完整藏文原文 · 德格版页 当前仅加载第 10 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསྐོར་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞལ་དུ་ནུབ་པོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་བཅོམ་ལྡན་འདས་ལ་ཞུས་པ། རྣམ་པ་སྣ་ཚོགས་ཚོན་ནི་སྟོང་དག་
D6.010.0015b01.01གིས། །བཀྲ་བའི་ཚོགས་དག་ཞལ་གྱི་ནང་ནས་བྱུང་། །ཉི་མ་ཤར་བར་གྱུར་པ་ཇི་ལྟ་བར། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཚིགས་སུ་བཅད་དེ་ཡང་གསོལ་པ། སངས་རྒྱས་རྒོད་བྲལ་ཞུམ་དང་རྒྱགས་པ་སྤངས། །རྒྱལ་བ་དགྲ་ཐུལ་འགྲོ་མཆོག་རྒྱུར་
D6.010.0015b02.01གྱུར་པ། །རྒྱུ་མ་མཆིས་པར་པད་མའི་རྩ་ལག་དང་། །དུང་ལྟར་དཀར་བའི་འཛུམ་པ་སྟོན་མི་མཛད། །དེ་ལྟས་ཉིད་ཀྱི་བརྟན་བློས་དུས་མཁྱེན་ནས། །རྒྱལ་དབང་ཉན་པོ་ཉན་པར་འཚལ་རྣམས་ཀྱི། །ཐེ་ཚོམ་སྐྱེས་པ་ཐུབ་པ་སྐྱེས་མཆོག་གི། །གསུང་མཆོག་བཟང་
D6.010.0015b03.01ཞིང་བརྟན་པས་བསལ་དུ་གསོལ། །རྫོགས་པའི་སངས་རྒྱས་རི་རབ་ལྟར་བརྟན་པ། །ཟུང་ཐུབ་རྣམས་ནི་གློ་བུར་འཛུམ་མི་སྟོན། །མགོན་པོ་ཅི་སླད་འཛུམ་པ་མཛད་པ་དེ། །སྐྱེ་བོའི་ཚོགས་འདི་ཉན་པར་ཡང་དག་འཚལ། །བཅོམ་ལྡན་འདས་ཀྱིས་བཀའ་སྩལ་པ། །
D6.010.0015b04.01ཀུན་དགའ་བོ་དེ་དེ་བཞིན་ནོ་དེ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་དུར་ཁྲོད་དུ་རྒྱུ་ཞིང་
D6.010.0015b05.01གཤེགས་པར་བཞེད་ཀྱིས་ཁྱེད་ལས་གང་ཞིག་དེ་བཞིན་གཤེགས་པ་དང་ལྷན་ཅིག་དུར་ཁྲོད་དུ་རྒྱུ་ཞིང་འགྲོ་བར་སྤྲོ་བ་དེ་ཆོས་གོས་དག་སོ་སོ་ནས་ལོང་ཤིག་ཅེས་བསྒོ་ཤིག །ཚེ་དང་ལྡན་པ་ཀུན་དགའ་བོས་བཙུན་པ་དེ་ལྟར་འཚལ་ལོ་ཞེས་བཅོམ་ལྡན་འདས་ཀྱི་ལྟར་མཉན་ནས།
D6.010.0015b06.01དགེ་སློང་དག་གང་ན་བ་དེར་སོང་སྟེ་ཕྱིན་ནས་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་དུར་ཁྲོད་དུ་རྒྱུ་ཞིང་གཤེགས་པར་བཞེད་ཀྱིས། ཁྱེད་ལས་གང་ཞིག་དེ་བཞིན་གཤེགས་པ་དང་ལྷན་ཅིག་དུར་ཁྲོད་དུ་རྒྱུ་ཞིང་འགྲོ་བར་སྤྲོ་བ་དེ་ཆོས་གོས་དག་སོ་སོ་ནས་ལོང་ཤིག་
D6.010.0015b07.01