完整藏文原文 · 德格版页 当前仅加载第 10 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ནས་རྒྱལ་པོའི་མི་དག་ལ་དྲིས་པ། ཤེས་ལྡན་དག་རྒྱལ་པོ་ཤར་པའི་བུ་ཅི་གསོན་ནམ་འོན་ཏེ་ཤི། རྒྱལ་པོའི་མི་དག་གིས་སྨྲས་པ། རེ་ཞིག་རབ་ཏུ་བྱུང་བ་ཁྱོད་ལ་དྲིས། དེས་ཁྱོད་ལ་གནོད་པ་ཅི་ཞིག་བྱས། དེས་སྨྲས་པ། ཤེས་ལྡན་དག་དེས་ཁོ་མོའི་ཁྱོ་དང་བུ་ནི་
D6.010.0310a01.01འཚོ་བ་དང་ཕྲལ། བདག་གི་ནོར་རྫས་ཐམས་ཅད་ནི་ཕྲོགས་སོ་དེ་དག་གིས་སྨྲས་པ། རབ་ཏུ་བྱུང་བ་དེ་ནི་དུས་ལས་མ་འདས་ཏེ། དེ་རྒྱལ་པོའི་སྲས་མོ་ནོར་ལྷས་བྱིན་པ་ལ་གླང་པོ་ཆེའི་ཆོ་ག་སློབ་པོ་དེ་བཞིན་དུ་དེས་རྒྱལ་པོའི་སྒོ་བཞིར་རྒྱལ་པོའི་མི་དག་ལ་དྲིས་པ་དང་། དེ་དག་གིས་
D6.010.0310a02.01ཀྱང་དེ་བཞིན་དུ་ལན་བཏབ་པོ། །དེ་གཡོ་ཐབས་དེ་དང་དེས་ནང་དུ་ཆུད་པ་དང་། དེ་རྒྱལ་པོ་ཤར་པའི་བུ་མཐོང་ནས་ཕྱོགས་བཞིར་བལྟས་ཏེ་དལ་བུས་ལྷ་གསོན་ནམ་ཞེས་སྨྲས་པ་དང་དེ་ཡང་བག་ཚ་ཞིང་ཡིད་མི་དགའ་བཞིན་དུ་ཕྱོགས་བཞིར་བལྟས་ནས་སྲིང་མོ་གསོན་ནོ་ཞེས་སྨྲས་སོ། །
D6.010.0310a03.01དེས་དེ་མངོན་སུམ་བྱས་ནས་ཐབས་གཞན་ཞིག་གིས་ནོར་ལྷས་བྱིན་པ་མཐོང་ནས་སྨྲས་པ། བུ་མོ་ཁྱོད་སུ་ལས་གླང་པོ་ཆེའི་ཆོ་ག་སློབ་དེས་སྨྲས་པ། བགྲེས་མོ་མི་མཚན་ངན་པ་{བཅྭ་,བཅོ་}བརྒྱད་དང་ལྡན་པ་ཞིག་ཡོད་དེ་དེ་ལ་བར་ཡོལ་བས་བཅད་ནས་སློབ་བོ། །དེས་སྨྲས་པ། འདི་ན་མི་མཚན་
D6.010.0310a04.01ངན་པ་{བཅྭ་,བཅོ་}བརྒྱད་དང་ལྡན་པ་འགའ་ཡང་ག་ལ་ཡོད། གང་ཞིག་ཁྱོད་སློབ་པ་དེ་ནི་རྒྱལ་པོ་ཤར་པའི་བུ་ཡིན་ཏེ། གཟུགས་བཟང་བ་མཛེས་པ་བལྟ་ན་སྡུག་པ་མཚན་ཐམས་ཅད་ལེགས་པར་རྫོགས་པ་ཡིན་ན། ཁྱོད་ལ་སུ་ཞིག་གིས་དེ་སྐད་དུ་བསླུས། ཅི་སྟེ་ཁྱོད་ཡིད་མི་ཆེས་ན་ཡོལ་བ་ཕྱེ་ལ་ལྟོས་ཤིག་ཅེས་
D6.010.0310a05.01བྱས་པ་དང་། དེས་དེའི་གཟུགས་དང་ན་ཚོད་ཐོས་ནས་དད་དེ་ཡོལ་བ་ཕྱེ་བ་དང་མཐོང་ངོ་། །མཐོང་མ་ཐག་ཏུ་རླུང་གི་སྟོབས་ཀྱི་ཤུགས་ཀྱིས་བསྐྱོད་པ་བཞིན་དུ་འདོད་པས་གཡེམས་ནས་སྨྲས་པ། བགྲེས་མོ་ཁྱོད་ཇི་སྐད་གསུང་པ་གང་ལགས་པ་དེ་ནི་མད་ན་འོན་ཀྱང་གསོལ་བ་ཞིག་མཆིས་ཏེ། བདག་འདི་
D6.010.0310a06.01དང་ལྷན་ཅིག་མཇལ་བར་ཁྱོད་ཀྱིས་སྤྱོད་དམ། དེས་སྨྲས་པ། བུ་མོ་བདག་གིས་ཁྱོད་ཀྱི་དེ་ཁོ་ན་བཞིན་དུ་བསྒྲུབ་པར་བྱ་སྟེ། གར་བསྐོར་ཀྱང་སྐྱེས་བུ་འདི་ལྟ་བུ་དང་ཕྲད་པ་ཡང་དཀའ་ན་གང་ཁྱོད་ང་ལ་འདི་ལྟ་བུ་འཆོལ་བ་ལྟ་སྨོས་ཀྱང་ཅི་དགོས།། །།
D6.010.0310a07.01