完整藏文原文 · 德格版页 当前仅加载第 10 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། གཞོན་ནུ་ཅིའི་ཕྱིར་མནའ་མ་འདི་དག་ངུ་། དེས་སྨྲས་པ། ལྷ་འདི་དག་ངུ་བ་མ་ལགས་ཏེ། འདི་ལྟར་ལྷའི་ན་བཟའ་ལ་ཤིང་གི་དུད་པའི་དྲི་གདའ་བས་དེས་འདི་དག་མཆི་མ་བྱུང་བར་གྱུར་ཏོ། །རྒྱལ་པོ་ལྷ་དང་མིའི་དཔལ་དེ་དག་ལ་ཉེ་བར་སྤྱོད་ཅིང་ཕྱིར་མི་ལྡོག་པ་ན། རྒྱལ་
D6.010.0024a01.01པོའི་བྱ་བ་དང་རྒྱལ་པོའི་བྱེད་པ་དག་ཡོངས་སུ་ཉམས་པར་གྱུར་ནས་གཞོན་ནུ་མ་སྐྱེས་དགྲ་ལ་བློན་པོ་རྣམས་ཀྱིས་སྨྲས་པ། གཞོན་ནུ་ལྷ་ནི་མེ་སྐྱེས་ཀྱི་ཁྱིམ་དུ་གཤེགས་ནས་བག་མ་མཆིས་པར་གྱུར་གྱིས་བཞུད་ལ་སྦྲོན་ཅིག །དེ་སོང་ནས་སྨྲས་པ། ལྷ་ཁྱོད་འདིར་གཤེགས་ཏེ་བཞུགས་པར་མཛད་
D6.010.0024a02.01དམ་ཅི། བློན་པོ་རྣམས་ཀྱི་མཆིད་ནས་རྒྱལ་པོའི་བྱ་བ་དང་བྱེད་པ་དག་ཡོངས་སུ་ཉམས་པར་གྱུར་ཏོ་ཞེས་མཆིའོ། །དེས་སྨྲས་པ། གཞོན་ནུ་ཅི་ཁྱོད་ཀྱིས་ཞག་གཅིག་ཙམ་རྒྱལ་སྲིད་བྱེད་དུ་འཇུག་ཀྱང་མི་ནུས་སམ། དེས་སྨྲས་པ། ལྷ་བདག་གིས་ནི་ལྷས་དགུང་བདུན་ལགས་པར་འཚལ་ན། ལྷས་
D6.010.0024a03.01ནི་དགུང་གཅིག་ལགས་པར་མཁྱེན་པ་ལྟ། རྒྱལ་པོས་མེ་སྐྱེས་ཀྱི་གདོང་དུ་བརྟགས་ཏེ་སྨྲས་པ། གཞོན་ནུ་བདེན་ནམ། ལྷ་མད་དེ་དགུང་བདུན་ཁོ་ན་ལགས་སོ། །འོ་ན་ཉིན་མཚན་ཇི་ལྟར་ཤེས། ལྷ་མེ་ཏོག་དག་ཁ་འབྱེ་ཞིང་འཛུམས་པ་དང་། ནོར་བུ་དག་གི་འོད་འབར་རམ་མི་འབར་བ་དང་།
D6.010.0024a04.01བྱ་དག་སྐད་འབྱིན་ཏམ་མི་འབྱིན་པའི་ཚུལ་ལས་གདའོ། །མེ་ཏོག་གང་དགུང་ལ་ཁ་འབྱེ་ཞིང་གདུགས་ལ་ཞུམ་པར་འགྱུར་བ་ཡང་མཆིས། གང་དག་གདུགས་ལ་ཁ་འབྱེ་ཞིང་དགུང་ལ་ཞུམ་པར་འགྱུར་བ་ཡང་མཆིས། ནོར་བུ་གང་དག་དགུང་ལ་འབར་ཞིང་གདུགས་ལ་མི་འབར་བ་ཡང་མཆིས། གང་
D6.010.0024a05.01དག་གདུགས་ལ་འབར་ཞིང་དགུང་ལ་མི་འབར་བ་ཡང་མཆིས། བྱ་གང་དག་དགུང་ལ་སྐད་འབྱིན་ཅིང་གདུགས་ལ་མི་འབྱིན་པ་ཡང་མཆིས། གང་དག་གདུགས་ལ་སྐད་འབྱིན་ཅིང་དགུང་ལ་སྐད་མི་འབྱིན་པ་ཡང་མཆིས་སོ། །རྒྱལ་པོ་ངོ་མཚར་སྐྱེས་ནས་སྨྲས་པ། གཞོན་ནུ་བཅོམ་ལྡན་འདས་
D6.010.0024a06.01ནི་ཕྱིན་ཅི་མ་ལོག་པར་གསུང་བ་སྟེ། བཅོམ་ལྡན་འདས་ཀྱིས་ཁྱོད་ཇི་ལྟར་ལུང་བསྟན་པ་ཁོ་ན་ལས་གཞན་དུ་མ་གྱུར་ཏོ། །དེ་སྐད་སྨྲས་ནས་རྒྱལ་པོ་དེ་མེ་སྐྱེས་ཀྱི་ཁྱིམ་ནས་ཕྱིར་བྱུང་སྟེ་སོང་ངོ་། །གཞོན་ནུ་མ་སྐྱེས་དགྲས་མེ་སྐྱེས་ཀྱི་ནོར་བུ་གཅིག་བརྐུས་ཏེ་ཁྱེའུ་ཞིག་གི་ལག་ཏུ་གཏད་པ་དང་། དེས་གང་
D6.010.0024a07.01