完整藏文原文 · 德格版页 当前仅加载第 10 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
གསལ་ཐུབ་དབང་རྫོགས་སངས་རྒྱས། །མི་མཆོག་ཆོས་ཀྱི་འཁོར་ལོ་སྐོར་བར་འགྱུར། །དེ་ནས་རྒྱལ་པོས་དེ་མིག་མཆི་མས་གང་བ་མཐོང་ནས་བག་ཚ་སྟེ་མི་དགའ་ནས་སླར་ཚིགས་སུ་བཅད་དེ་སྨྲས་པ། སྐྱེས་པ་བུད་མེད་དག་ནི་གང་ཕྲད་ནས། །ངོམས་པར་མི་འགྱུར་དགའ་བ་
D6.010.0268b01.01ཐོབ་འགྱུར་བ། །ལུས་{བཟངས་,བཟང་}དགའ་བྱེད་དེ་ནི་འདིར་གཟིགས་ནས། །ཅི་སླད་ཁྱོད་ཀྱི་ཞལ་ནི་མཆི་མར་བཅས། །བདག་གི་གཞོན་ནུ་འགའ་ལས་འཇིགས་པའམ། །ཚེ་ཟད་ཉེ་བར་གནས་པར་མི་འགྱུར་གྲང་། །དེ་སླད་དགེ་བ་འདི་མྱུར་བདག་ལ་གསུངས། །ཁྱོད་ཀྱི་བཤུམས་
D6.010.0268b02.01མོ་བྱུང་བས་བདག་འདར་རོ། །དེས་ཀྱང་ཚིགས་སུ་བཅད་དེ་སྨྲས་པ། །གལ་ཏེ་འདི་ཡི་སྟེང་དུ་མཁའ་ལས་ནི། །རྡོ་རྗེའི་ཆར་དྲག་རབ་ཏུ་བབ་གྱུར་ཀྱང་། །ཐུབ་པ་ཆེན་པོའི་སྐུ་ཡི་སྤུ་ཉག་གཅིག །ཀུན་ཏུ་བསྐྱོད་པར་ནུས་པ་མ་ཡིན་ནོ། །ཚན་ཆེན་རླུང་གིས་རབ་ཏུ་བསྐྱོད་པ་ཡི། །
D6.010.0268b03.01ཤིན་ཏུ་མི་བཟད་མཚོན་རྣོན་རྣམ་དག་དང་། །སྦྲུལ་གདུག་རྣམས་དང་ཤིན་ཏུ་གདུག་པའི་དུག །གཞོན་ནུའི་ལུས་ལ་བབ་ཀྱང་སྨས་མི་ནུས། །མི་དབང་བདག་ནི་ཆོས་མཆོག་མཛོད་འདི་དང་། །ཕྲད་ནས་དོན་མ་གྲུབ་པར་འཆི་འགྱུར་ཏེ། །ཞི་བ་མི་འཐོབ་རང་གི་ཉེས་མཐོང་ནས། །
D6.010.0268b04.01དེ་ཡི་སླད་དུ་བདག་ནི་ངུ་བར་བས། །འཇིག་རྟེན་དག་ནི་གང་རྣམས་དུས་སུ་ནི། །སྨྲ་བའི་དམ་པ་མཚུངས་མེད་འདི་ཡི་ཆོས། །ཉན་ཅིང་ཐོས་ནས་རབ་ཞི་མཆོག་འགྲོ་བ། །བདེ་སྐྱིད་བསོད་ནམས་ཅན་དེ་རིམས་ནད་བྲལ། །རྒྱལ་པོ་ཟས་གཙང་གིས་བྱང་ཆུབ་སེམས་
D6.010.0268b05.01དཔས་བདུད་རྩི་འཐོབ་པར་ཐོས་ནས་ཅང་མི་ཟེར་བར་འདུག་གོ། །ལོག་པའི་ལྟ་བས་ཉམས་པ་ནི་ཕལ་ཆེན་{བརྫུན་,རྫུན་}སྨྲ་བ་དང་གཡོ་ཀུན་དུ་སྤྱོད་པ་ལ་ཞུགས་པ་ཡིན་པས་དྲང་སྲོང་མི་དཀར་བས་སྨྲས་པ། ལྷ་ཁྱོད་ཀྱི་གྲོང་ཁྱེར་ན་གནས་པའི་སྐྱེ་བོའི་ཚོགས་འདི་སྙམ་དུ་ཀྱེ་མ་དྲང་སྲོང་
D6.010.0268b06.01མི་དཀར་བ་རྐང་གིས་སེར་སྐྱའི་གཞིའི་གྲོང་ཁྱེར་དུ་འོངས་ཀྱང་ཅི་མ་རུང་སྙམ་དུ་ཡུན་རིང་པོ་ནས་སྨོན་པས་བདག་སྐྱེ་བོ་ལ་སྙིང་བརྩེ་བའི་ཕྱིར་རྐང་ཁོ་ནས་སེར་སྐྱའི་གཞིའི་གྲོང་ཁྱེར་དུ་འོངས་ཏེ་རྐང་ཁོ་ནས་འབྱུང་གིས་གྲོང་ཁྱེར་མཛེས་པར་བགྱིད་དུ་སྩོལ་ཅིག །རྒྱལ་པོ་ཟས་གཙང་གིས་
D6.010.0268b07.01