完整藏文原文 · 德格版页 当前仅加载第 10 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་གྱིས་སྨྲས་པ། བྱ་རོག་དག་ཟེར་རོ། །དེས་སྨྲས་པ། ཀྱེ་སྐྱེས་བུ་དེ་དག་ནི་ང་ལ་ཁྲོས་པ་ཡིན་ནོ། །ཅིའི་ཕྱིར། དེས་ཇི་ལྟར་གྱུར་པ་བསྙད་པ་དང་། རྐུན་པོའི་སྡེ་དཔོན་གྱིས་སྨྲས་པ། འཕགས་པ་གལ་ཏེ་ཁྱོད་ཀྱིས་བདག་ལ་དེ་སྐད་དུ་དྲང་པོར་མ་
D6.010.0172a01.01སྨྲས་པར་གྱུར་ན་བདག་ཁྱོད་བསད་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཉེས་དམིགས་འདི་དག་བསྡོས་ཏེ་བཞག་པ་ལས་གྱུར་གྱིས་དེ་ལྟ་བས་ན་སེམས་ཅན་ཐམས་ཅད་
D6.010.0172a02.01ཀྱི་ཕྱིར་སྤྱི་ལ་ཅི་བདེ་བའི་ཟས་ཀྱི་ཆང་བུ་གཞག་པར་བྱའོ། །དབྱར་ཁང་{བཟངས་,བཟང་}ཆུས་གང་ནས་བཅོམ་ལྡན་འདས་ཀྱིས་བཀའ་སྩལ་པ། སྐྱབས་བྱའོ། །བཅོམ་ལྡན་འདས་ཀྱིས་སྐྱབས་བྱའོ་ཞེས་བཀའ་སྩལ་ན། དགེ་སློང་དག་སྐྱབས་ཇི་ལྟ་བུ་བྱ་བ་མི་ཤེས་ནས། བཅོམ་ལྡན་འདས་
D6.010.0172a03.01ཀྱིས་བཀའ་སྩལ་པ། ཀ་བའི་བར་རྣམས་སུ་སྤང་ལེབ་ཀྱིས་གཅད་པར་བྱའོ། །ཐམས་ཅད་དུ་བཅད་པས་མུན་ནག་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་དུ་གཅད་པར་མི་བྱའི་འོན་ཀྱང་སྣང་བའི་ས་གཞག་པར་བྱའོ། །ཤིང་དག་མ་རྙེད་ནས་
D6.010.0172a04.01བཅོམ་ལྡན་འདས་ཀྱིས་བཀའ་སྩལ་པ། རེ་ལྡེ་འམ་སེག་གིས་གཅད་པར་བྱའོ། །དེ་དག་གིས་བཅད་པ་དང་ཆུས་རུལ་ཅིང་སྲིལ་དག་ཀྱང་ཞུགས་ནས། བཅོམ་ལྡན་འདས་ཀྱིས་བཀའ་སྩལ་པ། ཟླ་བ་བཞི་བཞིར་བཞག་ནས་ཕྱིས་དབྱུང་བར་བྱའོ། །སངས་རྒྱས་བཅོམ་ལྡན་
D6.010.0172a05.01འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱི་ཀུན་དུ་སྤྱོད་པ་ནི་ནང་པར་སྔར་ལངས་ནས་བཅོམ་ལྡན་འདས་ལ་བལྟ་བའི་ཕྱིར་ཉེ་བར་སོང་ནས་རྒྱལ་བྱེད་ཀྱི་ཚལ་རང་གིས་འཕྱག་གོ། །དེ་ནས་
D6.010.0172a06.01དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་བྲེལ་བ་འགའ་ཞིག་བྱུང་ནས་དེ་མ་འོངས་པ་དང་། རྒྱལ་བྱེད་ཀྱི་ཚལ་མ་ཕྱགས་པར་ལུས་ཏེ་ཕྱག་དར་གྱིས་གང་བ་དེ་བཅོམ་ལྡན་འདས་འཆག་པས་གཟིགས་སོ། །གཟིགས་ནས་ཀྱང་ཀྱེ་མ་ལྷའི་དབང་པོ་བརྒྱ་བྱིན་གྱིས་རི་སྤོས་ཀྱི་ངད་
D6.010.0172a07.01