完整藏文原文 · 德格版页 当前仅加载第 10 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བགོའོ་ཞེས་གསུངས་པས། དགེ་སློང་རྣམས་ཀྱིས་དེ་ཚལ་བུ་ཚལ་བུར་བྱས་ནས་མཉམ་པར་བགོས་སོ། །བྲམ་ཟེ་དེས་བསམས་པ། ལ་བ་དེ་ཆེན་པོ་ལ་འོས་པ་ཞིག་པས་བདག་གིས་འཕགས་པ་རྣམས་ལ་ཀཱར་ཥཱ་པ་ཎ་དག་ཕུལ་ལ་སླར་བླང་ངོ་སྙམ་
D6.010.0263a01.01སྟེ་དེ་ནང་པར་སྔར་ལངས་ནས་རྒྱལ་བྱེད་ཀྱི་ཚལ་དུ་སོང་བ་དང་། རྒྱལ་བྱེད་ཀྱི་ཚལ་གྱི་སྒོ་ན་དགེ་སློང་མང་པོ་དག་ཅིག་འདུག་གོ། །དེས་སྨྲས་པ། འཕགས་པ་དག་ཕྱག་འཚལ་ལོ། །བྲམ་ཟེ་ཆེན་པོ་ནད་མེད་ཅིག །འཕགས་པ་ལ་ལ་བ་ཕུལ་བ་དེ་ཁྱེད་ཀྱིས་ཅིར་བགྱིས།
D6.010.0263a02.01དགེ་སློང་རྣམས་ཀྱིས་སྨྲས་པ། བྲམ་ཟེ་ཆེན་པོ་རྗེས་སུ་ཡི་རང་བར་གྱིས་ཤིག །ཁོ་བོ་ཅག་གིས་མཉམ་པར་བགོས་སོ། གཅིག་གིས་སྨྲས་པ། བདག་གིས་ནི་བགོ་སྐལ་ཞྭ་ལ་གླན་ནོ། །གཞན་ཞིག་གིས་སྨྲས་པ། བདག་གིས་ནི་ལྷམ་ཡུ་ཐུང་ལ་གླན་ནོ། །གཞན་
D6.010.0263a03.01ཞིག་གིས་སྨྲས་པ། བདག་གིས་ནི་སྟོད་ཀོར་ལ་གླན་ནོ། །གཞན་ཞིག་གིས་སྨྲས་པ། བདག་གིས་ནི་ལྷུང་བཟེད་ཕྱི་བར་བྱས་སོ། དེས་སྨྲས་པ། འཕགས་པ་ལ་བ་དེ་ཆེན་པོ་ལ་འོས་པ་ཞིག་ན་ཀྱེ་མ་ཁྱེད་ཀྱིས་དེ་ཀཱར་ཥཱ་པ་ཎ་དག་ཏུ་བསྒྱུར་ལ་ཀཱར་ཥཱ་པ་ཎ་དག་བགོ་
D6.010.0263a04.01འདད་ཅིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དེ་ཟེར་བ་བདེན་ཏེ། དེ་ལྟ་བས་ན་དགེ་འདུན་ལ་གོས་ཀྱི་རྙེད་པ་དེ་ལྟ་བུ་གྲུབ་པ་གང་ཡིན་པ་དེ་ཀཱར་ཥཱ་
D6.010.0263a05.01པ་ཎ་དག་ཏུ་བསྒྱུར་ལ། ཀཱར་ཥཱ་པ་ཎ་དག་བགོ་བར་བྱའོ།། །།སྡོམ་ནི། །རུང་བ་མ་ཡིན་ལྔ་དག་གི། །ལྷམ་ནི་དགག་པ་མཛད་པ་དང་། །དོམ་ལྤགས་ཀྱི་ནི་ལྷམ་དག་དང་། །དེ་ཡི་སྟེང་གི་རིམ་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་
D6.010.0263a06.01རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་བོ་བདག་ཅག་གིས་མཉན་ཡོད་དུ་སྐྱེ་བོ་མང་པོ་ཐམས་ཅད་ལ་མ་ལུས་པར་བཟའ་བའི་རིམ་བསླངས་ན། རྒྱལ་པོའི་གླང་པོ་ཆེ་འདུལ་བ་དེ་དག་གིས་
D6.010.0263a07.01