完整藏文原文 · 德格版页 当前仅加载第 10 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ཚིགས་སུ་བཅད་དེ་སྨྲས་པ། སྟོབས་དང་ལྡན་པས་ཚར་བཅད་པ། །ངེས་པར་འབྱུང་བའི་ཚོལ་བ་ཡིས། །ཤལ་མ་ལི་ཞེས་མི་བསམ་སྟེ། །སྐམ་གྱི་པད་མ་བཞིན་པར་བསམ། །དེ་དེ་དག་གིས་བཏང་ནས། ཅིག་ཤོས་ལ་དྲིས་པ་དང་། དེས་སྨྲས་པ། མ་མཐོང་ངམ།
D6.010.0244b01.01ཤིང་ཤལ་མ་ལིའི་མེ་ཏོག་ཡིན་མོད་ཅེས་བྱས་པ་དང་། དེ་དེ་དག་གིས་བརྡེགས་སོ། །དགེ་སློང་དག་ཅི་སྙམ་དུ་སེམས་ཞེས་བྱ་བ་རྒྱས་པར་སྔ་མ་བཞིན་ནོ། །དེ་ནས་བཅོམ་ལྡན་འདས་རྒྱལ་པོའི་ཁབ་ན་ཇི་ཙམ་དགྱེས་པར་བཞུགས་ནས་མཉན་ཡོད་གང་ན་བ་དེར་རྒྱུ་ཞིང་གཤེགས་སོ། །རྒྱུ་
D6.010.0244b02.01ཞིང་གཤེགས་པ་དང་། རིམ་གྱིས་མཉན་ཡོད་དུ་བྱོན་ཏེ་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་འཕགས་པ་ཤཱ་རིའི་བུ་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་འཕགས་པ་ཀུན་
D6.010.0244b03.01དགའ་བོའི་ལག་ན་ཡོད་དོ་ཞེས་ཐོས་སོ། །ཐོས་ནས་ཀྱང་ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་
D6.010.0244b04.01མགོན་མེད་ཟས་སྦྱིན་གྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །འཕགས་པ་ཀུན་དགའ་བོ་མཁྱེན་པར་མཛོད་ཅིག །འཕགས་པ་ཤཱ་རིའི་བུ་ནི་བདག་གི་ཡུན་རིང་པོ་ནས་སྡུག་པ་དང་། ཡིད་དུ་འོང་བ་དང་། བླ་མ་དང་། དྲན་པར་བགྱིད་པ་ལགས་
D6.010.0244b05.01ན། དེ་ཡོངས་སུ་མྱ་ངན་ལས་འདས་ཏེ། དེའི་རིང་བསྲེལ་ཁྱོད་ཀྱི་ཕྱག་ན་མངའ་བ་དེ་དག་བདག་ལ་སྩོལ་ཅིག་དང་། དེའི་རིང་བསྲེལ་ལ་རིང་བསྲེལ་གྱི་མཆོད་པ་བགྱིའོ། །དེས་སྨྲས་པ། ཁྱིམ་བདག་དེ་ནི་བདག་གི་ཡང་ཡུན་རིང་པོ་ནས་སྡུག་པ་དང་། ཡིད་དུ་འོང་
D6.010.0244b06.01བ་དང་། བླ་མ་དང་དྲན་པར་བྱ་བ་ཡིན་པས་བདག་ཉིད་དེའི་རིང་བསྲེལ་ལ་རིང་བསྲེལ་གྱི་མཆོད་པ་བྱེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
D6.010.0244b07.01