完整藏文原文 · 德格版页 当前仅加载第 10 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་པས་སྨྲས་པ། འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་གནང་བར་འགྱུར་རོ། །དེས་སྐབས་དེ་དགེ་སློང་རྣམས་ལ་བསྙད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་
D6.010.0158b01.01ན་གནང་གིས་དགེ་སློང་ནད་པས་སྨན་པའི་ལུང་གིས་སྨན་མས་གཏང་བར་བྱའོ། །གླེང་གཞི་ནི་མཉན་ཡོད་ནའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་གཙུག་ལག་ཁང་ལྔ་རྩེག་ཏུ་བྱེད་ན་དྲི་གཙང་ཁང་ནི་བདུན་རྩེག །སྒོ་ཁང་སྟེང་གི་བསིལ་ཁང་ཡང་
D6.010.0158b02.01བདུན་རྩེག་ཏུ་བྱའོ། །དགེ་སློང་རྣམས་ཀྱིས་གཙུག་ལག་ཁང་སུམ་རྩེག་ཏུ་བྱེད་ན་དྲི་གཙང་ཁང་ནི་ལྔ་རྩེག །སྒོ་ཁང་སྟེང་གི་བསིལ་ཁང་ཡང་ལྔ་རྩེག་ཏུ་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཕྱོགས་གང་ནས་འཛེག་མི་ཤེས་ནས་བཅོམ་ལྡན་འདས་ཀྱིས་
D6.010.0158b03.01བཀའ་སྩལ་པ། ཐེམ་སྐས་རྣམ་པ་གསུམ་པ་ཤིང་གི་ཐེམ་སྐས་དང་སའི་ཐེམ་སྐས་དང་། རྡོའི་ཐེམ་སྐས་དག་བྱའོ། །དགེ་སློང་དག་སྟེང་དུ་ནི་རྡོའི་བར་དུ་ནི་སའི་ཐ་མར་ནི་ཤིང་གི་བཙུགས་ནས་འཛེགས་པ་དང་། །བཅོམ་ལྡན་འདས་ཀྱིས་བཀའ་སྩལ་པ། ཐ་མར་ནི་
D6.010.0158b04.01རྡོའི། བར་དུ་ནི་སའི་སྟེང་དུ་ནི་ཤིང་གི་གཟུགས་པར་བྱའོ། །ཕྲན་ཚེགས་ཀྱི་གཞི་ལས་སྒོ་གཉིས་པའོ།། །།བསྡུས་པའི་སྡོམ་ནི། ཆོས་གོས་གདང་དང་ནང་དང་བསྐྲད། །ཁང་{བཟངས་,བཟང་}ལན་ཚྭ་སྦུ་བུ་དང་། །གདོང་ཕྱིས་དང་ནི་ཕྱི་བ་དང་། །མཁར་ལེན་
D6.010.0158b05.01སྟན་དང་སྤུ་གྲིའོ། །སྡོམ་ནི། ཆོས་གོས་ཚད་ཀྱི་ཤིང་དང་ནི། །གླེགས་བུ་དག་དང་རྡུལ་ཕྱགས་དང་། །ས་དྲུད་པ་ནི་ཉིད་དག་དང་། །མཆིག་ནི་མཆིག་གུར་བཅས་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་
D6.010.0158b06.01སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དྲས་པའི་ཆོས་གོས་གསུམ་དགེ་སློང་དག་གིས་བཅང་བར་བྱའོ་ཞེས་གསུངས་པ་དང་། དགེ་སློང་དག་གིས་ཆོས་གོས་དྲ་བར་བརྩམས་ཏེ། དེ་དག་གིས་གླེགས་བུ་དང་། གླེགས་བུ་ཕྱེད་དག་མི་
D6.010.0158b07.01