完整藏文原文 · 德格版页 当前仅加载第 10 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
མི་བཟང་བར་མཐོང་ནས་དེས་བྲམ་ཟེ་མོ་ལ་སྨྲས་པ། བྲམ་ཟེ་མོ་སྐར་མ་མི་བཟང་བས་ལྷ་ནི་མི་བཟད་པ་དོགས་པ་ཉམ་ང་བར་གྱུར་ཏོ། །དེས་སྨྲས་པ། བྲམ་ཟེ་དེ་སྐད་མ་ཟེར་ཅིག་དེ་ནི་རྒྱལ་པོ་ཁྲོ་བར་འགྱུར་རོ། །དེས་སྨྲས་པ། བྲམ་
D6.010.0297a01.01ཟེ་མོ་བདག་ཅག་ནི་རྒྱལ་པོའི་སྐྱབས་ན་བདེ་བར་གནས་པ་ཡིན་པས་དེས་ན་མི་དགའ་སྟེ་དེ་སྐད་སྨྲ་མོད། །དེ་ཐམས་ཅད་རྒྱལ་པོས་ཐོས་སོ། །དེ་ནས་རྒྱལ་པོས་ལྕགས་ཀྱི་ཕུར་པ་དེ་བསྒུལ་བར་བརྩམས་ན་མ་ནུས་ནས་སྟོབས་དང་ལྡན་པ་དེས་བསྒྲིམས་ཏེ་བསྒུལ་
D6.010.0297a02.01ནས་ཕྱིན་པ་དང་། བཤང་བ་འབབ་པ་དེ་དང་ལྷན་ཅིག་བྱུང་སྟེ་སོང་ངོ་། །བྲམ་ཟེ་དེས་བྲམ་ཟེ་མོ་དེ་ལ་སྨྲས་པ། བྲམ་ཟེ་མོ་ལྷ་དེའི་མི་བཟད་པ་དོགས་པ་ཉམ་ང་བར་གྱུར་པ་གང་ཡིན་པ་དེ་དང་ལྷ་བྲལ་ཏེ། རྒྱལ་པོ་གསོན་པ་བདག་ཅག་དབང་ཐང་ཆེ་ན།
D6.010.0297a03.01རྒྱལ་པོ་ནི་དེ་ལྟར་སྦགས་བཞིན་དུ་བཙུན་མོ་ཞི་བའི་ཐད་དུ་སོང་ངོ་། །དེས་ལྷ་དེ་ཅི་ཞིག་ཅེས་སྨྲས་པ་དང་། དེས་ཇི་ལྟ་བུར་གྱུར་པ་སྨྲས་སོ། །བཙུན་མོ་ཞི་བ་མིག་མཆི་མས་གང་བཞིན་དུ་དེ་སྨིག་མའི་ཚལ་པས་བཞར་ཏོ། །སྨིག་མའི་ཚལ་པས་བཞར་ནས་
D6.010.0297a04.01ས་གར་གྱིས་དྲིལ་ཕྱི་བྱས་སོ། །ས་གར་གྱིས་དྲིལ་ཕྱི་བྱས་ནས་སྤོས་སྣ་ཚོགས་ཀྱིས་བསྒོས་པའི་ཆུས་བཀྲུས་ཏེ་མཐུན་པའི་གོས་དག་བསྐོན་ཏོ། །དེ་ཕྱི་དེ་ཉིན་པར་དོན་བྱ་བའི་སར་འདུག་ནས་བློན་པོ་རྣམས་ལ་སྨྲས་པ། ཤེས་ལྡན་དག་ལྟས་མཁན་
D6.010.0297a05.01དག་བོས་ཤིག །དེ་དག་གིས་ལྟས་མཁན་དག་བོས་པ་དང་། དེ་དག་ལ་རྒྱལ་པོས་རྨས་པ། ཤེས་ལྡན་དག་མདང་ངའི་མཚན་མོ་ཇི་ལྟ་བུར་འདས་པར་གྱུར། དེ་དག་གིས་སྨྲས་པ། ལྷ་ཇི་ལྟར་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་
D6.010.0297a06.01ཆོས་བཞིན་དུ་ས་སྐྱོང་བ་ལྟར་ལགས་སོ། །རྒྱལ་པོས་སྨྲས་པ། ཤེས་ལྡན་དག་ཕྱོགས་ཆེ་གེ་མོ་ཞིག་ན་བྲམ་ཟེ་ལྟས་མཁན་ཞིག་གནས་པ་དེ་བོས་ཤིག །དེ་དག་གིས་དེའི་ཐོག་ཏུ་རྒྱལ་པོའི་མི་དག་བཏང་ངོ་། །དེ་དག་དེར་སོང་ནས་བྲམ་ཟེ་དེ་ལ་
D6.010.0297a07.01