完整藏文原文 · 德格版页 当前仅加载第 10 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྒྱལ་པོས་ནི་དེ་སྐད་བཀའ་སྩལ་ན་འདི་ལ་ཇི་ལྟར་བསྒྲུབ་པར་བྱ། འཕགས་པ་མཽད་གལ་གྱི་བུ་ཆེན་པོ་ནི་བགྲེས་ལ། དེའི་ཡན་ལག་དང་ཉིང་ལག་ཐམས་ཅད་འདམ་བུ་བཞིན་དུ་བཅོམ་པས་དེ་ཇི་ལྟར་གསོ་བར་ནུས། ཡེ་དེ་ཉིད་མཐུ་ཆེ་བ་རྫུ་འཕྲུལ་
D6.010.0240a01.01ཆེ་བ་ཡིན་པས་དེ་ཉིད་ལ་སྐྱབས་སུ་འདོང་ངོ་། །ཁ་ཅིག་གིས་སྨྲས་པ། ལེགས་ཀྱིས་དེ་བཞིན་དུ་བྱའོ་ཞེས་དེ་དག་ཐམས་ཅད་འདུས་ནས་ཚེ་དང་ལྡན་པ་མཽད་གལ་གྱི་བུ་ཆེན་པོའི་ཐད་དུ་སོང་སྟེ་རྐང་པ་གཉིས་ལ་ཕྱག་བྱས་ནས། སྨྲས་པ། འཕགས་པ་བདག་ཅག་ལ་ལྷས་འདི་
D6.010.0240a02.01སྐད་དུ་འཕགས་པ་མཽད་གལ་གྱི་བུ་ཆེན་པོ་ཞག་བདུན་ན་མ་སོས་ན་ཁྱེད་ཀྱི་དབང་ཐང་གཅད་དོ་ཞེས་བཀའ་སྩལ་ན། ཁྱོད་ནི་བགྲེས་པས་སྔོན་བཞིན་དུ་བགྱི་བར་བདག་ཅག་གིས་རྔོ་མི་ཐོག་སྟེ། ཁྱོད་ཉིད་རྫུ་འཕྲུལ་ཆེ་ཞིང་མཐུ་ཆེ་བས་ཇི་ལྟར་བདག་ཅག་གི་དབང་ཐང་གཅད་པར་མི་
D6.010.0240a03.01འགྱུར་བ་དེ་ལྟར་མཛད་དུ་གསོལ། དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དེང་ལ། རྒྱལ་པོ་མ་སྐྱེས་དགྲ་ལ་འཕགས་པ་མཽད་གལ་གྱི་བུ་ཆེན་པོ་བདག་ཉིད་ཞག་བདུན་ན་རྒྱལ་པོའི་ཁབ་ཏུ་བསོད་སྙོམས་ལ་འཇུག་གོ་ཞེས་གྱིས་ཤིག །དེ་དག་རབ་ཏུ་དགའ་ནས་དེའི་
D6.010.0240a04.01རྐང་པ་གཉིས་ལ་ཕྱག་བྱས་ནས་རྒྱལ་པོ་མ་སྐྱེས་དགྲའི་ཐད་དུ་སོང་ནས་རྐང་པ་གཉིས་ལ་གཏུགས་ཏེ་སྨྲས་པ་ལྷ་འཕགས་པ་མཽད་གལ་གྱི་བུ་ཆེན་པོ་བདག་ཉིད་དགུང་བདུན་ན་རྒྱལ་པོའི་ཁབ་ཏུ་བསོད་སྙོམས་ལ་འཇུག་གོ། །རྒྱལ་པོ་རབ་ཏུ་དགའ་ནས་སྨྲས་པ། ཤེས་ལྡན་
D6.010.0240a05.01དག་གལ་ཏེ་དེ་ལྟ་ན་ལེགས་སོ། །ཇི་ཙམ་ན་ཞག་བདུན་ལོན་པ་དང་། འཕགས་པ་མཽད་གལ་གྱི་བུ་ཆེན་པོ་རང་ཉིད་ཀྱི་རྫུ་འཕྲུལ་གྱིས་མི་བདེ་བ་དེ་མེད་པར་བྱས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དགྲ་བཅོམ་པ་རྣམས་ཀྱི་ཡེ་ཤེས་མཐོང་བ་ནི་བསམ་པས་
D6.010.0240a06.01འཇུག་པས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་རབ་ཏུ་ན་ན་ཅིའི་ཕྱིར་བདག་ཉིད་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ཤེས་བསམ་པ་ལ་ཞུགས་ན་ཡོངས་སུ་མྱ་ངན་ལས་འདའ་འདོད་པར་མཐོང་ངོ་། །དེ་དེ་དང་མཛའ་བའི་བག་ཆགས་ཀྱིས་
D6.010.0240a07.01