完整藏文原文 · 德格版页 当前仅加载第 10 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱི་ཁྲིད་དེ་འགྲོ་བར་མི་བྱའོ། །དེ་དག་གིས་མཚོན་གྱིས་རྨ་ཕྱུང་སྟེ་བླངས་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚོན་གྱིས་རྨ་ཕྱུང་སྟེ་བླང་བར་མི་བྱའི་འོན་ཀྱང་གང་གི་ཚེ་སྲིན་བུ་ཕྲེའུ་དང་།
D6.010.0224a01.01གྲོག་མས་ཟོས་ཀྱང་རུང་དེའི་ཚེ་བླང་བར་བྱའོ། །དེ་དག་གིས་བླངས་ཏེ་དེ་བཞིན་དུ་གྱོན་ནས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བགོ་བར་མི་བྱའི། འོན་ཀྱང་ཞག་བདུན་ནམ་བརྒྱད་དུ་དབེན་པར་བཞག་ལ་གང་གི་ཚེ་རླུང་དང་ཉི་མས་གདུངས་པར་གྱུར་པ་དེའི་ཚེ་
D6.010.0224a02.01བཀྲུས་ནས་བཙོས་ལ་བགོ་བར་བྱའོ། །དེ་དག་གིས་དེ་བགོས་ཏེ་གཙུག་ལག་ཁང་དུ་འཇུག་ཅིང་མཆོད་རྟེན་དག་ལ་ཕྱག་འཚལ་བར་བྱེད་ནས། སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་དུར་ཁྲོད་
D6.010.0224a03.01པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་དུར་ཁྲོད་པས་རོའི་གོས་བགོས་ཏེ་གཙུག་ལག་ཁང་དུ་འགྲོ་བར་མི་བྱ། མཆོད་རྟེན་ལ་ཕྱག་འཚལ་བར་མི་བྱ། དེ་སྟེ་ཕྱག་བྱེད་ན་ཡང་འདོམ་གང་ཁོར་ཡུག་ལས་ཉེ་བར་འགྲོ་བར་མི་བྱ། གནས་ཁང་ལ་ལོངས་སྤྱད་པར་མི་
D6.010.0224a04.01བྱ། གནས་མལ་ལ་ཡང་འདུག་པར་མི་བྱ། དགེ་འདུན་གྱི་ནང་དུ་འདུག་པར་མི་བྱ། བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་མི་བྱ། བྲམ་ཟེ་དང་ཁྱིམ་བདག་གི་ཁྱིམ་དག་ཏུ་འགྲོ་བར་མི་བྱ། གལ་ཏེ་འགྲོ་ན་ཡང་སྒོར་བསྡད་པར་བྱའོ། །གལ་ཏེ་
D6.010.0224a05.01འཕགས་པ་ནང་དུ་གཤེགས་ཞེས་ཟེར་ན། བདག་ནི་དུར་ཁྲོད་པའོ་ཞེས་སྨྲ་བར་བྱའོ། །ཇི་སྟེ་འཕགས་པ་གལ་ཏེ་ཁྱེད་ལྟ་བུ་སྦྱངས་པའི་ཡོན་ཏན་ཡང་དག་པར་བླངས་ཏེ་འདུག་པ་དག་ཁྱིམ་གྱི་ནང་དུ་བྱོན་ན་བདག་གིས་རྙེད་པ་དག་ལེགས་པར་རྙེད་པ་མ་ལགས་སམ་ཞེས་ཟེར་ན་
D6.010.0224a06.01ནང་དུ་འགྲོ་བར་བྱ་ཞིང་སྟན་ལ་ནི་འདུག་པར་མི་བྱའོ། །གལ་ཏེ་འཕགས་པ་གདན་ལ་བཞུགས་ཤིག་ཅེས་ཟེར་ན། བདག་ནི་དུར་ཁྲོད་པའོ་ཞེས་བརྗོད་པར་བྱའོ། །ཇི་སྟེ་འཕགས་པ་གལ་ཏེ་ཁྱོད་ལྟ་བུ་སྦྱངས་པའི་ཡོན་ཏན་ཡང་དག་པར་བླངས་ཏེ་འཇུག་པ་དག་སྟན་དང་ཁྱིམ་ལ་
D6.010.0224a07.01