完整藏文原文 · 德格版页 当前仅加载第 10 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟུལ་ཞུགས་གྲུབ་པ་བདག་ཉིད་ཆེན་པོར་གྱུར་ཏེ། གལ་ཏེ་ཁྱོད་ཀྱིས་གནང་ན་བདག་གིས་ཟླ་བ་གསུམ་དུ་བསོད་སྙོམས་ལ་སྤྱན་དྲང་ངོ་། །དེས་སྨྲས་པ། བཟང་མོ་གལ་ཏེ་འདི་རབ་ཏུ་བྱུང་བར་མ་གྱུར་ན་བདག་ཅག་གིས་མི་འདོད་བཞིན་གསོ་དགོས་པར་འགྱུར་ན། ད་རབ་ཏུ་བྱུང་སྟེ་བརྟུལ་ཞུགས་གྲུབ་པ་
D6.010.0079b01.01བདག་ཉིད་ཆེན་པོར་གྱུར་ན་ལྟ་སྨོས་ཀྱང་ཅི་དགོས། སོང་ལ་སྤྱན་དྲོངས་ཤིག །དེས་དེ་ཟླ་བ་གསུམ་དུ་བསོད་སྙོམས་ལ་སྤྱན་དྲངས་སོ། །བྲམ་ཟེ་དེའི་ཆུང་མ་གཉིས་པ་གཞན་ཞིག་ཡོད་པ་དེས་བསམས་པ། བདག་ཅག་ལོངས་སྤྱོད་ཐུན་མོང་ལས་འདི་ནི་བསོད་ནམས་འདི་ལྟ་བུ་བྱེད་ན་བདག་གི་ཅིའི་
D6.010.0079b02.01ཕྱིར་མི་བྱ་སྙམ་དུ་རིག་ནས་དེ་ལ་སྨྲས་པ། ཕུ་ནུ་མོ་ཁྱོད་ཀྱི་དྲལ་གང་ལགས་པ་དེ་བདག་གི་མིང་པོ་ཡང་དེ་ཁོ་ན་ལགས་པས་ཁྱོད་ཀྱི་གདུགས་གཅིག་བཤོས་གསོལ་ལ། བདག་གིས་ཀྱང་གདུགས་གཅིག་བཤོས་གསོལ་བར་བགྱིའོ། །དེས་སྨྲས་པ། ལེགས་ཏེ། དེ་བཞིན་བགྱིའོ། །རང་སངས་
D6.010.0079b03.01རྒྱས་ཀྱི་སྲིང་མོ་དེ་དེའི་སེམས་བསྲུང་བའི་ཕྱིར་ཟས་བསོད་པ་རེག་བྱ་ཕུན་སུམ་ཚོགས་པ་ཟས་དམན་པས་གཡོགས་ཏེ་དེ་ལ་བསྟན་ནས་ཕུ་ནུ་མོ་ཁྱོད་རྗེས་སུ་ཡི་རང་བར་བྱོས་ཤིག །བདག་གི་མིང་པོ་ལ་ཞལ་ཟས་འདི་ལྟ་བུ་གསོལ་ལོ། །དེས་སྨྲས་པ། ལེགས་སོ། །རྗེས་སུ་ཡི་རང་ངོ་། །དེ་ཡང་དེའི་
D6.010.0079b04.01སེམས་བསྲུང་བའི་ཕྱིར་ཟས་དམན་པ་བསོད་པ་དག་གིས་གཡོགས་ཏེ་དེ་ལ་བསྟན་ནས། ཕུ་ནུ་མོ་ཁྱོད་ཀྱང་རྗེས་སུ་ཡི་རང་བགྱིས་ཤིག །བདག་ཀྱང་དྲལ་ལ་ཞལ་ཟས་བསོད་པ་ཁ་དོག་ཕུན་སུམ་ཚོགས་པ་འདི་ལྟ་བུ་གསོལ་ལོ། །དགེ་སློང་དག་ཇི་སྙམ་དུ་སེམས། རང་སངས་རྒྱས་ཀྱི་སྲིང་མོ་གང་
D6.010.0079b05.01ཡིན་པ་དེས་རང་སངས་རྒྱས་ལ་རེག་བྱ་ཕུན་སུམ་ཚོགས་པ་ཟས་དམན་པས་བཀབ་སྟེ་འབུལ་བ་གང་ཡིན་པ་དེ་ནི་ལྷ་མོ་ཕྲེང་ལྡན་མ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་གང་རང་སངས་རྒྱས་ལ་རེག་བྱ་ཕུན་སུམ་ཚོགས་པ་ཟས་དམན་པས་བཀབ་སྟེ། ཕུལ་བའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་
D6.010.0079b06.01རེག་བྱ་དང་ལྡན་པར་གྱུར་ཏེ། དའི་བར་དུ་ཡང་རེག་བྱ་དང་ལྡན་པ་རྣམས་ཀྱི་མཆོག་ཏུ་གྱུར་ཏོ། །ཅིག་ཤོས་གང་ཡིན་པ་དེས་རང་སངས་རྒྱས་ལ་ཟས་དམན་པ་ཁ་དོག་ཕུན་སུམ་ཚོགས་པས་བཀབ་སྟེ་ཕུལ་བ་གང་ཡིན་པ་དེ་ནི་རྒྱལ་རིགས་དབྱར་ཚུལ་མ་འདི་ཉིད་ཡིན་ཏེ། དེའི་ཚེ་དེའི་དུས་ན་གང་འདིས་རང་སངས་
D6.010.0079b07.01