完整藏文原文 · 德格版页 当前仅加载第 10 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བྱས་པ་ལྟ། གལ་ཏེ་རྒྱལ་པོའི་གླང་པོ་ཆེ་དམ་པ་ཡན་ལག་མཆོག་ཅན་འདི་ལྟ་བུ་དག་ནགས་ཀྱི་ནང་དུ་ཤོར་བར་གྱུར་ན། ཁྱེད་ཀྱིས་རྒྱལ་པོ་ལ་དགུ་བྱས་པར་མ་གྱུར་ཏམ། དེ་དག་འཛུམ་དམུལ་ནས་ཅང་མི་ཟེར་བར་འདུག་པའི་སྐབས་དེ་དགེ་སློང་རྣམས་
D6.010.0264a01.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་སེང་གེའི་པགས་པའི་ལྷམ་གྱོན་པ་ལས་གྱུར་གྱིས། དེའི་ཕྱིར་དགེ་སློང་གིས་སེང་གེའི་པགས་པའི་ལྷམ་བཅང་བར་མི་བྱའོ་སྙམ་དུ་
D6.010.0264a02.01དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་དགེ་སློང་གིས་སེང་གེའི་པགས་པའི་ལྷམ་བཅང་བར་མི་བྱ་སྟེ། དགེ་སློང་སེང་གེའི་པགས་པའི་ལྷམ་འཆང་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སེང་གེའི་
D6.010.0264a03.01པགས་པའི་ལྷམ་བཅང་བར་མི་བྱའོ་ཞེས་བཀའ་སྩལ་པ་དང་། དྲུག་སྡེ་རྣམས་ཀྱིས་སྟག་ལྤགས་ཀྱི་ལྷམ་བཅང་བར་བརྩམས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སེན་མོ་
D6.010.0264a04.01དང་། མཆེ་བའི་སྟོབས་ཅན་ལྔ་པོ་གླང་པོ་ཅང་ཤེས་དང་། རྟ་ཅང་ཤེས་དང་། སེང་གེ་དང་། སྟག་དང་། གུང་གི་པགས་པའི་ལྷམ་བཅང་བར་མི་བྱའོ། བཅོམ་ལྡན་འདས་ཀྱིས་སེན་མོ་དང་མཆེ་བའི་སྟོབས་ཅན་ལྔའི་པགས་པའི་ལྷམ་བཅང་བར་མི་བྱའོ་ཞེས་བཀའ་སྩལ་
D6.010.0264a05.01པ་དང་། ཚེ་དང་ལྡན་པ་ཉེ་བ་འཁོར་གྱིས་བཅོམ་ལྡན་འདས་ལ་ཞུས་པ་བཙུན་པ་སེན་མོ་དང་མཆེ་བའི་སྟོབས་ཅན་གཞན་དག་ཀྱང་མཆིས་ན། ཅི་ལགས་དེ་དག་གི་པགས་པའི་ལྷམ་ཡང་བཅང་བར་མི་བགྱི་ལགས་སམ། ཉེ་བ་འཁོར་དེ་དག་གི་པགས་པའི་ལྷམ་ཡང་བཅང་བར་མི་
D6.010.0264a06.01བྱ་སྟེ། འཆང་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་དགེ་སློང་ཞིག་གཞང་འབྲུམ་གྱི་ནད་ཀྱིས་ཐེབས་པ་དེ་སྨན་པའི་དྲུང་དུ་སོང་ནས་བཞིན་{བཟངས་,བཟང་}བདག་གཞང་འབྲུམ་གྱིས་ཐེབས་ན་སྨན་སྟོན་ཅིག་དེས་སྨྲས་པ། འཕགས་པ་དོམ་ལྤགས་
D6.010.0264a07.01