས་པའི་སེམས་ཅན་ནི་མཐའ་མེད་ན་དགའ་བོ་དེ་ན་དོན་སྤྱོད་པ་མ་ཡིན། བསོད་ནམས་སྤྱོད་པ་མ་ཡིན། ཆོས་སྤྱོད་པ་མ་ཡིན། དགེ་བ་སྤྱོད་པ་མ་ཡིན། དགེ་ལེགས་སྤྱོད་པ་མ་ཡིན་གྱི། གཅིག་ལ་
D6.010.0147b06.01གཅིག་ཟ་བར་བྱེད་པ་སྟེ། སེམས་ཅན་དེ་དག་ནི་ཇི་ལྟར་མཐུ་ཆུང་བ་ཟ་བར་བྱེད་པའོ། །དགའ་བོ་དུད་འགྲོ་རྣམས་ཀྱི་ནང་དུ་སྐྱེས་པའི་སེམས་ཅན་དག་ལ་གང་དག་མུན་པར་སྐྱེས་ཤིང་མུན་པར་རྒས། མུན་པར་འཆི་བའི་དུས་བྱེད་པ་དག་ཀྱང་ཡོད་དོ། །དེ་དག་ཀྱང་
D6.010.0147b07.01