完整藏文原文 · 德格版页 当前仅加载第 10 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་གདིང་བ་མེད་པར་འགྲོ་བར་མི་བྱའོ། །འགྲོ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གདིང་བ་མེད་པར་འགྲོ་བར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་དེང་ཉིད་ཕྱིར་ལྡོག་པའི་བསམ་
D6.010.0048b01.01པས་དེའི་ཉེན་ཀོར་གྱི་གཙུག་ལག་ཁང་གཞན་དུ་འགྲོ་བ་དང་། འཆག་ཏུ་འགྲོ་བ་དང་། གྲོང་གཞན་དུ་འགྲོ་བ་དེ་དག་ཏུ་ཡང་གདིང་བ་ཁྱེར་བ་ན་གནས་བརྟན་རྒན་པོ་རྒས་པ་ཉམ་ཆུང་བ་རྣམས་དང་། ནད་པ་སྦྱོར་མི་བཟོད་པ་རྣམས་ཉམ་ཐག་པར་གྱུར་ནས། བཅོམ་ལྡན་འདས་ཀྱིས་
D6.010.0048b02.01དེང་ཉིད་ཕྱིར་ལྡོག་པའི་བསམ་པས་འགྲོ་བ་དེར་ཡང་གདིང་བ་མེད་པར་འགྲོར་མ་གནང་ངོ་ཞེས་འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་ཉེན་ཀོར་དང་ཉིན་མོ་སྤྱོད་དུ་འགྲོ་བ་ལ་གདིང་བ་བཀུར་
D6.010.0048b03.01བར་མི་བྱའོ། །གྲོང་གཞན་དུ་འགྲོ་བ་ན་དེང་ཉིད་ཕྱིར་ལྡོག་པའི་བསམ་པས་འགྲོ་ན་དེར་ཀྱང་བཀུར་བར་མི་བྱའོ། །དགེ་སློང་གཞན་དག་གདིང་བ་མེད་པར་གྲོང་གཞན་དུ་དེ་ཉིད་ལྡོག་པའི་བསམ་པས་འགྲོ་བ་ན་དེ་རྣམས་ལ་བྱ་བའི་རྣམ་པ་དེ་ལྟ་བུ་དག་བྱུང་ནས་དེས་ནམ་སྲོས་པར་གྱུར་པ་དང་། དེ་དག་བསླབ་པ་ལ་གུས་
D6.010.0048b04.01པས་ནུབ་མོ་ཕྱིར་དོང་བ་ན་སེང་གེ་དང་། སྟག་དང་། ཆོམ་རྐུན་པ་དང་། གཡོན་ཅན་དག་གིས་བགྲོད་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟར་བསམས་ཏེ་དོང་བ་དག་དེར་ནམ་སྲོས་པར་གྱུར་ན་དེ་ཉིད་དུ་
D6.010.0048b05.01གནས་པར་བྱ་སྟེ། འདི་ལྟར་ཚངས་པ་མཚུངས་པར་སྤྱོད་པ་དག་ལས་གདིང་བ་བརྙས་ཏེ་ཉལ་བར་བྱའོ། །གལ་ཏེ་རྙེད་ན་དེ་ལྟ་ན་ལེགས། གལ་ཏེ་མ་རྙེད་ན་བླ་གོས་བཞི་ལྟབ་ཏུ་བྱས་ཏེ་བཏིང་ལ་ཡུན་ཐུང་དུ་ནི་ཉལ། ཡུན་རིང་དུ་ནི་མི་ཉལ་བར་མཚན་མོ་འདའ་བར་བྱའོ། །དགེ་སློང་གཞན་ཞིག་གིས་དགེ་སློང་ཞིག་
D6.010.0048b06.01ལས་གདིང་བ་བརྙས་པ་དང་། དེ་ལ་རྨི་ལམ་གྱི་གནོད་པ་བྱུང་ནས་དེས་མི་གཙང་བས་མ་རུང་བར་གྱུར་པ་དེ་བཞིན་དུ་དགེ་སློང་དེ་ལ་ཕྱིར་དབུལ་བར་བརྩམས་པ་དང་། དེས་མ་འདོད་པའི་སྐབས་དེ་ཞེས་བྱ་བ་ལ་སོགས་པ་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། བཀྲུས་ཏེ་སྦྱིན་པར་བྱའོ། །
D6.010.0048b07.01