完整藏文原文 · 德格版页 当前仅加载第 10 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
མཉེས་པ་དང་། དེ་རེག་བྱ་དང་ལྡན་པ་ཡིན་པས་མཉེས་མ་ཐག་ཉིད་དུ་དེ་གཉིད་ལོག་གོ། །དེ་གཉིད་ལོག་པ་དང་། དེས་བསམས་པ། རྒྱལ་པོ་འདི་དག་ལ་ནི་དགྲ་མང་བས་གལ་ཏེ་འདི་གཉིད་ལོག་པ་ལ་འགའ་ཞིག་གིས་གནོད་པ་བྱེད་ན་ངེས་པར་བདག་གི་རྗེ་བོ་ལ་གྲགས་པ་མ་ཡིན་པར་
D6.010.0076b01.01འགྱུར་བས་སྒོ་གཅད་པར་བྱའོ་སྙམ་ནས། དེ་སྒོ་བཅད་དེ་འདུག་པ་དང་། ཇི་ཙམ་ན་གཅིག་ནས་གཅིག་ཏུ་ཐོས་ཏེ་དཔུང་གི་ཚོགས་ཡན་ལག་བཞི་པ་དག་སྐྱེད་མོས་ཚལ་དེར་ལྷགས་ནས་དེ་རྣམས་སྒོ་ཕྱེ་ཞེས་ཟེར་རོ། །དེས་སྒོ་མ་ཕྱེ་བ་དང་། རྒྱལ་པོ་ཀུ་ཆོའི་སྒྲས་སད་ནས་སྨྲས་པ། བུ་མོ་
D6.010.0076b02.01དེ་ཅི་ཞིག །དེས་སྨྲས་པ། ལྷ་མི་དག་ཅིག་ཆབ་སྒོ་ཕྱེ་ཞེས་མཆི་ཞིང་། ལྷའི་མཚན་ཡང་སྨོས་སོ། །དེས་སྨྲས་པ། བུ་མོ་སྒོ་འདི་སུས་བཅད། ལྷ་བདག་གིས་བཀུམ་མོ། །ཅིའི་ཕྱིར་བཅད། ལྷ་བདག་གིས་གློ་བ་ལ་རྒྱལ་པོ་འདི་དག་ལ་ནི་དགྲ་མང་བས་གལ་ཏེ་འདི་མནལ་ལོག་པ་ལ་
D6.010.0076b03.01འགའ་ཞིག་གིས་གནོད་པ་བགྱིས་ན་ངེས་པར་བདག་གི་རྗེ་བོ་ལ་གྲགས་པ་མ་ལགས་པར་འགྱུར་རོ་སྙམ་ནས། དེའི་སླད་དུ་བདག་གིས་ཆབ་སྒོ་བཀུམ་མོ། །དེས་སྨྲས་པ། བུ་མོ་མཛངས་མ་ཁྱོད་ལ་ངའི་ཐེ་ཚོམ་འདི་དྲི་བར་བྱ་སྟེ། རེ་ཞིག་ཁྱོད་མིང་ཆེན་གྱི་ཅིར་འོང་སྨྲོས་ཤིག །དེས་སྨྲས་
D6.010.0076b04.01པ། བདག་དེའི་མངག་གཞུག་བགྱིད་པའི་བྲན་མོ་ལགས་སོ་ཁྱོད་དེའི་མངག་གཞུག་བྱེད་པའི་བྲན་མོ་མ་ཡིན་གྱི། ཁྱོད་ངེས་པར་དེའི་བུ་མོ་ཡིན་གྱིས་དྲང་པོར་སྨྲོས་ཤིག །དེ་ཅང་མི་སྨྲ་བར་འདུག་པ་དང་། རྒྱལ་པོས་སྨྲས་པ། བུ་མོ་ཁྱོད་མིང་ཆེན་གྱི་གན་དུ་སོང་ལ། རྒྱལ་པོ་གསལ་
D6.010.0076b05.01རྒྱལ་ཁྱོད་ཀྱི་ཀུན་དགའ་ར་བ་ན་བཞུགས་སོ་ཞེས་བྱོས་ཤིག །དེ་མྱུར་བ་མྱུར་བར་སོང་སྟེ། ཇོ་བོ་ཀོ་ས་ལའི་རྒྱལ་པོ་གསལ་རྒྱལ་ཁྱོད་ཀྱི་ཀུན་དགའ་ར་བ་ན་བཞུགས་སོ་ཞེས་སྨྲས་སོ། །ཤཱཀྱ་མིང་ཆེན་གྱིས་ཐོས་ནས་བཟའ་བ་དང་། བཏུང་བ་དང་། དྲི་དང་ཕྲེང་བ་དག་བཤམས་ནས། སྐྱེ་བོ་
D6.010.0076b06.01ཕལ་པོ་ཆེས་བསྐོར་ཏེ་ཀུན་དགའ་ར་བར་སོང་ངོ་། །དེ་ནས་གཅིག་ལ་གཅིག་བྱོན་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་པས་སོ་སོ་ཡང་དག་པར་དགའ་བར་བྱས་ནས། རྒྱལ་པོ་ཁྲུས་བྱས་ཤིང་ཟན་ཟོས་ནས་གཏམ་དག་བྱས་ཏེ་ཡུད་ཙམ་ཞིག་བསྡད་ནས་སྨྲས་པ། མིང་ཆེན་བུ་མོ་འདི་ཁྱོད་ཀྱི་ཅིར་འོང་།
D6.010.0076b07.01