完整藏文原文 · 德格版页 当前仅加载第 10 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པར་བྱེད་དོ། །ཇི་ལྟར་དུས་ཐམས་ཅད་པས་ཡིན་ཞེ་ན། འདི་ནི་བདག་གི་དགུན་གྱི་གཙུག་ལག་ཁང་ངོ་། །འདི་ནི་དཔྱིད་ཀྱིའོ། །འདི་ནི་དབྱར་གྱིའོ་ཞེས་བྱ་བ་སྟེ། དེ་ལྟར་ན་དུས་ཐམས་ཅད་པས་ཡིན་ནོ། །ཇི་ལྟར་ན་གནས་རེས་སུ་གཅོད་
D6.010.0203a01.01པས་ཡིན་ཞེ་ན། འདི་ནི་བདག་གི་སང་གི་གཙུག་ལག་ཁང་ངོ་། །འདི་ནི་གནངས་ཀྱིའོ། །འདི་ནི་གཞེས་ཀྱིའོ་ཞེས་བྱ་བ་སྟེ། དེ་ལྟར་གནས་རེས་སུ་གཅོད་པས་ཡིན་ནོ། །ཇི་ལྟར་ན་དུས་རེ་ཞིག་པས་ཡིན་ཞེ་ན། འདིར་ནི་སྔ་དྲོ་གནས་སོ། །འདིར་ནི་ཕྱི་
D6.010.0203a02.01དྲོའོ་ཞེས་བྱ་བ་སྟེ། དེ་ལྟར་ན་དུས་རེ་ཞིག་པས་ཡིན་ནོ། །ཇི་ལྟར་ན་རྟིང་གནོན་པས་ཡིན་ཞེ་ན། འདི་ནི་བདག་གི་སློབ་དཔོན་གྱི་གཙུག་ལག་ཁང་ངོ་། །འདི་ནི་མཁན་པོ་དང་། ལྷན་ཅིག་གནས་པ་དང་། ཉེ་གནས་དང་། གཏམ་འདྲེས་པ་དང་། ཕེབས་པར་
D6.010.0203a03.01སྨྲ་བའི་འོ་ཞེས་བྱ་བ་སྟེ། དེ་ལྟར་ན་རྟིང་གནོན་པས་ཡིན་ནོ། །ཡུལ་སྣ་ཚོགས་ན་གནས་པའི་དགེ་སློང་དག་ལྷགས་པ་དང་ཕོངས་པར་གྱུར་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.010.0203a04.01དེ་ལྟ་བས་ན་དགེ་སློང་གི་གཙུག་ལག་ཁང་དག་ལ་དུས་ཐམས་ཅད་པ་དང་། གནས་རིས་སུ་གཅོད་པ་དང་། དུས་རེ་ཞིག་པ་དང་། རྟིང་གནོན་པས་ཡོངས་སུ་སྤྱད་པར་མི་བྱ་སྟེ། སྤྱོད་ན་འགལ་ཚབས་ཅན་དུ་འགྱུར་རོ།། །།སྡོམ་ནི། ར་བ་དང་ནི་
D6.010.0203a05.01ཤིང་ཐགས་དང་། །ལམ་དང་འོབས་དང་སྐར་རྒྱལ་དང་། །ཆོས་གོས་བཅགས་ཤིང་ཕྱིས་པ་དང་། །ཆ་ག་དང་ནི་བྲམ་ཟེའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་
D6.010.0203a06.01གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་རྒྱལ་བྱེད་ཀྱི་ཚལ་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་དེའི་ཚེ་འཇིག་རྟེན་དག་རྒྱལ་བྱེད་ཀྱི་ཚལ་གྱི་ནང་དུ་དགའ་མགུར་འགྲོ་ཞིང་འོང་ནས་ཁྱིམ་བདག་མགོན་མེད་ཟས་སྦྱིན་གྱིས་བསམས་པ། བདག་གི་
D6.010.0203a07.01