完整藏文原文 · 德格版页 当前仅加载第 10 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཟ་བ་དང་། སྨྱུང་བར་གནས་ཏེ་མི་ཟ་བ་དང་། རྩེ་བས་མྱོས་ཏེ་མི་ཟ་བ་དང་། བྱ་བས་གཡེངས་ཏེ་མི་ཟ་བའོ། །ཟ་བ་གང་ཡིན་པ་དང་། མི་ཟ་བ་གང་ཡིན་པ་དེ་དག་གཅིག་ཏུ་བསྡུས་ནས་མའི་ནུ་ཞོ་དང་བཅས་ཏེ་ཟན་བདུན་ཁྲི་ཉིས་སྟོང་དུ་འགྱུར་རོ། །དགའ་བོ་དེ་ལྟ་བས་ན་མི་ཚེ་ལོ་བརྒྱ་
D6.010.0140b01.01ཐུབ་པ་རྣམས་ཀྱི་ཚེ་དང་། དུས་ཚིགས་དང་། ཟླ་བ་དང་། ཟླ་བ་ཕྱེད་དང་། ཉིན་ཞག་དང་། ཟན་དང་། ཟན་གྱི་བར་ཆད་དག་ཀྱང་བརྗོད་པ་ཡིན་ནོ། །དགའ་བོ་དེ་ལྟར་སྐྱེས་ཤིང་དེ་ལྟར་བྱུང་། དེ་ལྟར་མངོན་པར་གྲུབ་པའི་ལུས་ལ་ལུས་ཀྱི་ནད་འདི་ལྟ་བུ་དག་འབྱུང་བར་འགྱུར་ཏེ། འདི་ལྟ་སྟེ། མགོ་
D6.010.0140b02.01ནད་དང་། མིག་ནད་དང་། རྣ་བའི་ནད་དང་། སྣ་ནད་དང་། སོ་ནད་དང་། མགུལ་ནད་དང་། སྙིང་ནད་དང་། ཆམ་པ་དང་། ཤུ་བ་དང་། གཡན་པ་དང་། རྐང་ཤུ་དང་། མཛེ་དང་། འབྲས་དང་། འབྲུམ་བུ་ཕྲ་མོ་དང་། ཤ་བཀྲ་དང་། བརྗེད་བྱེད་དང་། ལྷོག་པ་དང་། རྐང་བམ་དང་། མཚན་བར་རྡོལ་དང་།
D6.010.0140b03.01དམུ་རྫིང་དང་། སྐྱིགས་བུ་དང་། སྐྱུག་བྲོ་བ་དང་། སེར་ག་དང་། འཁྲུ་བ་དང་། རིམས་དང་། རིམས་དྲག་པོ་དང་། ལུད་པ་དང་། དབུགས་མི་བདེ་བ་དང་། སྐེམ་པ་དང་། བཀྲེས་ངབ་དང་། སྐྱ་རྦབ་དང་། སྐྲང་བ་དང་། ཚིལ་ནད་དང་། མཁྲིས་ནད་དང་། མེ་དབལ་དང་། རིམས་ནད་དང་། རིམས་ཉིན་
D6.010.0140b04.01གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རྟག་པའི་རིམས་དང་། ཡན་ལག་ཚ་བ་དང་། རྩིབ་ལོགས་ཚ་བ་དང་། སྙིང་ཚ་བ་དང་། ཡན་ལག་ན་བ་དང་། རྩིབ་ལོགས་ན་བ་དང་། སྙིང་ན་བ་དང་། ནམ་ཚོང་ན་བ་སྟེ། དགའ་བོ་དེ་ལྟ་བུ་དང་ཆ་མཐུན་པའི་ནད་རླུང་ལས་གྱུར་
D6.010.0140b05.01པའི་ནད་བརྒྱ་རྩ་གཅིག་དང་། མཁྲིས་པ་ལས་གྱུར་པའི་ནད་བརྒྱ་རྩ་གཅིག་དང་། བད་ཀན་ལས་གྱུར་པའི་ནད་བརྒྱ་རྩ་གཅིག་དང་། འདུས་པ་ལས་གྱུར་པའི་ནད་བརྒྱ་རྩ་གཅིག་སྟེ། དེ་དག་བསྡོམས་ན་ནད་བཞི་བརྒྱ་རྩ་བཞི་ནང་དུ་འབྱུང་བར་འགྱུར་ཏེ། དགའ་བོ་ལུས་འདི་ནི་ནད་དུ་གྱུར་པ། འབྲས་སུ་
D6.010.0140b06.01གྱུར་པ། ཟུག་རྔུར་གྱུར་པ། རིང་པོ་མི་ཐོགས་པ་དང་། འཇིག་པ་དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་། འགྲན་ཟླ་དང་བཅས་པ་དང་། དབུགས་མི་ཕྱིན་པ་དང་། རྣམ་པར་འགྱུར་བའི་ཆོས་ཅན་ནོ། །དགའ་བོ་སྲོག་ཆགས་རྣམས་ནི་སྐྱེས་ན་ལག་པ་བཅད་
D6.010.0140b07.01