完整藏文原文 · 德格版页 当前仅加载第 10 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རུང་བར་བྱས་ཀྱིས་རྔ་མོའི་གྲོག་མ་ཆེན་པོ་དག་འདིར་མྱུར་དུ་ལྷོགས་ཤིག་དང་། དེ་དག་གིས་ཕུག་འདི་ཁྱབ་པར་བཀང་སྟེ་དགེ་སྦྱོང་འདི་གསད་པར་བྱའོ། །དེ་ནས་ཕག་མོའི་ཕུག་ན་གཉུག་མར་གནས་པའི་ལྷ་ཞིག་འདུག་པ་དེས་བསམས་པ། རྒྱལ་པོ་གཏུམ་པོ་འདིས་བདག་ལ་སྐྱབས་
D6.010.0035a01.01སུ་འོངས་པའི་དགེ་སྦྱོང་ཉེས་པ་མེད་པ་སྐྱོན་མེད་པ་བསད་པར་གྱུར་ན་མི་རུང་གིས། བདག་གིས་འདི་ཐར་བར་བྱ་བའི་ཐབས་ཤིག་ལ་བརྩོན་པར་བྱའོ་སྙམ་ནས་དེ་བདག་ཉིད་ཕག་མོ་ཆེན་མོའི་གཟུགས་སུ་མངོན་པར་སྤྲུལ་ཏེ། ཕུག་ནས་སྒོར་བྱུང་ངོ་། །རྒྱལ་པོ་དེ་ལིངས་ལ་དགའ་བས་མི་ཞིག་ལ་སྨྲས་པ།
D6.010.0035a02.01ཀྭའེ་མི་འདི་སོང་ལ་ངའི་རྟ་དང་མདའ་གཞུ་དག་ཁྱེར་ཏེ་ཤོག་ཤིག །དེས་རྒྱལ་པོའི་རྟ་དང་མདའ་གཞུ་དག་ཕུལ་ལོ། །དེ་ནས་ཕག་མོ་དེ་སྐྱེད་མོས་ཚལ་གྱི་ནང་ནས་ཕྱིར་བྱུང་སྟེ་འབྲོས་པར་བརྩམས་པ་དང་། རྒྱལ་པོ་དེ་དེའི་ཕྱི་བཞིན་སྙེགས་སུ་འགྲོ་བ་ན་དེས་ཐག་རིང་དུ་ཁྲིད་དེ་སོང་ངོ་། །དེ་ནས་བཙུན་མོའི་
D6.010.0035a03.01འཁོར་གྱི་ཚོགས་ཀྱིས་ཚེ་དང་ལྡན་པ་བ་ལང་གནས་ལ་སྨྲས་པ། འཕགས་པ་རྒྱལ་པོ་འདི་ནི་གཏུམ་པ་ལགས་པས་ཁྱོད་བཀྲོངས་པར་གྱུར་ན་མ་ལེགས་ཀྱིས་ཁྱོད་ད་མྱུར་དུ་བཞུད་ཅིག །ཚེ་དང་ལྡན་པ་བ་ལང་གནས་ཀྱིས་མྱུར་བ་མྱུར་བར་ལྷུང་བཟེད་དང་། ཆོས་གོས་བླངས་ཏེ། སྐྱེད་མོས་ཚལ་དེ་ནས་ཕྱིར་
D6.010.0035a04.01བྱུང་ནས་མཉན་ཡོད་དུ་སོང་ངོ་། །དེ་ཁད་ཀྱིས་མཉན་ཡོད་དུ་ཕྱིན་པ་དང་། དགེ་སློང་དག་གིས་མཐོང་ནས་སྨྲས་པ། ཚེ་དང་ལྡན་པ་འོངས་པ་ལེགས་སོ་འོངས་པ་ལེགས་སོ། །ཁྱོད་ཡུན་རིང་པོ་རིང་པོ་ནས་ཟླ་བ་བཞིན་དུ་རྒྱུ་ཞིང་ག་ལས་འོངས། ཀཽ་ཤཱམ་བཱི་ནས་སོ། །ཇི་ལྟ་ཚེ་དང་ལྡན་པས་བདེ་བར་བརྒྱུས་
D6.010.0035a05.01སམ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། བདག་བད་སའི་རྒྱལ་པོ་འཆར་བྱེད་ཀྱིས་ཧད་པོར་དེའུ་བསད་དོ། །ཅིའི་ཕྱིར། དེས་རྒྱས་པར་སྨྲས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་ཞིག་ལ་བཀའ་སྩལ་པ་དགེ་སློང་ཚུར་
D6.010.0035a06.01ཤོག །ཁྱོད་དགེ་སློང་བ་ལང་གནས་ག་ལ་དེར་སོང་ལ་བ་ལང་གནས་ལ་འདི་སྐད་ཅེས་སྟོན་པས་བཀའ་སྩལ་པ། ཁྱོད་སྤྱན་སྔར་མཆི་ཤིག་ཅེས་བྱུང་ངོ་ཞེས་སྒོ་ཤིག །དགེ་སློང་དེས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས། ཚེ་དང་ལྡན་པ་བ་ལང་གནས་ག་ལ་བ་དེར་སོང་སྟེ་
D6.010.0035a07.01