完整藏文原文 · 德格版页 当前仅加载第 10 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
བས་གྱེན་ཏུ་བལྟ་བར་བརྩམས་པ་དང་། ཇི་ཙམ་ན་སྤྲེའུ་མཐོང་ནས་དེ་ཁྲོས་པས་གཞུ་རྣ་དྲུང་དུ་བཀང་སྟེ་དུག་མདའ་གཅིག་དེའི་གནད་དུ་བསྣུན་པ་དང་། ས་ལ་ལྷུང་ནས་དུས་ལས་འདས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་
D6.010.0221a01.01གང་ཡིན་པ་དེ་ནི་དགེ་སློང་དགའ་བོ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་སྤྲེའུ་གང་ཡིན་པ་དེ་ནི་བྲམ་ཟེ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་རྔོན་པ་གང་ཡིན་པ་དེ་ནི་ཉེ་དགའ་འདི་ཉིད་ཡིན་ཏེ། དེའི་ཚེ་ཡང་འདི་དགའ་བོས་ནི་བསྲུངས་ལ། ཉེ་{དགའས་,དགས་}ནི་ཡོངས་སུ་བཏང་ངོ་། །ད་ལྟར་
D6.010.0221a02.01ཡང་དགའ་བོས་ནི་བསྲུངས་ལ། ཉེ་{དགའས་,དགས་}ནི་ཡོངས་སུ་བཏང་ངོ་།། །།སྡོམ་ནི། །རིགས་ངན་དང་ནི་འཆར་ཀར་བཅས། །སྣམ་སྦྱར་དང་ནི་བརྙས་པ་དང་། །མཚམས་{བཟངས་,བཟང་}དང་ནི་བཟང་སྦྱིན་དང་། །བདག་གིར་འདུ་ཤེས་ལྷུང་བཟེད་བླངས། །མ་ཕམ་པ་དང་ཟླ་
D6.010.0221a03.01སྲུངས་ཀྱི། །རང་གི་བཅོས་བུའི་རས་བརྐུས་པའོ། །སྡོམ་གྱི་ཚིགས་སུ་བཅད་པ་འདི་ནི་ཕས་ཕམ་པ་གཉིས་པ་ལས་ཇི་སྐད་འབྱུང་བ་དེ་བཞིན་དུ་རྒྱས་པར་སྦྱར་བར་བྱ་སྟེ། ཁྱད་པར་ཅུང་ཟད་ཀྱང་མེད་དོ།། །།སྡོམ་ནི། ཕག་དང་བུ་རམ་ཤིང་དང་ནི། །ཏ་ལ་ཆོས་གོས་གནག་
D6.010.0221a04.01དགའ་བོ། །སྤྲ་ཚིལ་གྱིས་ནི་བྱུགས་པའི་སྣོད། །མཆིང་བུའི་ཕོར་བ་སྦོམ་དགའ་མོའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མུ་གེའི་དུས་ལ་བབ་ནས་མ་བྱིན་པར་ལེན་པ་རྣམས་
D6.010.0221a05.01ཀྱིས་ཕག་དག་ཅིག་བརྐུས་ཏེ་ཚལ་སྟུག་པོའི་ནང་དུ་དོང་སྟེ་དེར་དེ་དག་གིས་དེ་བསད་དོ། །བསད་ནས་ཤ་བཟང་པོ་རྣམས་ཟོས་ཏེ། མགོ་དང་། རུས་ཐོགས་དང་། སུག་པ་རྣམས་བོར་རོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི་ནང་པར་སྔར་ལངས་ནས་ཁང་པའི་སྟེང་དུ་འཛེགས་ཏེ་
D6.010.0221a06.01ཕྱོགས་བཞིར་ལྟ་ཞིང་དེ་དག་གིས་གང་ན་དུད་པ་འཐུལ་བ་དང་། བྱ་རྒོད་ལྡིང་བ་དག་མཐོང་བ་དེར་ཐམས་ཅད་འདུས་ཏེ་འདོང་བས་ནང་པར་སྔར་ལངས་ནས་ཁང་པའི་སྟེང་དུ་འཛེགས་ཏེ་ཕྱོགས་བཞིར་བལྟ་བར་བརྩམས་པ་དང་། ཇི་ཙམ་ན་ཚལ་སྟུག་པོའི་ནང་ན་དུད་པ་དང་བྱ་རྒོད་ལྡིང་
D6.010.0221a07.01