德格《甘珠尔》D6

པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ཏེ། ཇི་ལྟར་བདག་གི་མཁན་པོ་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཐོས་པ་འཛིན་པའི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་

ལྡན་འདས་ཤཱཀྱ་ཐུབ་པ། ཤཱཀྱའི་རྒྱལ་པོའི་གཙོ་བོ་དེས་ཐོས་པ་འཛིན་པའི་མཆོག་ཏུ་བསྟན་པར་གྱུར་ཅིག་ཅེས་སྨོན་ལམ་བཏབ་བོ། །དེའི་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཐོས་པ་འཛིན་པའི་མཆོག་ཏུ་བསྟན་པ་ཡིན་ནོ། །དེ་ལྟ་བས་ན་དགེ་སློང་དག་

ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག །གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་ཞེས་བྱ་བ་ནས། བརྩལ་བར་བྱ་སྟེ། དགེ་སློང་དག་གིས་དེ་ལྟར་བསླབ་པར་བྱའོ་ཞེས་བྱ་བའི་བར་སྔ་མ་བཞིན་ནོ། །སངས་

རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་གཞོན་ནུ་ཞིག་དགེ་སློང་ཞིག་དང་ལྷན་ཅིག་ལྗོངས་རྒྱུ་ཞིང་མཉན་ཡོད་དུ་ཕྱིན་ནས་དགེ་སློང་དེ་ནི་{རི་དགས་,རི་དྭགས་}འཛིན་གྱི་མའི་ཁང་{བཟངས་,བཟང་}

སུ་སོང་། གཞོན་ནུ་དེ་ཡང་རྒྱལ་བྱེད་ཀྱི་ཚལ་དུ་སོང་སྟེ། དེས་དགེ་སློང་ཞིག་ལ་གནས་བཅས་ནས་དེ་དེའི་ཐད་ན་ཅུང་ཟད་ཅིག་འདུག་ནས་སྨྲས་པ། བདག་གིས་འཕགས་པ་གཙུག་ལག་ཁང་ཆེ་གེ་མོ་ཞིག་ཏུ་ལྷུང་བཟེད་དང་ཆོས་གོས་བཞག་སྟེ་མཆིས་ལ་དེ་བླངས་ནས་

སླར་མཆིའོ། །དེས་སྨྲས་པ། བུ་སོང་ལ་མྱུར་དུ་ཤོག་ཤིག །དེས་སྨྲས་པ། སློབ་དཔོན་བདག་དེ་ན་ཅི་ཞིག་བགྱིད་དེ། བདག་མྱུར་དུ་མཆིས་པར་བགྱིའོ་ཞེས་རྐང་པ་ལ་ཕྱག་བྱས་ཏེ་སོང་ནས་རིམ་གྱིས་གཙུག་ལག་ཁང་དེར་ཕྱིན་ནོ། །ཇི་ཙམ་ན་དགེ་འདུན་དག་གིས་གཙུག་ལག་

ཁང་དེར་གནས་མེད་པར་ནུབ་གཅིག་ཀྱང་མི་གནས་པར་ཁྲིམས་སུ་བྱ་བ་བཅས་སོ། །དེས་ཁྲིམས་བཞིན་དུ་དགེ་སློང་ཞིག་ལ་གནས་བཅས་ནས་དེ་ནུབ་མོ་ཉལ་ལོ། །ནམ་ནངས་ནས་བསམས་པ། བདག་སོང་ལ་སློབ་དཔོན་དེ་བལྟའོ་སྙམ་ནས་དེའི་གནས་ཁང་དུ་སོང་སྟེ། སྒོ་ལ་