完整藏文原文 · 德格版页 当前仅加载第 10 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བྱི་དོར་གྱི་ལས་སུས་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་གནས་པ་དང་། ཉེ་གནས་དག་གིས་བྱའོ། །དེ་དག་གི་ནི་གཅིག་གིས་གཅིག་ལ་བྱའོ། །དེ་ལྟར་བསྲོ་གང་ཡོ་བྱད་དང་བཅས་པ་རྗེས་སུ་གནང་ངོ་། །གླེང་གཞི་ནི་མཉན་ཡོད་ནའོ། །དེའི་ཚེ་ཡངས་པ་ཅན་ན་ལིཙྪ་བཱི་
D6.010.0037b01.01ཆེན་པོ་ཞེས་བྱ་བ་གཡོ་སྒྱུ་མེད་པ་དྲང་པོ་དྲང་བའི་རང་བཞིན་ཅན་ཞིག་འདུག་པ་དེ་ཉིན་གཅིག་བཞིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོ་བ་ཡིན་པས་དེ་བཅོམ་ལྡན་འདས་ཀྱི་སྤྱན་སྔར་འགྲོ་བའི་ཚེ་དགེ་སློང་མཛའ་བོ་དང་། ས་ལས་སྐྱེས་ཀྱང་ལྗོངས་རྒྱུ་ཞིང་འགྲོ་བ་ན་ཡངས་པ་ཅན་དུ་ཕྱིན་ནས་དེ་གཉིས་ཀྱིས་
D6.010.0037b02.01དེ་ལམ་ཀར་མཐོང་ནས་དེ་གཉིས་ཀྱིས་སྨྲས་པ། ཆེན་པོ་གར་འགྲོ། དེས་སྨྲས་པ། འཕགས་པ་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིའོ། །དེ་གཉིས་ཚེ་དང་ལྡན་པ་གྱད་བུ་ནོར་དང་། ཚེ་རབས་ཚེ་རབས་སུ་ཁོ་ན་ཡོད་པས་དེ་གཉིས་ཀྱིས་སྨྲས་པ། ཆེན་པོ་སངས་རྒྱས་བཅོམ་
D6.010.0037b03.01ལྡན་འདས་ལ་ནི་གཏམ་གྱི་སྐྱེས་དབུལ་བར་བྱ་བ་ཡིན་ན། ཁྱོད་ལ་གཏམ་གྱི་སྐྱེས་ཅུང་ཟད་ཡོད་དམ། འཕགས་པ་གཉིས་མ་མཆིས་སོ། །ཆེན་པོ་ཚུར་ཤོག །ཁྱོད་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས། བཙུན་པ་འདི་ལྟར་འཕགས་པ་གྱད་
D6.010.0037b04.01བུ་ནོར་གྱིས་བདག་གི་མཆིས་འབྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ་ཞེས་གསོལ་ཅིག་དང་། བཅོམ་ལྡན་འདས་ཁྱོད་ལ་དགྱེས་པར་འགྱུར་རོ། །དེས་འཕགས་པ་གཉིས་དེ་བཞིན་འཚལ་ལོ་ཞེས་སྨྲས་ཏེ། བཅོམ་ལྡན་འདས་ག་
D6.010.0037b05.01ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་བཙུན་པ་འདི་ལྟར་འཕགས་པ་གྱད་བུ་ནོར་གྱིས་བདག་གི་མཆིས་འབྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་
D6.010.0037b06.01མ་ལགས་སོ་ཞེས་གསོལ་ནས་སོང་ངོ་། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལིཙྪ་བཱི་ཆེན་པོ་དང་། གཞན་ཡང་དེ་ལྟ་བུ་གང་ཡིན་པ་ལ་ལྷུང་བཟེད་ཁས་དབུབ་པར་བྱའོ། །ཁས་དབུབ་པ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ནས།
D6.010.0037b07.01