完整藏文原文 · 德格版页 当前仅加载第 10 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བྱིན་ཏམ། ཁྱིམ་བདག་བྱིན་ནོ། །དེ་ག་རེ་རྐུན་པོ་དག་གིས་ཕྲོགས་སོ། །ཆེན་པོ་ལ་འོས་པའི་ནོར་བུ་དེ་ལྟ་བུ་ཡང་ཁྱོད་ཀྱིས་རྐུན་པོ་ལ་བཀུར་བ་ལྟ། ཀྱེ་མ་ཁྱོད་ཀྱིས་ཕྱོགས་དབེན་པ་ཞིག་ཏུ་བཞག་མོད། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་
D6.010.0186b01.01ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེ་དེ་ལྟ་བུ་དག་མ་བྱིན་པ་ལེན་པ་རྣམས་ལ་བསྟན་པར་མི་བྱའི། འོན་ཀྱང་མེ་ཕྱུང་ལ་གཏད་པར་བྱའོ། །མེ་ཤེལ་ཇི་ལྟ་བར་ཆུ་ཤེལ་ཡང་དེ་དང་འདྲའོ། །སངས་རྒྱས་བཅོམ་ལྡན་འདས་
D6.010.0186b02.01མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་བཙོ་བླག་མཁན་ལ་ཆོས་གོས་དག་འཁྲུར་འཇུག་གོ། །ཇི་ཙམ་དུས་གཞན་ཞིག་ན་མཉན་ཡོད་དུ་དུས་སྟོན་བྱུང་སྟེ། མཉན་ཡོད་ཀྱི་བྲམ་ཟེ་དང་། ཁྱིམ་བདག་
D6.010.0186b03.01རྣམས་ཀྱི་གོས་ཚོན་སྣ་ཚོགས་ཅན་དག་བཙོ་བླག་མཁན་ལ་འཁྲུར་བཅུག་གོ། །ཉེ་དགའ་ཡང་ཉི་མ་ནུབ་ཀར་ཆོས་གོས་ངུར་སྨྲིག་གཅིག་ཁྱེར་ཏེ་བཙོ་བླག་མཁན་གྱི་དྲུང་དུ་སོང་ནས། བཞིན་{བཟངས་,བཟང་}ཆོས་གོས་འདི་ཁྲུས་ཤིག་ཅེས་བྱས་སོ། །དེས་སྨྲས་པ། འཕགས་པ་དེང་
D6.010.0186b04.01འཇིག་རྟེན་པའི་གོས་མང་ཞིག་འཚལ་ཏེ་མཆིས་ཀྱིས་བཞུད་ཅིག་སང་བཀྲུ་བར་བགྱིའོ། །དེ་ཁྲོས་ནས་བསྡིགས་པར་བརྩམས་པ་དང་། དེས་སྨྲས་པ། འཕགས་པ་བསྡིགས་སུ་ཅི་མཆིས། གལ་ཏེ་མི་བཟོད་ན་ཞོག་ལ་བཞུད་ཅིག་སད་བཀྲུ་མོད་དེས་བཞག་སྟེ་སོང་བ་དང་།
D6.010.0186b05.01དེའི་ཏུག་རིད་ཀྱིས་བཙོ་བླག་མཁན་སེམས་གཡེངས་པར་གྱུར་ནས་དེས་ཆོས་གོས་དེ་བུལ་ཏོག་གི་ནང་དུ་སྦངས་ནས་གོས་ཚོན་སྣ་ཚོགས་ཅན་རྣམས་ཀྱི་ནང་དུ་བཞག་པ་དང་། དེར་ཞག་ལོན་ནས་གོས་ཚོན་སྣ་ཚོགས་ཅན་རྣམས་ཀྱིས་ཐམས་ཅད་ཁྲ་བོར་བྱས་སོ། །བཙོ་བླག་
D6.010.0186b06.01མཁན་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང་། སྐྱེ་བོའི་ཚོགས་མ་དད་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། བྲམ་ཟེ་དང་ཁྱིམ་བདག་དག་མ་དད་པར་གྱུར་པ་ཐོག་ཏུ་
D6.010.0186b07.01