完整藏文原文 · 德格版页 当前仅加载第 10 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
འཇུས་ན་བདག་གི་དབང་དུ་འགྱུར་རོ་སྙམ་ནས། དེས་དེའི་མགུལ་ནས་འཇུས་པ་དང་། བུད་མེད་ནི་རེག་པའི་དུག་ཡིན་པས་རེག་པ་ཙམ་གྱིས་ལོག་པར་སྤྱད་དོ། །དུས་རིང་ཞིག་འདུག་ནས་སྨྲས་པ། བཟང་མོ་འགྲོའོ། །དེས་བསམས་པ། འདི་དང་བདག་ལྷན་ཅིག་གསང་བ་བྱས་པ་གང་ཡིན་པ་
D6.010.0101b01.01དེ་དགེ་སློང་རྣམས་ཀྱིས་མི་ཤེས་པས་སྐྱེ་བོ་མང་པོས་ཤེས་པར་བྱའོ། །དེས་ན་དེ་དག་གིས་བསྐྲད་པས་སླར་འོང་བར་འགྱུར་རོ་སྙམ་དུ་བསམས་ནས། དེས་སྨྲས་པ། རྗེའི་སྲས་དེ་བཞིན་དུ་ཇི་ལྟར་བཞུད། ལམ་རྒྱགས་ཀྱི་ཟོང་ཀཱར་ཥཱ་པ་ཎ་དག་སྣོམས་ཤིག །དེས་སྨྲས་པ། བཟང་མོ་དགེ་སློང་
D6.010.0101b02.01རྣམས་དབྱིག་ལ་མི་རེག་ན་ཇི་ལྟར་བླང་། དེས་སྨྲས་པ། རྗེའི་སྲས་བདག་གིས་ཇི་ནས་ཀྱང་མི་རེག་པ་དེ་ལྟར་བགྱིས་སྣོམས་ཤིག་ཅེས་དེས་དབྱིག་ཐུམ་པོར་བཅུག་ནས་བཅིངས་ཏེ། འཁར་གསིལ་གྱི་རྩ་བ་ལ་བཏགས་སོ། །དྲེགས་པས་ལྡོངས་པ་དང་། སྲེད་པས་ལྡོངས་པ་རྣམས་ནི་མི་བྱེད་པ་ཅུང་ཟད་
D6.010.0101b03.01ཀྱང་མེད་པས་དེས་དེ་ཁྱེར་ཏེ་སོང་བ་དང་། རིམ་གྱིས་མཉན་ཡོད་དུ་ཕྱིན་ནོ། །དྲུག་སྡེ་རྣམས་ཀྱི་ཀུན་དུ་སྤྱོད་པ་ནི་དྲུག་སྡེ་གང་ཡང་རུང་བ་ཞིག་གིས་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་མི་སྟོང་པ་ཡིན་པས་ཚེ་དང་ལྡན་པ་ཉེ་དགའ་བོ་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས་དེ་ཐག་རིང་པོ་ནས་
D6.010.0101b04.01མཐོང་ན་སྐྲ་སྤྲ་བའི་མེ་ཏོག་ལྟ་བུ་སྨིན་མ་རབ་ཏུ་འཕྱང་བ་ཞིག་ནས། དེས་བསམས་པ། འདི་དགེ་སློང་གནས་བརྟན་ཞིག་འོང་གིས་བསུར་འགྲོའོ་ཞེས་དེ་བསུར་སོང་སྟེ། གནས་བརྟན་བྱོན་པ་ལེགས་སོ། །བྱོན་པ་ལེགས་སོ་ཞེས་བྱས་པ་དང་། དེ་སློབ་དཔོན་ཕྱག་འཚལ་ལོ་ཕྱག་འཚལ་ལོ་ཞེས་
D6.010.0101b05.01ཟེར་ནས་ཚེ་དང་ལྡན་པ་ཉེ་{དགའས་,དགས་}བསམས་པ། ཀྱེ་མ་འདི་ནི་རྒན་ཞུགས་ཞིག་སྟེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་སོ། །རེ་ཞིག་འདི་ག་ལས་འོངས་པ་དྲིའོ་སྙམ་དུ་བསམས་ནས་སྨྲས་པ། རྒན་ཞུགས་ཁྱོད་ག་ལས་འོངས། དེས་སྨྲས་པ། སློབ་དཔོན་བདག་སྔོན་གྱི་མཆིས་
D6.010.0101b06.01འབྲང་ཞིག་མཆིས་པ་ལྟར་མཆིས་ཏེ། བདག་དེ་ནས་མཆིས་སོ། །རྒན་ཞུགས་ལེགས་ཏེ་ཁྱོད་ནི་བྱས་པ་གཟོ་བ་ཞིག་གོ། །བྱས་པ་གཟོ་བ་ནི་མཁས་པ་རྣམས་ཀྱིས་བསྔགས་ཏེ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན། འདི་ལྟར་བསླབ་པར་བྱ་སྟེ། འདི་ལྟར་
D6.010.0101b07.01