完整藏文原文 · 德格版页 当前仅加载第 10 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
གདོན་པར་བྱའོ། །བཅོམ་ལྡན་འདས་ཀྱིས་གནས་བརྟན་གསུམ་པས་ཁ་ཏོན་གདོན་པར་བྱའོ་ཞེས་བཀའ་སྩལ་པ་དང་། རེ་ཞིག་ཅིག་ན་གཙུག་ལག་ཁང་གཞན་ཞིག་ན་གནས་བརྟན་གསུམ་པས་ཀྱང་མ་ནུས་ནས་སྐབས་དེ་དགེ་སློང་རྣམས་ཀྱིས་
D6.010.0202a01.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གནས་བརྟན་གསུམ་པས་ཀྱང་མ་ནུས་ན་དགེ་སློང་རྣམས་ཀྱིས་རེས་སུ་བཀླགས་ཏེ་ཁ་ཏོན་གདོན་པར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་རེས་སུ་
D6.010.0202a02.01བཀླགས་ཏེ་ཁ་ཏོན་གདོན་པར་བྱའོ་ཞེས་བཀའ་སྩལ་ནས། དགེ་སློང་རྣམས་རེས་སུ་བཀླགས་ཏེ་ཁ་ཏོན་གདོན་པར་བརྩམས་པ་དང་། རེས་སུ་བཀླགས་ཏེ་ཁ་ཏོན་གདོན་པ་དེ་དག་ལས་ཁ་ཅིག་ནི་ནུས་པ་ལ་རེས་བབ། ཁ་ཅིག་ནི་མི་ནུས་པ་ལ་རེས་བབ་
D6.010.0202a03.01ནས། དེ་ལ་ནུས་པ་གང་ཡིན་པ་དེས་ནི་རེས་བབ་པ་ན་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད། མི་ནུས་པ་གང་ཡིན་པ་དེ་ནི་རེས་བབ་པ་ན་མི་ཤེས་ན་ཇི་ལྟར་བྱ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་
D6.010.0202a04.01པ་དང་། བཅོམ་ལྡན་འདས་ཀྱིས་བཀའ་སྩལ་པ། དེས་ཀྱང་ནུས་པ་གང་ཡིན་པ་དེ་ལ་བཅོལ་བར་བྱའོ། །བཅོམ་ལྡན་འདས་ཀྱིས་མི་ནུས་པ་ལ་རེས་བབ་པ་གང་ཡིན་པ་དེས་ཀྱང་གཞན་ལ་བཅོལ་བར་བྱའོ་ཞེས་བཀའ་སྩལ་པ་དང་། རེ་ཞིག་ཅིག་
D6.010.0202a05.01ན་གཙུག་ལག་ཁང་གཞན་ཞིག་ན་མི་ནུས་པ་ལ་རེས་བབ་པ་དེས་གང་ལ་བཅོལ་བ་དེ་མ་བཏུབ་ནས་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ནུས་པ་གཞན་གང་ཡིན་པ་དེ་ཁོ་ན་ལ་
D6.010.0202a06.01རྟག་ཏུ་བཅོལ་བར་བྱའོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་གདོན་པར་བྱའོ། །དེ་མེད་ན་གནས་བརྟན་གཉིས་པས་སོ། །དེ་ཡང་མེད་ན་གསུམ་པས་སོ། །དེ་ཡང་མེད་ན་རེས་སུ་བཀླགས་
D6.010.0202a07.01