完整藏文原文 · 德格版页 当前仅加载第 10 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཞིག་ན་རྒྱལ་པོ་པད་མའི་སྙིང་པོ་ཅན་ཁང་{བཟངས་ཀྱི་,བཟང་གི་}ཐོག་ཏུ་སོང་སྟེ་བློན་པོའི་ཚོགས་ཀྱིས་བསྐོར་ཅིང་འདུག་པ་དེས་བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་གཞན་གང་གི་ཡུལ་ན་ཡང་འདི་ལྟར་ཆར་དུས་བཞིན་དུ་འབབ་ཅིང་ཤིང་ལས་མེ་ཏོག་
D6.010.0291a01.01དང་འབྲས་བུ་རྟག་ཏུ་འཆགས་པ་དང་། ས་ལ་ལོ་ལེགས་ཤིང་སློང་མོ་བས་ཀྱང་ཟས་རྟག་ཏུ་རྙེད་སླ་བ་ཡོད་དམ། དེ་དག་གིས་སྨྲས་པ། ལྷ་མཆིས་ཏེ་རྒྱལ་པོ་གཏུམ་པོ་རབ་སྣང་གི་ཡུལ་འཕགས་རྒྱལ་ཞེས་བགྱི་བ་ན་ཆར་དུས་བཞིན་དུ་འབབ་ཅིང་ཤིང་ལས་མེ་ཏོག་དང་
D6.010.0291a02.01འབྲས་བུ་ཡང་རྟག་ཏུ་འཆགས། ས་ལ་ལོ་ལེགས་པས་སློང་མོ་བས་ཀྱང་རྟག་ཏུ་ཟས་རྙེད་སླའོ་ཞེས་གདའོ། །དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དཔུང་གི་ཚོགས་ཡན་ལག་བཞི་པ་གོ་སྐོན་ཅིག་དང་དེའི་ཡུལ་འཁོར་གཞོམ་པར་བྱས་འདོང་ངོ་། །དེ་དག་གིས་དཔུང་
D6.010.0291a03.01གི་ཚོགས་ཡན་ལག་བཞི་པ་གོ་བསྐོན་ནས་རྒྱལ་པོ་པད་མའི་སྙིང་པོ་ཅན་དཔུང་གི་ཚོགས་ཡན་ལག་བཞི་པ་དང་། ཡུལ་འཕགས་རྒྱལ་དུ་དོང་སྟེ་རིམ་གྱིས་རྒྱལ་པོ་གཏུམ་པོ་རབ་སྣང་གི་ཡུལ་དུ་ཕྱིན་ཏོ། །དེས་དེ་དག་གཞོམ་པར་བརྩམས་པ་ན། ཡུལ་དེ་ན་གནས་པའི་སྐྱེ་བོའི་
D6.010.0291a04.01ཚོགས་ཀྱིས་རྒྱལ་པོ་གཏུམ་པོ་རབ་སྣང་ལ་ལྷ་རྒྱལ་པོ་པད་མའི་སྙིང་པོ་ཅན་ཞེས་བགྱི་བ་དཔུང་གི་ཚོགས་ཆེན་པོ་བསྡུས་ནས་ལྷའི་ཡུལ་འཇོམས་སུ་མཆིས་སོ་ཞེས་སྦྲན་པ་ཐོས་པ་དང་། དེས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟའི་ཚོགས་དང་།
D6.010.0291a05.01ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ་རྒྱལ་པོ་པད་མའི་སྙིང་པོ་ཅན་དང་གཡུལ་འགྱེད་པའི་ཕྱིར་སྤགས་སོ། །དེ་ན་རྒྱལ་པོ་པད་མའི་སྙིང་པོ་ཅན་གྱིས་རྒྱལ་པོ་གཏུམ་པོ་རབ་སྣང་གི་གླང་པོ་ཆེའི་ཚོགས་ཐམས་ཅད་ཀྱང་ཕྲོགས། རྟའི་ཚོགས་དང་། ཤིང་རྟའི་
D6.010.0291a06.01ཚོགས་དང་། དཔུང་བུ་ཆུང་གི་ཚོགས་ཀྱང་ཕྲོགས་ཏེ་རྒྱལ་པོ་གཏུམ་པོ་རབ་སྣང་བཅོམ་བཏགས་བྱིན་བསྒྲལ་ཕམ་པར་བྱས་ཏེ། གཡུལ་བཟློག་པ་ན་ཕན་ཚུན་ཀུན་ཏུ་བྱེར་བ་ལས་བློན་པོ་དང་སྐྱེ་བོའི་ཚོགས་གཞན་རྣམས་ནི་འཕགས་རྒྱལ་དུ་ཞུགས་ནས་ར་བའི་ཁར་སྦྲེངས་ཏེ་འདུག་གོ། །
D6.010.0291a07.01