完整藏文原文 · 德格版页 当前仅加载第 10 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ཏེ། བདག་ཅག་གིས་ཁྱོད་ཀྱི་ལས་ཅི་ཞིག་བགྱི་བར་འཚལ། དེས་སྨྲས་པ། ཅུང་ཟད་ཀྱང་བྱར་མེད་ཀྱི། ངན་གོང་འདི་ཉིད་གོམས་པར་བྱེད་དུ་གཞུག་ཅིང་གཞག་གོ། །འོན་ཀྱང་ཁྱོད་ཀྱིས་ངའི་དོན་གཅིག་བྱ་སྟེ། གང་ཞིག་ང་དང་ལྷན་ཅིག་ཏུ་ཐབ་མོ་བྱེད་པ་
D6.010.0295b01.01དེའི་ཁ་ཁྱེད་གཉིས་ཀྱིས་མི་གཙང་བའི་ནང་དུ་བསྒྲེས་པའི་རི་ལུས་ཁོང་ཤིག །དེ་གཉིས་ཀྱིས་སྨྲས་པ། ལྷ་ལེགས་ཀྱིས་དེ་བཞིན་དུ་བགྱིའོ། །ཇི་ཙམ་དུས་གཞན་ཞིག་ན་ཇི་ཞིག་གི་ཕྱིར་དེ་དེ་དང་ལྷན་ཅིག་ཏུ་ཐབ་མོ་བྱེད་པར་བརྩམས་པ་ན་དེ་གཉིས་ཀྱིས་དེའི་ཁར་
D6.010.0295b02.01མི་གཙང་བའི་ནང་དུ་བསྒྲེས་པའི་རི་ལུས་བཀང་བ་དང་། དེ་སྐྱེངས་ནས་ལ་གོར་དུ་ཕྱིས་ཏེ་ཁ་བཙུམས་ནས་སྤོབས་པ་མེད་པར་གྱུར་ཏོ། །ཡང་རྒྱལ་པོས་གསོས་པ་ལ་གསོས་པ་ཁྱོད་ཇི་ལྟ་ཞིང་འདུག་ཅེས་རྨས་པ་དང་། དེས་སྨྲས་པ། ལྷ་ཅི་འདྲ་ཞིང་མཆིས།
D6.010.0295b03.01ཁྱོད་ཀྱི་ནང་མི་དེས་ཞིང་པའི་མི་ཡིན་ནོ་ཞེས་བདག་ལ་བརྙས་པར་བས་མོད། རྒྱལ་པོས་སྨྲས་པ། གསོས་པ་གལ་ཏེ་དེ་ལྟ་ན་གང་གི་ཚེ་ང་བཙུན་མོའི་འཁོར་གྱི་ནང་དུ་སོང་བ་དེའི་ཚེ་ཁྱོད་ཤོག་ལ་རྒྱལ་པོ་ག་ལ་བཞུགས་ཞེས་དྲིས་ཤིག །གལ་ཏེ་བཙུན་མོའི་
D6.010.0295b04.01འཁོར་གྱི་ནང་ན་བཞུགས་སོ་ཞེས་ཟེར་ན་དེ་བཙུན་མོའི་འཁོར་གྱི་ནང་དུ་བཞུད་ཅིང་གནས་ན་རྒྱལ་པོའི་བྱ་བ་དང་རྒྱལ་པོའི་དོན་དག་ཉམས་པར་འགྱུར་རོ་ཞེས་སྨྲོས་ཤིག །གལ་ཏེ་ཡང་དེར་ངའི་མལ་ལམ་ཁྲི་དག་མཐོང་ན་ཁྱོད་དེར་འདུག་ཤིག་དང་། ངས་ཁྱོད་ཀྱི་
D6.010.0295b05.01རྐང་པ་བཀྲུ་བར་བྱའོ། །དེས་སྨྲས་པ། ལྷ་ཁྱོད་ནི་རྗེ་ལགས། བདག་ནི་འབངས་ལགས་པས་དེ་ཇི་ལྟར་རུང་སྟེ་དེ་ནི་ཆ་མ་ལགས་སོ། །རྒྱལ་པོས་སྨྲས་པ། གསོས་པ་ང་དེ་ལྟར་འདོད་ན་འདི་ལ་ཁྱོད་ལ་འགལ་བ་ཅི་ཞིག་ཡོད། །དེ་ལྟར་ན་དེ་དག་ཁྱོད་ལ་རིམ་
D6.010.0295b06.01གྲོ་བྱེད་པར་འགྱུར་རོ་ཞེས་བྱས་པ་དང་། དེས་ཁས་བླངས་ནས་ཐམས་ཅད་རིམ་གྱིས་བྱས་སོ། །རྒྱལ་པོའི་མལ་སྟན་གང་ཡིན་པའི་སྟེང་དུ་རེ་ཞིག་ངལ་བསོའོ་ཞེས་བྱས་ནས་ཉལ་བ་དང་། དེ་ཉིད་དུ་གཉིད་ཀྱིས་ལོག་གོ། །རྒྱལ་པོ་ཕྱིར་བྱུང་ནས་འདི་སུ་ཞིག་ཅེས་
D6.010.0295b07.01