完整藏文原文 · 德格版页 当前仅加载第 10 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་པ་དང་། ཡོངས་སུ་དག་པ་བླངས་སོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་དུ་སོང་བ་ལས་འདུན་པ་དང་། ཡོངས་སུ་དག་པ་བླང་བར་མི་བྱའོ། །
D6.010.0256a01.01བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་པས་དད་པ་དང་། ཡོངས་སུ་དག་པ་དབུལ་བར་མི་བྱ། མཚམས་ཀྱི་ཕྱི་རོལ་དུ་སོང་བ་ལས་དད་པ་དང་། ཡོངས་སུ་དག་པ་བླང་བར་ཡང་མི་བྱའོ་ཞེས་བཀའ་སྩལ་པ་དང་། དྲུག་སྡེ་དག་མཚམས་ཀྱི་ཕྱི་རོལ་ན་གནས་བཞིན་དུ་གཅིག་
D6.010.0256a02.01ལ་གཅིག་དད་པ་སྦྱིན་པར་བྱེད་དེ། དགའ་བོས་ནི་ཉེ་དགའ་ལ། ཉེ་{དགའས་,དགས་}ཀྱང་དགའ་བོ་ལ། འདུན་པས་ནི་འཆར་ཀ་ལ། འཆར་ཀས་ཀྱང་འདུན་པ་ལ། འགྲོ་མགྱོགས་ཀྱིས་ནི་ནབ་སོ་ལ། ནབ་སོས་ཀྱང་འགྲོ་མགྱོགས་ལ་དད་པ་བྱིན་པའི་སྐབས་དེ་དགེ་སློང་དག་གིས་བཅོམ་
D6.010.0256a03.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཅིག་ལ་གཅིག་གསོ་སྦྱོང་གི་དད་པ་དང་། ཡོངས་སུ་དག་པ་སྦྱིན་པར་མི་བྱའོ། །དགེ་སློང་གིས་གཅིག་ལ་གཅིག་གསོ་སྦྱོང་གི་དད་པ་དང་། ཡོངས་སུ་དག་པ་སྦྱིན་ན་འགལ་ཚབས་ཅན་
D6.010.0256a04.01དུ་འགྱུར་རོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་དབྱར་གནས་པར་ཁས་བླངས་པའི་དགེ་སློང་གིས་གནས་གསུམ་པོ་མཐོང་བ་དང་། ཐོས་པ་དང་། དོགས་པས་དགག་དབྱེ་བྱའོ་ཞེས་བཀའ་སྩལ་པ་དང་། དྲུག་སྡེ་དག་མཚམས་ཀྱི་ཕྱི་རོལ་ན་གནས་ཤིང་དགག་
D6.010.0256a05.01དབྱེའི་དད་པ་དང་། ཡོངས་སུ་དག་པ་འབུལ་བ་རྒྱས་པར་ཐམས་ཅད་གསོ་སྦྱོང་བཞིན་ནོ།། །།སྡོམ་ནི། དགེ་སློང་བགྲང་བར་བྱ་བ་དང་། །ཚུལ་ཤིང་དག་དང་གང་འདོད་དང་། །སྟན་གཅིག་ཁྱིམ་ན་གནས་པ་དང་། །དགེ་ཚུལ་གསར་བུ་མི་འདུག་པའོ། །སངས་རྒྱས་བཅོམ་ལྡན་
D6.010.0256a06.01འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེ་བྱ་བ་ཅུང་ཟད་ཅིག་ལ་ཕྱིར་བྱུང་ནས་རྒྱལ་བྱེད་ཀྱི་ཚལ་དུ་སོང་བ་དང་། དེ་རེ་ཞིག་འདི་ན་དགེ་སློང་དུ་ཞིག་གནས་དྲིའོ་སྙམ་པའི་འདོད་པ་
D6.010.0256a07.01