完整藏文原文 · 德格版页 当前仅加载第 10 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཐམས་ཅད་བདུད་རྩི་དོན་དུ་གཉེར་བ་དང་། བདུད་རྩི་ཚོལ་བ་ཡིན་ན་ངས་བདུད་རྩི་མ་རྙེད་དོ། །འོན་ཀྱང་ཁྱོད་ཤཱཀྱ་རྣམས་ཀྱི་ནང་དུ་གཞོན་ནུ་འཁྲུངས་པ་དེའི་སྤྱན་སྔར་རབ་ཏུ་བྱུང་ལ་རིགས་རློམ་པར་མ་བྱེད། རུས་རློམ་པར་མ་བྱེད། བྲམ་ཟེའི་བུའི་རློམ་པ་མ་བྱེད་པར་ང་རྒྱལ་ཆོག་ལ་
D6.010.0269b01.01ཚངས་པར་སྤྱད་པ་སྤྱོད་ཅིག་དང་། དེས་ན་ཁྱོད་བདུད་རྩི་ཐོབ་པར་འགྱུར་རོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོའི་མཐའ་ནི་སྙིལ་བར་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་ཤི་བ་ཡིན། །ཞེས་བྱ་བས་དུས་ཀྱི་ཆོས་དང་
D6.010.0269b02.01ལྡན་པར་གྱུར་ཏོ། །དེས་དེའི་རུས་བུ་ལ་རུས་བུའི་མཆོད་པ་བྱས་ནས་གྲོང་ཁྱེར་བཱ་རཱ་ཎ་སཱིར་སོང་སྟེ་དྲང་སྲོང་གི་ནང་ན་འདུག་གོ། །དེ་ན་ལ་ད་དང་རུས་མཐུན་པས་དེའི་མིང་དྲང་སྲོང་ན་ལ་ད་ཞེས་བྱ་བར་ཆགས་སོ། །གཞོན་ནུ་རབ་སྣང་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་།
D6.010.0269b03.01ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་གཏད་ནས་དེ་མ་མ་བརྒྱད་ཀྱིས་འོ་མ་དང་། ཞོ་དང་། མར་སར་དང་། མར་དཀར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་གཙོ་བོ་དག་གིས་བསྐྱེད་
D6.010.0269b04.01བསྲིངས་པས་མཚེའུ་ན་འདུག་པའི་པད་མ་བཞིན་དུ་སྐྱེད་དྲག་པར་གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། གྲངས་དང་། རྩིས་དང་། ལག་རྩིས་དང་། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ཡུལ་(ཀྱི་,གྱི་)དབང་ཕྱུག་ལ་གནས་པའི་མཐུ་ཐོབ་པ། ས་
D6.010.0269b05.01ཆེན་པོའི་དཀྱིལ་འཁོར་རྣལ་དུ་ཕབ་སྟེ་གནས་པ་རྣམས་ཀྱི་བཟོའི་གནས་དང་། ལས་ཀྱི་གནས་ཐ་དད་པ་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕང་དཔྱད་དང་། ཕྱིར་བསྣུར་བ་
D6.010.0269b06.01དང་། མདུན་དུ་བསྣུར་བ་དང་། ལྕགས་ཀྱུས་བསྒྱུར་ཐབས་དང་། ཞགས་པ་གདབ་པ་དང་། མདའ་བོ་ཆེ་འཕེན་པ་དང་། གཅད་པ་དང་། དྲལ་བ་དང་། འཛིན་སྟངས་དང་། གོམ་སྟབས་དང་། ཐོར་ཚུགས་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་།
D6.010.0269b07.01