完整藏文原文 · 德格版页 当前仅加载第 10 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། འཕགས་པ་གནག་དགའ་བོ་བདག་གི་ལ་བ་མ་བསྣམས་ཤིག །དུར་ཁྲོད་པ་ཕལ་ཆེར་སྙིང་སྟོབས་ཅན་ཡིན་པས་དེས་དེ་ལ་སྨྲས་པ། བཀྲེན་པ་ཁྱོད་ལ་བ་འདི་ལ་ལྷག་པར་ཆགས་པ་{ཡི་དགས་,ཡི་དྭགས་}ལྦ་བ་ཅན་རྣམས་ཀྱི་ནང་དུ་སྐྱེས་ན། ད་ཡང་ཅི་དམྱལ་
D6.010.0223a01.01བར་སྐྱེ་བར་འདོད་དམ་ཐོང་ཤིག་ཅེས་བྱས་ན། འོན་ཀྱང་དེས་མ་བཏང་ངོ་། །དེ་ལྷག་པར་ཆགས་པས་དེས་དེ་ལ་རྡོག་པས་བསྣུན་ནས་བཤུས་ཏེ་དེས་དེ་ཁྱེར་ནས་རྒྱལ་བྱེད་ཀྱི་ཚལ་དུ་སོང་ངོ་། །དེ་ཡང་ཆོ་ངེས་འདེབས་ཤིང་དེའི་ཕྱི་བཞིན་དུ་འབྲངས་ཏེ། འཕགས་པ་གནག་དགའ་བོ།
D6.010.0223a02.01ལ་བ་འོ་ནི་སྩོལ་ཅིག་ཅེས་བྱས་ན་དེས་ཁྱད་དུ་བསད་དེ་རྒྱལ་བྱེད་ཀྱི་ཚལ་དུ་སོང་བ་དང་། རྒྱལ་བྱེད་ཀྱི་ཚལ་ན་སངས་རྒྱས་ལ་མངོན་པར་དད་པའི་ལྷ་དང་། ཀླུ་དང་། གནོད་སྦྱིན་དག་འདུག་པས་དབང་ཆུང་ངུར་གྲགས་པ་དེ་ནང་དུ་འཇུག་མ་ནུས་ནས་རྒྱལ་བྱེད་ཀྱི་ཚལ་གྱི་སྒོ་ན་ཆོ་ངེས་འདེབས་
D6.010.0223a03.01ཤིང་འདུག་གོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་ཡིན་པས་དེ་ནས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་རྒྱལ་བྱེད་ཀྱི་ཚལ་གྱི་སྒོ་ན་མི་མ་ཡིན་པ་དུ། དེས་གསོལ་པ། བཙུན་པ་གནག་དགའ་བོས་དེའི་
D6.010.0223a04.01ལ་བ་བླངས་ལགས་སོ། །བཅོམ་ལྡན་འདས་ཀྱིས་དགོངས་པ་མི་མ་ཡིན་པ་འདི་ཆགས་པ་དེ་ལྟ་བུས་ངུ་སྟེ། གལ་ཏེ་ལ་བ་མ་ཐོབ་ན་ཁྲག་དྲོན་དུ་སྐྱུགས་ནས་འཆི་བར་འགྱུར་བ་གང་ཡིན་པའི་གནས་དེ་ཡོད་དོ་སྙམ་དུ་དགོངས་ནས། ཚེ་དང་ལྡན་པ་ཀུན་དགའ་བོ་ལ་བཀའ་
D6.010.0223a05.01སྩལ་པ། ཀུན་དགའ་བོ་སོང་ལ་དགེ་སློང་གནག་དགའ་བོ་ལ་མི་མ་ཡིན་པ་འདི་ལ་ལ་བ་བྱིན་ཅིག །གལ་ཏེ་འདི་ལ་ལ་བ་མ་བྱིན་ན་གདོན་མི་ཟ་བར་འདི་ཁྲག་དྲོན་དུ་སྐྱུགས་ནས་འཆི་བར་འགྱུར་རོ། །གང་གི་ཚེ་བྱིན་པ་དེའི་ཚེ་ཡང་མདུན་དུ་སོང་ཤིག་ཅེས་སྨྲ་བར་བྱའོ། །གང་གི་ཚེ་དུར་ཁྲོད་
D6.010.0223a06.01དུ་སོན་པ་དེའི་ཚེ་ཡང་ཉོལ་ཅིག་ཅེས་བརྗོད་པར་བྱ་ཞིང་གང་གི་ཚེ་ཉལ་བ་དེའི་ཚེ་དེའི་སྟེང་དུ་དགབ་པར་བྱའོ་ཞེས་གྱིས་ཤིག །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་ཚེ་དང་ལྡན་པ་གནག་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་
D6.010.0223a07.01