完整藏文原文 · 德格版页 当前仅加载第 10 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྲུབ་པོ། །དགའ་བོ་དེ་ལ་མྱུ་གུ་ལ་སོགས་པ་དག་ནི་ས་བོན་དེ་དག་ཉིད་མ་ཡིན་ཞིང་དེ་དག་མ་གཏོགས་པར་རྒྱུ་མེད་པ་དང་རྐྱེན་མེད་པ་ལས་མྱུ་གུ་ལ་སོགས་པར་འགྱུར་བ་མ་ཡིན་ནོ། །འོན་ཀྱང་རྒྱུ་རྐྱེན་ཚོགས་པ་ལས་མྱུ་གུ་ལ་སོགས་པར་འགྱུར་བ་དེ་བཞིན་དུ་དགའ་བོ་ནུར་ནུར་པོའི་
D6.010.0129a01.01ལུས་ཀྱང་ཕ་མའི་མི་གཙང་བ་ཡིན་པར་མི་བལྟ་སྟེ། ཕའི་རྐེད་ལས་མ་ཡིན། མའི་མངལ་ནས་མ་ཡིན། ལས་དེ་ལས་མ་ཡིན། རྒྱུ་དེ་ལས་མ་ཡིན། རྐྱེན་དེ་ལས་མ་ཡིན་མོད་ཀྱི། དགའ་བོ་འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ཅིང་རྒྱུ་རྣམས་ཚོགས་པ་དང་། འདུས་པ་དང་།
D6.010.0129a02.01འབྱོར་པ་དང་། མངོན་དུ་གྱུར་པ་ལས་མངལ་ན་གནས་པ་འགྲུབ་པར་འགྱུར་རོ། །དགའ་བོ་དཔེར་ན་སྐྱེས་བུ་མིག་དང་ལྡན་པ་མེ་ཡང་དག་པ་ཁོ་ནར་འབྱུང་བར་འདོད་པས་ནོར་བུ་མེ་ཤེལ་བླངས་ཏེ་ཉི་མ་ལ་བསྟན་ཏེ་བཞག་ནས་བ་ལང་གི་ལྕི་བ་སྐམ་པོའི་ཕྱེ་མ་ལེགས་པར་བཞག་པ་ལས་མེ་འབྱིན་
D6.010.0129a03.01པར་བྱེད་ན་དགའ་བོ་རྒྱུ་དེ་དག་ལ་མེ་ཡོད་པ་ཡིན། རྒྱུ་དེ་དག་སྤངས་ཏེ་རྒྱུ་མེད་པ་དང་། རྐྱེན་མེད་པ་ལས་མེ་འབྱུང་བར་འགྱུར་བ་མ་ཡིན་མོད་ཀྱི། འོན་ཀྱང་རྒྱུ་རྐྱེན་ཚོགས་པ་ལས་མེ་འབྱུང་བར་འགྱུར་བ་དེ་བཞིན་དུ་དགའ་བོ་ཕ་མའི་མི་གཙང་བ་དེ་དག་ཉིད་ལ་བརྟེན་ཅིང་རྒྱུ་རྣམས་ཚོགས་པ་དང་།
D6.010.0129a04.01འདུས་པ་དང་། འབྱོར་པ་དང་། མངོན་དུ་གྱུར་པ་ལས་མངལ་ན་གནས་པ་འགྲུབ་པར་འགྱུར་རོ། །དགའ་བོ་དེ་ལ་ཕ་མའི་རྒྱུ་ལས་བྱུང་བ་མི་གཙང་བ་ནུར་ནུར་པོའི་ལུས་གང་ཡིན་པ་འདི་ནི་གཟུགས་སོ། །དེ་དང་ལྷན་ཅིག་འབྱུང་བ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་
D6.010.0129a05.01པ་འདི་དག་ནི་མིང་ངོ་། །མིང་འདི་དང་གོང་མའི་གཟུགས་དེ་དག་གཅིག་ཏུ་བསྡུས་ནས་མིང་དང་གཟུགས་ཞེས་བྱ་བའི་གྲངས་སུ་འགྲོ་སྟེ། དགའ་བོ་འདི་ལྟ་སྟེ། མིང་དང་གཟུགས་དེ་ནི་དེ་དག་ཁོ་ན་ཙམ་དུ་ཟད་དོ། །དགའ་བོ་ང་ནི་སྲིད་པ་མངོན་པར་གྲུབ་པ་ཆུང་ངུ་ལ་ཡང་བསྔགས་པར་མི་བྱེད། སྲིད་པ་
D6.010.0129a06.01མངོན་པར་གྲུབ་པ་སྐད་ཅིག་ལ་ཡང་བསྔགས་པར་མི་བྱེད་དོ། །དེ་ཅིའི་ཕྱིར་ཞེ་ན། སྲིད་པ་མངོན་པར་གྲུབ་པ་ནི་སྡུག་བསྔལ་བའོ། །དཔེར་ན་ངན་སྐྱུགས་ནི་ཆུང་ངུ་ཡང་དྲི་མནམ་མོ། །དགའ་བོ་དེ་བཞིན་དུ་སྲིད་པ་མངོན་པར་གྲུབ་པ་ཡང་ཆུང་ངུ་ཡང་སྐད་ཅིག་ཀྱང་སྡུག་བསྔལ་བའོ། །དགའ་བོ་
D6.010.0129a07.01