完整藏文原文 · 德格版页 当前仅加载第 10 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་མི་དགར་མ་བྱེད་པར་སོང་ཤིག་དང་། ཁྱོད་བྲན་མོར་མི་འགྱུར་གྱི་ཁྱོད་རྒྱལ་པོའི་བཙུན་མོར་འགྱུར་རོ། །དེ་གནས་དེ་ནས་སྐྱེད་མོས་ཚལ་དུ་སོང་བ་དང་། ཡུལ་ཀོ་ས་ལའི་རྒྱལ་པོ་གསལ་རྒྱལ་{རི་དགས་,རི་དྭགས་}ཤོར་དུ་ཆས་པ་རྟས་ཁ་ཁྱེར་ཏེ། གཅིག་པུ་སེར་སྐྱའི་གནས་སུ་
D6.010.0076a01.01ཕྱིན་ཏོ། །དེ་ཕན་ཚུན་འཁྱམ་པ་ལས་མིང་ཆེན་གྱི་ཀུན་དགའ་ར་བར་སོང་ནས། དེས་བུ་མོ་དེ་ལ་དྲིས་པ། བུ་མོ་འདི་སུའི་ཀུན་དགའ་ར་བ་ཡིན། དེས་སྨྲས་པ། ལྷ་ཤཱཀྱ་མིང་ཆེན་གྱི་ལགས་སོ། །དེ་རྟ་ལས་བབས་ཏེ་སྨྲས་པ། བུ་མོ་རྐང་པ་བཀྲུས་ཆུ་ལོང་ཤིག །དེ་ཤིན་དུ་མྱུར་
D6.010.0076a02.01བར་རྫིང་བུར་སོང་སྟེ་ཉི་མའི་འོད་ཟེར་གྱིས་བསྲོས་པའི་ཆུ་བླངས་པ་དང་། དེས་རྐང་པ་བཀྲུས་ནས་ཡུད་ཙམ་ཞིག་བསྡད་དེ་སྨྲས་པ། བུ་མོ་གདོང་བཀྲུས་ཆུ་ལོང་ཤིག །དེས་ཆུའི་སྟེང་རིམ་ལག་པས་བསལ་ཏེ། ཆུ་ཧ་ཅང་དྲོ་བ་ཡང་མ་ཡིན་ཧ་ཅང་གྲང་བ་ཡང་མ་ཡིན་པ་བླངས་ནས་དེས་གདོང་
D6.010.0076a03.01བཀྲུས་སོ། །དེས་ཡང་སྨྲས་པ། བུ་མོ་བཏུང་དགོས་ཀྱིས་ཆུ་ལོང་ཤིག །དེས་ཆུ་རྣམ་པར་གློངས་ཏེ་ཆུ་བསིལ་བའི་ལོ་མའི་སྣོད་དུ་བླངས་པ་རྒྱལ་པོས་འཐུངས་ནས་སྨྲས་པ། བུ་མོ་ཀུན་དགའ་ར་བ་འདི་ན་རྫིང་བུ་གསུམ་ཡོད་དམ་ཅི་ན། ཁྱོད་ཀྱིས་ཆུ་རྣམ་པ་གསུམ་ཁྱེར་ཏེ་འོངས། དེས་
D6.010.0076a04.01སྨྲས་པ། ལྷ་འདི་ན་རྫིང་བུ་གཅིག་ཁོ་ན་མཆིས་ཀྱི། གསུམ་ནི་མ་མཆིས་སོ། །དེས་སྨྲས་པ། འོ་ན་ཁྱོད་ཀྱིས་ཆུ་རྣམ་པ་གསུམ་ག་ལས་ཁྱེར་ཏེ་འོངས། དེས་ཇི་ལྟར་གྱུར་པ་བརྗོད་པ་དང་། རྒྱལ་པོས་སྨྲས་པ། དེས་ནི་གོ་འོ་འདི་དྲི་བར་བྱ་སྟེ། ཅིའི་ཕྱིར་ཁྱོད་ཀྱི་ཆུ་རྣམ་པ་གསུམ་
D6.010.0076a05.01ཁྱེར་ཏེ་འོངས། དེས་སྨྲས་པ། ལྷ་བདག་གིས་དང་པོར་ཆབ་དྲོན་པོ་འཚལ་ཏེ་མཆིས་པ་ནི་ལྷ་མཉེལ་བསོས་པར་བགྱི་བའི་སླད་དུའོ། །སླད་ཀྱིས་ཧ་ཅང་དྲོ་བ་ཡང་མ་ལགས། ཧ་ཅང་གྲང་བ་ཡང་མ་ལགས་པ་འཚལ་ཏེ་མཆིས་པ་ནི་དྲོ་བ་དང་གྲང་བ་གང་ལགས་པ་དག་སྤྱན་ལ་གནོད་པའི་སླད་དུའོ། །
D6.010.0076a06.01རྣམ་པར་གློངས་ནས་ཤིན་ཏུ་བསིལ་བ་འཚལ་ཏེ་མཆིས་པ་ནི་ལྷ་སྐྱེམས་པ་དང་བྲལ་བར་བགྱི་བའི་སླད་དུའོ། །དེས་བསམས་པ། བུ་མོ་འདི་ནི་མཁས་པ་ཡིན་ནོ་སྙམ་དུ་རིག་ནས་སྨྲས་པ། བུ་མོ་མཛངས་ཤིང་མཁས་པ་ཁྱོད་རྐང་པ་མཉེ་དགོས་ཀྱིས་རེ་ཞིག་མལ་ཆོས་ཤིག །དེས་དེའི་རྐང་པ་
D6.010.0076a07.01