完整藏文原文 · 德格版页 当前仅加载第 10 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་ཤཱཀྱ་ང་རྒྱལ་ཅན་མུར་ཅོར་སྨྲ་བ། ཐུག་ཐུབ་ཅན་རྣམས་ཐུབ་པ་བཞིན་དུ་ཅང་མི་སྨྲ་བར་འདུག་པ་དང་། རྒྱལ་པོ་ཟས་གཙང་གིས་སྨྲས་པ། ཤཱཀྱ་ང་རྒྱལ་ཅན་མུ་ཅོར་སྨྲ་བ་ཐུག་ཐུབ་ཅན་འདི་དག་གཞོན་ནུ་གྲོང་ཁྱེར་དུ་ཞུགས་པ་དང་ཐུབ་པ་བཞིན་དུ་ཅང་མི་སྨྲ་
D6.010.0267a01.01བར་འདུག་པས་དེའི་ཕྱིར་གཞོན་ནུའི་མིང་ཤཱཀྱ་ཐུབ་པར་གདགས་སོ་ཞེས་དེ་ནི་བྱང་ཆུབ་སེམས་དཔའི་མཚན་གཉིས་པ་འདི་ལྟ་སྟེ་ཤཱཀྱ་ཐུབ་པ་ཞེས་བྱ་བ་དེར་བཏགས་སོ། །ཤཱཀྱ་རྣམས་ལ་གནོད་སྦྱིན་གཉུག་མར་གནས་པ་ཤཱཀྱ་སྤེལ་བ་ཞེས་བྱ་བ་ཞིག་ཡོད་དེ། ཤཱཀྱ་སུའི་
D6.010.0267a02.01བུའམ། བུ་མོ་བཙས་ཀྱང་རུང་དེ་དང་པོར་གནོད་སྦྱིན་ཤཱཀྱ་སྤེལ་བའི་རྐང་པ་ལ་ཕྱག་འཚལ་དུ་ཁྲིད་ནས་རྒྱལ་པོ་ཟས་གཙང་གིས་སྨྲས་པ། ཤེས་ལྡན་དག་དེང་ལ་གཞོན་ནུ་གནོད་སྦྱིན་ཤཱཀྱ་སྤེལ་བའི་རྐང་པ་ལ་ཕྱག་འཚལ་དུ་ཆུག་ཤིག །བློན་པོ་རྣམས་ཀྱིས་དེའི་
D6.010.0267a03.01མདུན་དུ་ཁྲིད་པ་དང་། གནོད་སྦྱིན་ཤཱཀྱ་སྤེལ་བས་བྱང་ཆུབ་སེམས་དཔའ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་དེ་བརྟད་དེ་རིངས་པ་རིངས་པར་གོམ་པ་བསླང་ནས་བྱང་ཆུབ་སེམས་དཔའ་བསུ་སྟེ་རྐང་པ་ལ་ཕྱག་བྱས་པ་དང་། རྒྱལ་པོ་ཟས་གཙང་གིས་སྨྲས་པ། ཤེས་
D6.010.0267a04.01ལྡན་དག་གནོད་སྦྱིན་ཤཱཀྱ་སྤེལ་བ་ཡང་གཞོན་ནུའི་རྐང་པ་ལ་ཕྱག་འཚལ་ཏེ། དེ་ལྟ་བས་ན་འདི་ནི་ལྷའི་ཡང་ལྷ་ཡིན་པས་དེའི་ཕྱིར་གཞོན་ནུའི་མིང་ལྷའི་ཡང་ལྷ་ཞེས་གདགས་སོ་ཞེས་དེས་ན་བྱང་ཆུབ་སེམས་དཔའི་མཚན་གསུམ་པ་འདི་ལྟ་སྟེ། ལྷའི་ཡང་ལྷ་ཞེས་བྱ་བ་དེར་བཏགས་
D6.010.0267a05.01སོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་བྲམ་ཟེ་རྣམས་དང་། མཚན་མཁན་རྣམས་དང་། སྐར་མཁན་རྣམས་ལ་བསྟན་ནས། ཤེས་ལྡན་དག་གཞོན་ནུ་ཅིག་གང་དག་དང་ལྡན་ན་སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་གྱི་གཞན་དུ་མ་ཡིན་ཏེ། གལ་
D6.010.0267a06.01ཏེ་ཁྱིམ་པ་ཁྱིམ་ན་གནས་པ་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ་ཆོས་ཀྱི་རྒྱལ་པོ་ཆོས་དང་མཐུན་པ་རིན་པོ་ཆེ་སྣ་བདུན་དང་ལྡན་པར་འགྱུར་ཞིང་། དེའི་རིན་པོ་ཆེ་སྣ་བདུན་ནི་འདི་ལྟ་བུ་དག་ཡིན་ཏེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་།
D6.010.0267a07.01